Latest News
രാജ്യത്ത് 44,230 പേർക്ക് കോവിഡ്; 555 മരണം
ഹർഡിൽസിൽ ജാബിർ പുറത്ത്; ബോക്സിങ്ങിൽ മെഡലുറപ്പിച്ച് ലവ്ലിന ബോർഗോഹൈൻ
അമ്പെയ്ത്തിൽ ദീപിക കുമാരി ക്വാർട്ടറിൽ; സ്റ്റീപ്പിൾ ചേസിൽ ദേശിയ റെക്കോഡ് തിരുത്തി അവിനാശ് സാബ്ലെ

Kerala News Highlights: മാര്‍ക്ക്ദാന വിവാദം: സര്‍ക്കാരിനെ പ്രതിരോധത്തിലാക്കി ഉന്നത വിദ്യാഭ്യാസ കൗണ്‍സില്‍ ഉപാധ്യക്ഷന്‍

Kerala News Highlights, Kerala Weather, Traffic News: പരീക്ഷാഫലം വന്നു കഴിഞ്ഞാല്‍ മാര്‍ക്ക് കൂട്ടി നല്‍കാനോ കുറച്ചു നല്‍കാനോ സിന്‍ഡിക്കേറ്റിന് അധികാരമില്ലെന്നും അദ്ദേഹം പറഞ്ഞു

Latest Kerala News Highlights: തിരുവനന്തപുരം: പരീക്ഷാഫലം വന്നു കഴിഞ്ഞാല്‍ അതുമായി ബന്ധപ്പെട്ട യാതൊരു കാര്യത്തിലും ഇടപെടാനോ പരിശോധിക്കാനോ സിന്‍ഡിക്കേറ്റിന് അധികാരമില്ലെന്ന് ഉന്നത വിദ്യാഭ്യാസ കൗണ്‍സില്‍ ഉപാധ്യക്ഷന്‍ രാജന്‍ ഗുരുക്കള്‍. എം.ജി സര്‍വകലാശാലയിലെ മാര്‍ക്ക് ദാന വിവാദവുമായി ബന്ധപ്പെട്ട വിഷയത്തില്‍ പ്രതികരിക്കുകയായിരുന്നു അദ്ദേഹം.

സിന്‍ഡിക്കേറ്റില്‍ പരീക്ഷാ നടത്തിപ്പിനായി നിയമിക്കുന്ന സമിതിക്ക് പോലും ഉത്തര പേപ്പര്‍ വിളിച്ചു വരുത്താന്‍ അധികാരമില്ലെന്നും അദ്ദേഹം പറഞ്ഞു. പരീക്ഷാഫലം വന്നു കഴിഞ്ഞാല്‍ മാര്‍ക്ക് കൂട്ടി നല്‍കാനോ കുറച്ചു നല്‍കാനോ സിന്‍ഡിക്കേറ്റിന് അധികാരമില്ലെന്നും അദ്ദേഹം പറഞ്ഞു.

മാര്‍ക്ക്ദാന വിവാദത്തില്‍ മന്ത്രി കെ.ടി.ജലീലിനെതിരെ വീണ്ടും രമേശ് ചെന്നിത്തല. തന്റെ ആരോപണങ്ങള്‍ വസ്തുതാപരമാണെന്നും മന്ത്രിയ്ക്ക് മറുപടിയില്ലെന്നും പ്രതിപക്ഷ നേതാവ് പറഞ്ഞു. അതുകൊണ്ടാണ് തന്റെ മകനെ കുറിച്ച് ബാലിശമായ ആരോപണങ്ങള്‍ ഉന്നയിക്കുന്നതെന്നും ചെന്നിത്തല. കള്ളനെ കയ്യോടെ പിടിച്ചപ്പോഴുണ്ടായ പരിഭ്രമമാണ് മന്ത്രിയ്‌ക്കെന്നും അതുകൊണ്ടാണ് ഇതുപോലെ പലതും വിളിച്ചു പറയുന്നതെന്നും ചെന്നിത്തല പറഞ്ഞു.

Live Blog

Kerala news today in Malayalam with Highlights of weather, traffic, train services and airlines – കേരള വാർത്തകൾ തത്സമയം














20:33 (IST)18 Oct 2019





















അഞ്ചാം ക്ലാസുകാരിയെ പീഡിപ്പിച്ച അച്ഛന്‍ അറസ്റ്റില്‍

തിരുവനന്തപുരത്ത് അഞ്ചാം ക്ലാസുകാരിയെ പീഡിപ്പിച്ച അച്ഛനെ അറസ്റ്റ് ചെയ്തു. മാസങ്ങള്‍ക്ക് മുമ്പായിരുന്നു സംഭവം. സ്‌കൂള്‍ അധികൃതരോട് കുട്ടി സംഭവത്തെ കുറിച്ച് തുറന്നു പറഞ്ഞതോടെയാണ് പുറത്തറിയുന്നത്. അച്ഛനെതിരെ പോക്‌സോ പ്രകാരം കേസെടുത്തു. അച്ഛനും സുഹൃത്തുക്കളും ചേര്‍ന്നായിരുന്നു കുട്ടിയെ പീഡിപ്പിച്ചത്. എന്നാല്‍ അച്ഛന്റെ സുഹൃത്തുക്കളെ കുട്ടിയ്ക്ക് അറിയില്ല. ഇവര്‍ക്കായി അന്വേഷണം നടത്തി വരികയാണ്. സംസാരശേഷിയും കേള്‍വിയുമില്ലാത്ത അമ്മയേയും അച്ഛന്‍ നിരന്തരം മര്‍ദ്ദിച്ചിരുന്നതായും കുട്ടി മൊഴി നല്‍കിയിട്ടുണ്ട്.

19:22 (IST)18 Oct 2019





















ദേശീയപാതയിലെ മോഷണത്തില്‍ ട്വിസ്റ്റ്

ദേശീയപാതയില്‍ ക്വട്ടേഷൻ സംഘം വയനാട് സ്വദേശികളെ ആക്രമിച്ച് പതിനാല് ലക്ഷത്തിലധികം രൂപ തട്ടിയെന്നാരോപിച്ച കേസില്‍ വന്‍ വഴിത്തിരിവ്. ആക്രമിക്കപ്പെട്ട കാറിനുള്ളില്‍നിന്നുതന്നെ അന്വേഷണസംഘം പണം കണ്ടെത്തി. പരാതിക്കാർ പോലീസിനെ തെറ്റിദ്ധരിപ്പിക്കാന്‍ ശ്രമിച്ചെന്നാണ് അന്വേഷണസംഘത്തിന്‍റെ ഇപ്പോഴത്തെ നിഗമനം. കണ്ടെടുത്ത പണത്തിന്‍റെ ഉറവിടം വ്യക്തമാക്കാന്‍ പരാതിക്കാരോട് പൊലീസ് ആവശ്യപ്പെട്ടിരിക്കുകയാണിപ്പോൾ.

18:41 (IST)18 Oct 2019





















കൂടത്തായി: മൂന്ന് പ്രതികളെയും ജയിലേക്കയച്ചു

കൂടത്തായി കൊലപാതക പരമ്പരയിലെ റോയിയുടെ മരണവുമായി ബന്ധപ്പെട്ട് അറസ്റ്റിലായ മുഖ്യപ്രതി ജോളി അടക്കമുള്ള മൂന്ന് പ്രതികളെയും ജയിലേക്കയച്ചു. പ്രതികളുടെ റിമാന്‍ഡ് കാലാവധി അവസാനിച്ചതിനെ തുടര്‍ന്നാണിത്. ജോളി, മാത്യു, പ്രജുകുമാര്‍ എന്നിവരെയാണ് ജയിലിലേക്ക് അയച്ചത്. ശനിയാഴ്ച ഇവരെ കോടതിയില്‍ ഹാജരാക്കും.

18:06 (IST)18 Oct 2019





















മാര്‍ക്ക്ദാന വിവാദം: സര്‍ക്കാരിനെ പ്രതിരോധത്തിലാക്കി ഉന്നത വിദ്യാഭ്യാസ കൗണ്‍സില്‍ ഉപാധ്യക്ഷന്‍

പരീക്ഷാഫലം വന്നു കഴിഞ്ഞാല്‍ അതുമായി ബന്ധപ്പെട്ട യാതൊരു കാര്യത്തിലും ഇടപെടാനോ പരിശോധിക്കാനോ സിന്‍ഡിക്കേറ്റിന് അധികാരമില്ലെന്ന് ഉന്നത വിദ്യാഭ്യാസ കൗണ്‍സില്‍ ഉപാധ്യക്ഷന്‍ രാജന്‍ ഗുരുക്കള്‍. എം.ജി സര്‍വകലാശാലയിലെ മാര്‍ക്ക് ദാന വിവാദവുമായി ബന്ധപ്പെട്ട വിഷയത്തില്‍ പ്രതികരിക്കുകയായിരുന്നു അദ്ദേഹം.

സിന്‍ഡിക്കേറ്റില്‍ പരീക്ഷാ നടത്തിപ്പിനായി നിയമിക്കുന്ന സമിതിക്ക് പോലും ഉത്തര പേപ്പര്‍ വിളിച്ചു വരുത്താന്‍ അധികാരമില്ലെന്നും അദ്ദേഹം പറഞ്ഞു. പരീക്ഷാഫലം വന്നു കഴിഞ്ഞാല്‍ മാര്‍ക്ക് കൂട്ടി നല്‍കാനോ കുറച്ചു നല്‍കാനോ സിന്‍ഡിക്കേറ്റിന് അധികാരമില്ലെന്നും അദ്ദേഹം പറഞ്ഞു.

17:09 (IST)18 Oct 2019





















ഏരൂരിൽ സ്കൂളിലെ മാലിന്യ ടാങ്കിലേക്ക് വീണ് അഞ്ച് കുട്ടികൾക്ക് പരിക്കേറ്റു

കൊല്ലം ഏരൂരിൽ സ്കൂളിലെ മാലിന്യ ടാങ്കിലേക്ക് വീണ് അഞ്ച് കുട്ടികൾക്ക് പരിക്കേറ്റു. ഇവരെ അഞ്ചലിലെ സ്വകാര്യ ആശുപത്രിയിൽ പ്രവേശിപ്പിച്ചു. ഏരൂർ എൽപി സ്കൂളിലെ ഒന്നാം ക്ലാസ് വിദ്യാർഥികളാണ് അപകടത്തിൽപെട്ടത്. രണ്ടു കുട്ടികളുടെ കൈയിലെയും കാലിലെയും എല്ലുകൾക്ക് പൊട്ടലുണ്ട്. ഇവരെ തിരുവനന്തപുരം മെഡിക്കൽ കോളജിലേക്ക് മാറ്റും. ആരുടെയും പരിക്ക് ഗുരുതരമല്ല.

16:37 (IST)18 Oct 2019





















ജാ​തി-​മ​ത സം​ഘ​ട​ന​ക​ൾ പ​ര​സ്യ​മാ​യി വോ​ട്ട് അ​ഭ്യ​ർ​ഥി​ക്കു​ന്ന​ത് ച​ട്ട​ലം​ഘ​നം ത​ന്നെ​യാ​ണെ​ന്ന് ടി​ക്കാ​റാം മീ​ണ

ജാ​തി-​മ​ത സം​ഘ​ട​ന​ക​ൾ പ​ര​സ്യ​മാ​യി വോ​ട്ട് അ​ഭ്യ​ർ​ഥി​ക്കു​ന്ന​ത് ച​ട്ട​ലം​ഘ​നം ത​ന്നെ​യാ​ണെ​ന്ന് മു​ഖ്യ തെ​ര​ഞ്ഞെ​ടു​പ്പ് ഓ​ഫീ​സ​ർ ടി​ക്കാ​റാം മീ​ണ. രാ​ഷ്ട്രീ​യ​ത്തി​ൽ ഇ​ട​പെ​ട​ണ​മെ​ങ്കി​ൽ രാ​ഷ്ട്രീ​യ പാ​ർ​ട്ടി​യാ​യി ര​ജി​സ്റ്റ​ർ ചെ​യ്യ​ണം. ജാ​തി​യും മ​ത​വും പ​റ​ഞ്ഞ് ഇ​തൊ​രു ക​ലാ​പ ഭൂ​മി​യാ​ക്കാ​ന്‍ പാ​ടി​ല്ല. ഇ​ത് ജാ​തി തെ​ര​ഞ്ഞെ​ടു​പ്പ​ല്ലെ​ന്നും രാ​ഷ്ട്രീ​യ തെ​ര​ഞ്ഞെ​ടു​പ്പാ​ണെ​ന്നും അ​ദ്ദേ​ഹം വാ​ർ​ത്താ​സ​മ്മേ​ള​ന​ത്തി​ൽ പ​റ​ഞ്ഞു.  ജാ​തി പ​റ​ഞ്ഞ് വോ​ട്ട് പി​ടി​ക്കു​ന്ന​തു​മാ​യി ബ​ന്ധ​പ്പെ​ട്ട് ഇ​തു​വ​രെ പ​രാ​തി കി​ട്ടി​യി​ട്ടി​ല്ല. സ​മ​ദൂ​രം ശ​രി​ദൂ​ര​മാ​ക്കി​യ​താ​ണ് പ്ര​ശ്ന​മാ​യ​തെ​ന്നും അ​ദ്ദേ​ഹം പ​റ​ഞ്ഞു.

16:22 (IST)18 Oct 2019





















സര്‍ക്കാര്‍ ചെയ്ത കാര്യങ്ങള്‍ പറഞ്ഞാണ് എല്‍ഡിഎഫ് വോട്ടുപിടിക്കുന്നതെന്ന് കാനം

സര്‍ക്കാര്‍ ചെയ്ത കാര്യങ്ങള്‍ പറഞ്ഞാണ് എല്‍ഡിഎഫ് വോട്ടുപിടിക്കുന്നതെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ.  ഓരോ സമുദായ സംഘടനകള്‍ക്കും അവരുടേതായ നിലപാടുണ്ടാകും. അവര്‍ക്ക് അതിനുള്ള സ്വാതന്ത്ര്യമുണ്ട്. എൻഎസ്എസ് ഓഫീസിൽ പോയി അനുവാദം ചോദിച്ചല്ല രാഷ്ട്രീയ പാർട്ടികൾ തെരഞ്ഞെടുപ്പിൽ മത്സരിക്കുന്നത്. എൻഎസ്എസിന്‍റെ വോട്ടുപിടുത്തം സംബന്ധിച്ച പരാതി പരിശോധിക്കേണ്ടത് മുഖ്യതെരഞ്ഞെടുപ്പ് ഓഫീസര്‍  ടിക്കാറാം മീണയാണ്.  രാഷ്ട്രീയ പാർട്ടികൾക്ക് അതിനവകാശമില്ല. വിമോചന സമരത്ത കമ്മ്യൂണിസ്റ്റു പാർട്ടി അതിജീവിച്ചിട്ടുണ്ടെന്നും കാനം രാജേന്ദ്രന്‍ പറഞ്ഞു.

16:03 (IST)18 Oct 2019





















കെ.സി.എ ഓംബുഡ്‌സ്മാന്‍ സ്ഥാനത്തു നിന്നും മാറ്റിയ നടപടി; രാംകുമാറിന്റെ ആവശ്യം ഹൈക്കോടതി പരിശോധിക്കും

കേരള ക്രിക്കറ്റ് അസോസിയേഷന്‍ ഓംബുഡ്സ്മാന്‍ സ്ഥാനത്ത് നിന്ന് നീക്കിയ കെ.സിഎയുടെ നടപടി പരിശോധിക്കണമെന്ന ജസ്റ്റീസ് വി രാംകുമാറിന്റെ ആവശ്യം നിലനില്‍ക്കുമോ എന്ന കാര്യം ഹൈക്കോടതി പരിശോധിക്കും .ഇക്കാര്യത്തില്‍ കോടതി ചൊവ്വാഴ്യ വിധി പറയും . ജസ്റ്റീസ് രാംകുമാറിന്റെ ആവശ്യത്തെ കെ.സി എ എതിര്‍ത്തതോടെയാണ് റിപ്പോര്‍ട്ടിലെ ആവശ്യത്തിന്റെ സാധുത പരിശോധിക്കാന്‍ കോടതി തിരുമാനിച്ചത് .

15:19 (IST)18 Oct 2019





















മാര്‍ക്ക്ദാന വിവാദം: കെ.എസ്.യു പ്രതിഷേധം, അറസ്റ്റ്

മാര്‍ക്ക്ദാന വിവാദത്തില്‍ പ്രതിഷേധവുമായി കെ.എസ്.യു. എംജി സര്‍വ്വകലാശാലയുടെ അഡ്മിനിസ്‌ട്രേറ്റീവ് ഓഫീസിന് മുന്നിലാണ് പ്രതിഷേധം നടത്തിയത്. രണ്ട് മണിയോടെ പതിനഞ്ചോളം പ്രവര്‍ത്തകര്‍ ഓഫീസിന് മുന്നിലെത്തി മുദ്രാവാക്യം വിളിക്കുകയായിരുന്നു. പ്രവര്‍ത്തകരെ പൊലീസ് അറസ്റ്റ് ചെയ്ത് നീക്കി.

14:51 (IST)18 Oct 2019





















പൊതു വിവരാവകാശ ഓഫീസർമാർ ഹിയറിങ്ങിൽ പങ്കെടുക്കാത്തതിനെതിരേ  സംസ്ഥാന വിവരാവകാശ കമ്മിഷൻ

സർക്കാർ ഓഫീസുകളിലെ പൊതു വിവരാവകാശ ഓഫീസർമാർ ഹിയറിങ്ങിൽ പങ്കെടുക്കാത്തതിനെതിരേ  സംസ്ഥാന വിവരാവകാശ കമ്മിഷൻ. കാരണം കാണിക്കാതെ ഹാജരാകാതിരിക്കുന്നതു കുറ്റകരമാണെന്നും ഇതിനെതിരെ നടപടിയെടുക്കുമെന്നും കമ്മിഷൻ വ്യക്തമാക്കി. ഇന്ന് എറണാകുളം പിഡബ്ള്യുഡി റെസ്റ്റ് ഹൗസിൽ നടത്തിയ ഹിയറിങ്ങിൽനിന്നു വിട്ടുനിന്ന എറണാകുളം വില്ലേജ് ഓഫീസ്, കൊച്ചി കോർപറേഷൻ ഓഫീസ്, തൃപ്പൂണിത്തുറ മുനിസിപ്പാലിറ്റി എന്നിവിടങ്ങളിലെ ബന്ധപ്പെട്ട ഉദ്യോഗസ്ഥരെ കമ്മിഷൻ ആസ്ഥാനത്തേക്കു വിളിച്ചുവരുത്തി വിശദീകരണം തേടും.

14:24 (IST)18 Oct 2019





















ജോളിയുടെ സുഹൃത്ത് റാണി അന്വേഷണ സംഘത്തിന് മുന്നില്‍ ഹാജരായി

കൂടത്തായി കേസിലെ മുഖ്യപ്രതി ജോളിയുടെ അറസ്റ്റ് പൊലീസ് ഇന്ന് വീണ്ടും രേഖപ്പെടുത്തും. ഷാജുവിന്റെ ആദ്യ ഭാര്യ സിലിയുടെ മരണത്തിലായിരിക്കും അറസ്റ്റ്. അതേസമയം, ജോളിയുടെ സുഹൃത്ത് റാണി ഇന്ന് വടകരയിലെ എസ്പി ഓഫീസില്‍ എത്തി അന്വേഷണ സംഘത്തിന് മുന്നില്‍ ഹാജരായി. ജോളിയും റാണിയും ഒരുമിച്ചുള്ള ഫോട്ടോ അന്വേഷണ സംഘത്തിന് ലഭിച്ചിരുന്നു.

13:27 (IST)18 Oct 2019





















പുല്ലേപ്പടി – തമ്മനം റോഡ് വികസനവുമായി ബന്ധപ്പെട്ട കോടതിയലക്ഷ്യ കേസിൽ പൊതുമരാമത്ത് വകുപ്പ് സെക്രട്ടറിയും ജില്ലാ കലക്ടറും വിശദീകരണം നൽകണം

വർഷങ്ങളായി മുടങ്ങി കിടക്കുന്ന റോഡ് വികസനം കൊച്ചി നഗരത്തിൽ വലിയ ഗതാഗത പ്രതിസന്ധിയാണ് ഉണ്ടാക്കുന്നത്. 300 കോടി രൂപയുടെ വികസന പദ്ധതി പ്രതിസസിയിലായിട്ട് വർഷങ്ങളായി. റോഡുവികസനം അകാരണമായി നീണ്ടുപോകുന്നതിൽ പരാതിപ്പെട്ട് ഫയൽ ചെയ്ത ഹരജിയിൽ ഒരു വർഷത്തിനകം പദ്ധതി പൂർത്തിയാക്കൻ ഹൈക്കോടതി സർക്കാരിന് നിർദ്ദേശം നൽകിയിരുന്നു. ഹൈക്കോടതിയുടെ ഉത്തരവു പ്രകാരം രണ്ടു മാസത്തിനകം റോഡുവികസനം പൂർത്തിയാക്കാനുള്ള അന്തിമ കർമ്മപദ്ധതി തയ്യാറാക്കേണ്ടതായിരുന്നു. എന്നാൽ അഞ്ചു മാസമായിട്ടും ഒരു നടപടിയുമായില്ല. തുടർന്നാണ് കോടതി അലക്ഷ്യ ഹരജി ഫയൽ ചെയ്തത്. ഹർജി ഫയലിൽ സ്വീകരിച്ച കോടതി പൊതുമരാമത്ത് വകുപ്പ് സെക്രട്ടറിയ്ക്കും ജില്ലാ കലക്ടർക്കും മറുപടി നൽകാൻ മുന്നാഴ്ച
സമയം അനുവദിച്ചു ഹർജി അടുത്ത മാസം പരിഗണിക്കും.

13:20 (IST)18 Oct 2019





















പരാതി പിന്‍വലിച്ചില്ലെങ്കില്‍ പ്രത്യാഘാതം ഗുരുതരമായിരിക്കും; സിസ്റ്റർ ലൂസിക്കു സഭയുടെ ഭീഷണി

സഭയ്‌ക്കെതിരേ നല്‍കിയ പരാതികള്‍ പിന്‍വലിച്ചില്ലെങ്കില്‍ പ്രത്യാഘാതം ഗുരുതരമായിരിക്കുമെന്ന ഭീഷണിയുമായി സിസ്റ്റര്‍ ലൂസി കളപ്പുരയ്ക്ക് സഭാ നേതൃത്വത്തിന്റെ കത്ത്. എഫ്‌സിസി സുപ്പീരിയര്‍ ആന്‍ ജോസഫാണ് കത്തയച്ചത്. തന്നെ സന്യാസ സഭയില്‍നിന്നു പുറത്താക്കിയ നടപടി പുനഃപരിശോധിക്കണമെന്നാവശ്യപ്പെട്ട് സിസ്റ്റര്‍ ലൂസി നല്‍കിയ അപ്പീല്‍ വത്തിക്കാന്‍ തള്ളിയതിനു പിന്നാലെയാണ് ഭീഷണിയുമായി സന്യാസ സമൂഹം രംഗത്തെത്തിയിരിക്കുന്നത്.

12:16 (IST)18 Oct 2019





















സുകുമാരൻ നായർ യുഡിഎഫ് കൺവീനറെ പോലെ പ്രവർത്തിക്കുന്നു; എൻഎസ്എസിനെതിരേ രൂക്ഷ വിമർശനവുമായി കോടിയേരി

ഉപതിരഞ്ഞെടുപ്പിൽ യുഡിഎഫിന് പരസ്യ പിന്തുണ പ്രഖ്യാപിച്ച എൻഎസ്എസിനെതിരെ രൂക്ഷ വിമർശനവുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. എന്‍എസ്എസ് ജനറല്‍ സെക്രട്ടറി യുഡിഎഫ് കണ്‍വീനറെ പോലെ പ്രവര്‍ത്തിക്കുകയാണ്. പാലായില്‍ തകര്‍ന്നടിഞ്ഞ യുഡിഎഫിന് ജീവന്‍ കൊടുക്കാനാണ് എൻഎസ്എസിന്‍റെ ശ്രമമെന്നും കോടിയേരി പറഞ്ഞു.

11:31 (IST)18 Oct 2019





















മരട് ഫ്ലാറ്റ്: നഷ്ടപരിഹാരം നിർണയിക്കാൻ കെ ബാലകൃഷ്ണൻ കമ്മിറ്റി യോഗം ഇന്നും തുടരും

തീരദേശ പരിപാലന നിയമം ലംഘിച്ച മരടിലെ ഫ്ലാറ്റുകൾ പൊളിക്കുന്നതിന് മുന്നോടിയായി ഉടമകളുടെ നഷ്ടപരിഹാരം നിർണയിക്കുന്നതിനുള്ള ജസ്റ്റിസ് കെ.ബാലകൃഷ്ണൻ നായർ കമ്മിറ്റിയുടെ യോഗം ഇന്ന് തുടരും. ഇതുവരെ 49 പേർക്ക് നഷ്ടപരിഹാരം നൽകുന്നതിനുള്ള നിർദ്ദേശമാണ് സമിതി സർക്കാരിന് നൽകിയിരിക്കുന്നത്. ഇന്നലെ മാത്രം 35 ഫ്ലാറ്റുടമകൾക്ക് നഷ്ടപരിഹാരം നൽകാൻ സമിതി ശുപാർശ ചെയ്തിരുന്നു. ഇതിൽ മൂന്ന് പേർക്ക് മാത്രമാണ് 25 ലക്ഷം രൂപയ്ക്ക് ശുപാർശ ചെയ്തിട്ടുള്ളത്. ആകെ 241 പേർക്ക് നഷ്ടപരിഹാരത്തിന് അർഹത ഉണ്ടാകുമെന്നാണ് കണക്കാക്കപ്പെടുന്നത്.

10:38 (IST)18 Oct 2019





















മാർക്ക് ദാന വിവാദത്തിൽ മുൻവിധിയില്ല, വിസിയുടെ റിപ്പോർട്ട് വരട്ടെയെന്ന് ഗവർണർ

എംജി സർവകലാശാലയിലെ മാർക്ക് ദാന വിവാദത്തിൽ മുൻവിധിയില്ലെന്ന് ഗവർണർ ആരിഫ് മുഹമ്മദ് ഖാൻ.  വിസിയുടെ റിപ്പോർട്ട് വരട്ടെയെന്നും അദ്ദേഹം പറഞ്ഞു. 

10:18 (IST)18 Oct 2019





















സ്വര്‍ണം, പെട്രോള്‍-ഡീസല്‍ വില, രൂപയുടെ വിനിമയ നിരക്ക്

തിരുവനന്തപുരം, എറണാകുളം, കോഴിക്കോട് നഗരങ്ങളിൽ പെട്രോൾ വിലയും ഡീസൽ വിലയും ഇന്നും ലിറ്ററിനു 70 രൂപയ്ക്കു മുകളിലാണ്. സ്വർണവിലയിൽ ഇന്നു മാറ്റമില്ല. ഒരു ഗ്രാമിനു 3,560 രൂപയും പവനു 28,480 രൂപയുമാണ് ഇന്നത്തെ വില. ഇന്നലെയും ഇതേ വിലയിലാണ് വ്യാപാരം നടന്നത്. ഡോളറിനെതിരെ രൂപയുടെ മൂല്യം ഇന്നു 71.17 എന്ന നിലയിലാണ്. Read More

08:58 (IST)18 Oct 2019





















നാദാപുരം സ്വദേശിക്കെതിരെ മുത്തലാഖ് നിരോധന നിയമപ്രകാരം കേസ്

കോഴിക്കോട്ട് ഭാര്യയെയും രണ്ട് കുഞ്ഞുങ്ങളെയും തലാഖ് ചൊല്ലി ഉപേക്ഷിച്ച നാദാപുരം സ്വദേശി സമീറിനെതിരെ പൊലീസ് മുത്തലാഖ് നിരോധന നിയമപ്രകാരം കേസെടുത്തു. ഫാത്തിമ ജുവൈരിയയെന്ന 24 കാരിയും രണ്ട് മക്കളും അഞ്ച് ദിവസമായി സമീറിന്‍റെ വീടിന് മുന്നില്‍ സമരത്തിലാണ്. സിപിഐ നേതാവും രാജ്യസഭാ എംപിയുമായ ബിനോയ് വിശ്വം ജുവൈരിയക്ക് പിന്തുണ പ്രഖ്യാപിച്ചു.

08:29 (IST)18 Oct 2019





















കൂടത്തായി കൂട്ടക്കൊലക്കേസ്: പ്രതികളുടെ കസ്റ്റഡി കാലാവധി ഇന്ന് അവസാനിക്കും

കേരള മനസാക്ഷിയെ ഞെട്ടിച്ച കൂടത്തായി കൊലപാതക കേസിലെ മുഖ്യ പ്രതി ജോളി രണ്ടും മൂന്നും പ്രതികളായ മാത്യു, പ്രജികുമാർ എന്നിവരെ ഇന്ന് വൈകീട്ട് നാലിന് താമരശ്ശേരി ജുഡീഷ്യൽ ഫസ്റ്റ്ക്ലാസ് മജിസ്ട്രേറ്റ് കോടതിയിൽ ഹാജരാക്കും. നാളെയാണ് പ്രതികളുടെ ജാമ്യാപേക്ഷ കോടതി പരിഗണിക്കുക. പുതുതായി രജിസ്റ്റര്‍ ചെയ്ത അഞ്ചു കേസുകളുടെ അന്വേഷണത്തിന് പ്രതികളെ കസ്റ്റഡിയില്‍ വേണമെന്നും പ്രോസിക്യൂഷന്‍ കഴിഞ്ഞ ദിവസം കോടതിയെ അറിയിച്ചിരുന്നു. അതേസമയം, പൊലീസിനെക്കുറിച്ച് പരാതിയില്ലെന്നും ശാരീരിക, മാനസിക ബുദ്ധിമുട്ടുകളില്ലെന്നും മൂന്ന് പ്രതികളും കോടതിയില്‍ വ്യക്തമാക്കി. Read More

08:28 (IST)18 Oct 2019





















തുലാവർഷം ശക്തമാകുന്നു: 10 ജില്ലകളിൽ യെല്ലോ അലേർട്ട്

തുലാവർഷം ശക്തിപ്രാപിക്കുന്നതിന്റെ പശ്ചാത്തലത്തിൽ സംസ്ഥാനത്ത് ഇന്നും ശക്തമായ മഴയുണ്ടാകുമെന്ന് കാലാവസ്ഥാ നിരീക്ഷണ കേന്ദ്രം. പത്ത് ജില്ലകളിൽ ഇന്ന് യെല്ലോ അലേർട്ട് നൽകിയിട്ടുണ്ട്. തിങ്കളാഴ്ച വരെ കനത്ത മഴയുണ്ടാകുമെന്നാണ് മുന്നറിയിപ്പ്. ശക്തമായ ഇടിമിന്നലിനും സാധ്യത ഉള്ളതിനാൽ പൊതുജനങ്ങൾ ജാഗ്രത പാലിക്കണമെന്ന് ദുരന്തനിവാരണ അതോറിറ്റി നിർദ്ദേശിച്ചു. Read More

08:27 (IST)18 Oct 2019





















ആംബുലൻസിന് വഴി നൽകിയില്ല; സ്വകാര്യ ബസിന് 10,000 രൂപ പിഴ

രോഗിയുമായി പോകുന്ന ആം​ബു​ല​ൻ​സി​ന് മാ​ർ​ഗ​ത​ട​സം സൃ​ഷ്ടി​ച്ച സ്വ​കാ​ര്യ ബ​സി​നെ​തി​രേ ന​ട​പ​ടി​യെ​ടു​ത്ത് മോ​ട്ടോ​ർ വാ​ഹ​ന​വ​കു​പ്പ്. തൃ​ശൂ​ർ പാ​ലി​യേ​ക്ക​ര​യി​ലാ​ണ് സം​ഭ​വം. സം​ഭ​വ​ത്തി​ൽ സ്വ​കാ​ര്യ ബ​സി​ന് 10,000 രൂ​പ പി​ഴ ചു​മ​ത്തി. ഡ്രൈ​വ​ർ​ക്കെ​തി​രേ കേ​സെ​ടു​ക്കാ​നും നി​ർ​ദേ​ശം ന​ൽ​കി​ട്ടു​ണ്ട്. ഡ്രൈവറെ റോഡ് സുരക്ഷാക്ലാസിൽ പങ്കെടുപ്പിക്കാനും നിർദേശിച്ചിട്ടുണ്ട്.

08:27 (IST)18 Oct 2019





















നിർമ്മൽ NR-143 ഭാഗ്യക്കുറിയുടെ നറുക്കെടുപ്പ് ഇന്ന്

കേരള സംസ്ഥാന ഭാഗ്യക്കുറി വകുപ്പിന്റെ നിർമ്മൽ NR-143 ഭാഗ്യക്കുറിയുടെ നറുക്കെടുപ്പ് ഇന്ന്. ഉച്ച കഴിഞ്ഞാണ് നറുക്കെടുപ്പ് ആരംഭിക്കുക. മൂന്ന് മണി മുതൽ ഫലം ലൈവായി അറിയാം. നാല് മണി മുതൽ ഭാഗ്യക്കുറിയുടെ ഫലം കേരള സംസ്ഥാന ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റിൽ ലഭ്യമാകും. നിർമ്മൽ ലോട്ടറിയുടെ ടിക്കറ്റ് വില 30 രൂപയാണ്. ഒന്നാം സമ്മാനം 60 ലക്ഷം രൂപയാണ്. രണ്ടാം സമ്മാനം അഞ്ച് ലക്ഷം രൂപയും മൂന്നാം സമ്മാനം ഒരു ലക്ഷം രൂപയും വീതമാണ്. സമാശ്വാസ സമ്മാനമായി 8000 രൂപ നല്‍കും. Read More

Kerala News Live Updates: ശബരിമല വിഷയത്തിൽ സർക്കാരിനു തെറ്റുപറ്റിയെന്ന് മുഖ്യമന്ത്രി പിണറായി വിജയൻ പറയണമെന്ന് മുതിർന്ന കോൺഗ്രസ് നേതാവ് എ.കെ.ആന്റണി. ശബരിമല വിഷയം കെെക്കാര്യം ചെയ്യുന്നതിൽ തെറ്റ് പറ്റിയുട്ടുണ്ടെങ്കിൽ അത് പറയേണ്ടത് പാർട്ടി സെക്രട്ടറിയല്ല, മുഖ്യമന്ത്രിയാണ്. തെറ്റ് പറ്റിയെങ്കിൽ തിരഞ്ഞെടുപ്പിനു മുൻപ് അത് പറയണമെന്നും ആന്റണി പറഞ്ഞു. ഏത് കോടതി വിധി വന്നാലും സമചിത്തതയുള്ള സർക്കാർ വിഷയം പഠിക്കുകയാണ് ചെയ്യേണ്ടത്. ശബരിമല വിഷയത്തില്‍ സുപ്രീം കോടതി വിധി വന്നപ്പോള്‍ അതുണ്ടായില്ല. ശബരിമല വിധി വന്നപ്പോൾ രാഷ്ട്രീയ പാർട്ടികളാട് ആലോചിക്കണമായിരുന്നു. എന്നാൽ, മുഖ്യമന്ത്രി അതും ചെയ്തില്ലെന്നും ആന്റണി കുറ്റപ്പെടുത്തി.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kerala news today malayalam live updates 2019 october 18 weather crime traffic train airport

Next Story
Kerala Nirmal Lottery NR-143 Result: നിർമ്മൽ NR-143 ലോട്ടറി നറുക്കെടുപ്പ് പൂർത്തിയായി; ഒന്നാം സമ്മാനം കോട്ടയം ജില്ലയിൽ വിറ്റ ടിക്കറ്റിന്
The moderation of comments is automated and not cleared manually by malayalam.indianexpress.com
Best of Express