ഡിജിപി സെൻകുമാറിന്റെ സ്ഥലംമാറ്റ ഉത്തരവ് സർക്കാർ റദ്ദാക്കി

തിരുവനന്തപുരം: ഡിജിപി സ്ഥാനമേറ്റതിന് ശേഷം ടി.പി സെൻകുമാർ പുറത്തിറക്കിയ സ്ഥലംമാറ്റ ഉത്തരവ് സംസ്ഥാന സർക്കാർ റദ്ദാക്കി. പൊലീസ് ആസ്ഥാനത്തെ രഹസ്യ വിഭാഗത്തിൽ നിന്ന് ഡെപ്യൂട്ടി സൂപ്രണ്ടിനെ സ്ഥലം മാറ്റിയ ഉത്തരവാണ് സർക്കാർ റദ്ദാക്കിയത്. സെൻകുമാർ ഇടപെട്ട് സ്ഥലം മാറ്റിയ ബീനകുമാരിയെ മാറ്റേണ്ടതില്ല എന്നും അവർ ഡിജിപി ഓഫീസിൽ തുടരുമെന്നും സർക്കാർ അറിയിച്ചു. അതീവ രഹസ്യവിഭാഗമായ ടി ബ്രാഞ്ച് മേധാവി സ്ഥാനത്തുനിന്ന് നീക്കിയതിനെതിരെ ബീന കഴിഞ്ഞ ദിവസം ആഭ്യന്തര സെക്രട്ടറിക്ക് പരാതി നൽകിയിരുന്നു. മാനദണ്ഡങ്ങൾ പാലിക്കാതെയാണ് തന്നെ സ്ഥലം മാറ്റിയതെന്നാണ് ബീന ആരോപിച്ചത്.