scorecardresearch

എൽഡിഎഫ് നേതൃയോഗം ഇന്ന്; മന്ത്രിസഭാ പ്രാതിനിധ്യം സംബന്ധിച്ച തീരുമാനമെടുക്കും

രാവിലെ 11 മണിക്ക് ചേരുന്ന യോഗത്തിൽ മന്ത്രിസഭാ പ്രാതിനിധ്യം സംബന്ധിച്ച തീരുമാനമെടുക്കും

cpm, minority scholarship,

തിരുവനന്തപുരം: എൽഡിഎഫിന്റെ നേതൃയോഗം ഇന്ന് നടക്കും. രാവിലെ 11 മണിക്ക് ചേരുന്ന യോഗത്തിൽ മന്ത്രിസഭാ പ്രാതിനിധ്യം സംബന്ധിച്ച തീരുമാനമെടുക്കും. കോൺഗ്രസ് എസ്. ജനാധിപത്യ കേരള കോൺഗ്രസ്, കേരള കോൺഗ്രസ് ബി, ഐഎൻഎൽ തുടങ്ങിയ ഒറ്റ എംഎൽഎമാർ മാത്രമുള്ള പാർട്ടികൾക്ക് ടേം വ്യവസ്ഥയിൽ മന്ത്രി സ്ഥാനം നൽകാനാണ് ധാരണ. ഇവരിൽ ആർക്കെല്ലാം ആദ്യ ടേമിൽ അവസരം ലഭിക്കും എന്നത് സംബന്ധിച്ച് തീരുമാനമാകും.

ആദ്യ ടേമിൽ ജനാധിപത്യ കേരള കോൺഗ്രസിന്റെ ആന്റണി രാജുവിനും, കോൺഗ്രസ് ബിയിലെ കെ.ബി ഗണേഷ്കുമാറിനുമാണ് സാധ്യത. ഇവർ രണ്ടര വർഷം പൂർത്തിയാക്കിയ ശേഷം കോൺഗ്രസ് എസിന്റെ രാമചന്ദ്രൻ കടന്നപ്പിള്ളിയും ഐഎൻഎലിന്റെ അഹമ്മദ് ദേവർ കോവിലും മന്ത്രിസ്ഥാനത്ത് എത്തും. എന്നാൽ ടേം വ്യവസ്ഥയിൽ ഗണേഷ് കുമാറും ആന്റണി രാജുവും പരിഭവത്തിലാണ് എന്നാണ് സൂചന. ഐഎൻഎൽ ആദ്യ ടേം ആവശ്യപ്പെട്ടതായുള്ള സൂചനകളും ഉണ്ട്. ഇതിൽ ഒരു അന്തിമ തീരുമാനം ഇന്ന് ഉണ്ടായേക്കും.

Read Also: പിണറായി സര്‍ക്കാരിന്റെ സത്യപ്രതിജ്ഞ ചടങ്ങ് സ്റ്റേഡിയത്തില്‍ തന്നെ‍, ആളെ കുറയ്ക്കാൻ തീരുമാനം

കഴിഞ്ഞ മന്ത്രിസഭയിൽ ആകെ 20 മന്ത്രിമാരുണ്ടായിരുന്നത് ഈ വർഷം 21 ആകും. ഇതിൽ സിപിഎം 12, സിപിഐ 4, കേരള കോൺഗ്രസ് (എം), ജനതാദൾ (എസ്) എൻസിപി എന്നിവർക്ക് ഒന്നു വീതവും മറ്റു നാലു കക്ഷികൾക്കും കൂടി 2 എന്ന നിലയ്ക്കായിരിക്കും പ്രാതിനിധ്യം.

Stay updated with the latest news headlines and all the latest Kerala news download Indian Express Malayalam App.

Web Title: Kerala ldf meeting today

Best of Express