ഇന്ന് തിരുവനന്തപുരത്തെങ്കില്‍ നാളെ കൊല്ലത്ത്; കേരള ഭാഗ്യക്കുറിയ്ക്ക് ഇനി മൊബൈല്‍ നറുക്കെടുപ്പ്?

തിരുവനന്തപുരം: ലോട്ടറി കേരളമാകെ സഞ്ചരിക്കുന്ന പോലെ ഇനി നറുക്കെടുപ്പും സഞ്ചരിക്കുമോ? കേരള ഭാഗ്യക്കുറിയുടെ നറുക്കെടുപ്പ് വൈകാതെ സഞ്ചരിച്ചുതുടങ്ങുമെന്നും ഇതിനുള്ള ഒരുക്കത്തിലാണ് സംസ്ഥാന ഭാഗ്യക്കുറിവകുപ്പെന്നും മാതൃഭൂമി റിപ്പോർട്ട് ചെയ്യുന്നു.

ഇപ്പോൾ തിരുവനന്തപുരത്താണ് നറുക്കെടുപ്പ് സ്ഥിരമായി നടക്കുന്നത്. ഭാഗ്യക്കുറി കൂടുതൽ ജനകീയവും സുതാര്യവുമാക്കാനാണ് പല ജില്ലകളിൽ നറുക്കെടുപ്പ് നടത്താനുള്ള പദ്ധതിയെന്നാണ് വിവരം. ജനങ്ങൾക്ക് നറുക്കെടുപ്പ് കാണാനും അവസരം ലഭിച്ചേക്കാം. വാഹനത്തിൽ കൊണ്ടുപോകാവുന്ന നറുക്കെടുപ്പ് യന്ത്രമാണ് ഇതിനായി ആദ്യം വേണ്ടത്. ഇതിന്റെ ചർച്ചകൾ പുരോഗമിക്കുകയാണ്.

ഇപ്പോഴുള്ളതിന്റെ ഇരട്ടിയോളം സമ്മാനങ്ങൾ നൽകാനുള്ള സാധ്യതയും ഭാഗ്യക്കുറിവകുപ്പ് പരിശോധിക്കുന്നതായിട്ടാണ് വിവരം.