Latest News
രാജി പ്രഖ്യാപിച്ച് കര്‍ണാടക മുഖ്യമന്ത്രി ബി.എസ്. യെദ്യൂരപ്പ
കൊടകര കുഴല്‍പ്പണക്കേസ്: പ്രതിക്ക് സുരേന്ദ്രനുമായി അടുത്ത ബന്ധമെന്ന് മുഖ്യമന്ത്രി നിയമസഭയില്‍
അമ്പെയ്ത്തില്‍ ഇന്ത്യന്‍ സംഘം പുറത്ത്; ബാഡ്മിന്റണിലും തോല്‍വി
മഴ: ആറ് ജില്ലകളില്‍ യെല്ലൊ അലര്‍ട്ട്; തീരദേശത്ത് ജാഗ്രതാ നിര്‍ദേശം
രാജ്യത്ത് 39,361 പേര്‍ക്ക് കോവിഡ്; 416 മരണം; ആശങ്കയായി കേരളം

ഷെഫിൻ ജഹാൻ ഇന്ന് ഡൽഹിക്ക്; ഹാദിയ നാളെ സുപ്രീം കോടതിയിൽ

നാളെ കേസ് സുപ്രീം കോടതി പരിഗണിക്കും. ഷെഫിൻ ജഹാനും ഇന്ന് ഡൽഹിയിലേക്ക് പോകും

shefin jehan, hadiya, love jihad case, conversion,
ഷെഫിൻ ജഹാനും ഹാദിയയും

ന്യൂഡൽഹി: വിവാദമായ മതം മാറ്റ കേസിന്റെ വിധി അറിയുന്നതിന് ഷെഫിൻ ജഹാനും സുപ്രീം കോടതിയിലേക്ക്. ഇന്ന് അദ്ദേഹം ഡൽഹിക്ക് പോകും. നാളെ വൈകിട്ട് 3.30 നാണ് ഹാദിയ കേസ് സുപ്രീം കോടതി പരിഗണിക്കുന്നത്.

നേരത്തെ ഹൈക്കോടതി ഷെഫിൻ ജഹാനുമായുള്ള ഹാദിയയുടെ വിവാഹം അസാധുവായി ഉത്തരവിട്ടിരുന്നു. ഇതിന് ശേഷമാണ് ഹാദിയയെ മാതാപിതാക്കൾക്ക് ഒപ്പം വിടാൻ കേരള ഹൈക്കോടതി നിർദ്ദേശിച്ചത്. സുപ്രീം കോടതിയിൽ ഹാജരാകാനിരിക്കെ തനിക്ക് ഭർത്താവിനൊപ്പം ജീവിക്കാനാണ് ആഗ്രഹമെന്ന് ഹാദിയ ഇന്നലെ മാധ്യമങ്ങളോട് പറഞ്ഞു. താനൊരു മുസ്ലിമാണെന്നും മതംമാറിയത് സ്വന്തം തീരുമാനം ആണെന്നും അവർ പറഞ്ഞു.

“ഞാനൊരു ഇസ്ലാമാണ്. മതംമാറിയത് എന്റെ സ്വന്തം തീരുമാനപ്രകാരമായിരുന്നു. ആരും എന്നെ അതിനായി നിർബന്ധിച്ചിട്ടില്ല. എനിക്ക് നീതി വേണം. എന്നെ എന്റെ ഭർത്താവിനൊപ്പം ജീവിക്കാൻ അനുവദിക്കണം”, ഹാദിയ മാധ്യമപ്രവർത്തകരോട് പറഞ്ഞു.

കഴിഞ്ഞ ദിവസം സുപ്രീം കോടതിയിൽ സമർപ്പിച്ച അന്വേഷണ റിപ്പോർട്ടിൽ ഹാദിയയുടെ മതംമാറ്റത്തിൽ അസ്വാഭാവികതയില്ലെന്ന് ദേശീയ അന്വേഷണ ഏജൻസിയും വ്യക്തമാക്കിയതായി ഉന്നത ഉദ്യോഗസ്ഥൻ ഇന്ത്യൻ എക്സ്‌പ്രസിനോട് സമ്മതിച്ചിരുന്നു. ഓഗസ്റ്റിലാണ് ഹാദിയയുടെ മതംമാറ്റം നിർബന്ധിത മത പരിവർത്തനമാണോയെന്ന് പരിശോധിക്കാൻ സുപ്രീം കോടതി എൻഐഎയോട് ആവശ്യപ്പെട്ടത്.

അഞ്ചംഗ പൊലീസ് സംഘം ഡൽഹിയിൽ ഹാദിയയെയും മാതാപിതാക്കളെയും അനുഗമിക്കുന്നുണ്ട്.  ഹൈക്കോടതി ഉത്തരവ് അനുസരിച്ച് മാതാപിതാക്കൾക്ക് ഒപ്പം പോയ ശേഷം ഹാദിയ പൊലീസ് സംരക്ഷണത്തിലാണ്. രണ്ട് വനിത പൊലീസ് ഉദ്യോഗസ്ഥർ ഹാദിയയ്ക്ക് ഒപ്പം എപ്പോഴും ഉണ്ടായിരുന്നു. ഇതിന് ശേഷം ആദ്യമായാണ് ഇവർ പുറത്തിറങ്ങിയത്.

Web Title: Kerala love jihad case hadiya i am a muslim converted of my own free will want to live with husband

Next Story
ഇന്ദിരാഗാന്ധിയുടെ അടിയന്തരാവസ്ഥയെ ന്യായീകരിക്കേണ്ടി വന്നത് സിപിഐ മറക്കരുത്: കോടിയേരിKodiyeri Balakrishnan, കോടിയേരി ബാലകൃഷ്ണൻ, cpm, സിപിഎം, state secretary, സംസ്ഥാന സെക്രട്ടറി, ie malayalam, ഐഇ മലയാളം
The moderation of comments is automated and not cleared manually by malayalam.indianexpress.com
Best of Express