scorecardresearch

ഡ്യൂട്ടിക്കിടെ പൊലിസ് നടത്തുന്ന നിയമവിരുദ്ധ പ്രവർത്തനങ്ങൾക്ക് നിയമത്തിൻ്റെ സംരക്ഷണം ഇല്ലെന്ന് ഹൈക്കോടതി

മജിസ്ട്രേറ്റിന് മുന്നിൽ മൊഴി നൽകാതിരിക്കാൻ പ്രതിയുടെ നാവിൽ സിഗററ്റ് കൊണ്ട് പൊള്ളിച്ചുവെന്ന കേസിലെ പ്രതികളുടെ ഹർജി തള്ളിക്കൊണ്ടാണ് ജസ്റ്റീസ് മേരി ജോസഫിൻ്റെ ഉത്തരവ്

udaipur tailor, udaipur tailor murder, nupur sharma

കൊച്ചി: ഔദ്യോഗിക കൃത്യനിർവഹണത്തിനിടെ പൊലിസ് നടത്തുന്ന നിയമവിരുദ്ധ പ്രവർത്തനങ്ങൾക്ക് നിയമത്തിൻ്റെ സംരക്ഷണം ഇല്ലെന്ന് ഹൈക്കോടതി. മജിസ്ട്രേറ്റിന് മുന്നിൽ മൊഴി നൽകാതിരിക്കാൻ പ്രതിയുടെ നാവിൽ സിഗററ്റ് കൊണ്ട് പൊള്ളിച്ചുവെന്ന കേസിലെ പ്രതികളുടെ ഹർജി തള്ളിക്കൊണ്ടാണ് ജസ്റ്റീസ് മേരി ജോസഫിൻ്റെ ഉത്തരവ്.

തങ്ങൾക്കെതിരെ വിചാരണക്കോടതി കേസെടുത്തത് സർക്കാരിൻ്റെ അനുമതി തേടാതെയാണന്ന് ചൂണ്ടിക്കാട്ടിയാണ് കൊല്ലം എഴുകോൺ സ്റ്റേഷനിലെ പൊലിസുകാരായ മണിരാജൻ, ബേബി, ഷറഫുദീൻ എന്നിവർ ഹൈക്കോടതിയെ സമിപിച്ചത്. ക്രിമിനൽ നടപടിച്ചട്ടം 197 പ്രകാരം അനുമതി തേടിയില്ലെന്ന പ്രതികളുടെ വാദം കോടതി നിരസിച്ചു.

കൃത്യനിർവണത്തിൻ്റെ ഭാഗമായി നിയമത്തിൻ്റെ പരിധിയിൽ നിന്ന് ഉത്തമവിശ്വാസത്തോടെ തീരുമാനമെടുക്കുന്ന ഉദ്യോഗസ്ഥർക്കുള്ളതാണ് സെക്ഷൻ 197 പ്രകാരമുള്ള സംരക്ഷണമെന്ന് കോടതി വ്യക്തമാക്കി. ക്രുരത നടത്തുന്ന ഉദ്യോഗസ്ഥർക്ക് നിയമത്തിൻ്റെ സംരക്ഷണത്തിന് അവകാശമില്ലന്നും കോടതി വ്യക്തമാക്കി. പ്രതികൾക്ക് വിചാരണക്കോടതി ഒരു വർഷം തടവും 2500 രൂപ വീതം പിഴയുമാണ് വിധിച്ചത്.

Also Read: ശബരിമല ചെമ്പോല വ്യാജം, മോന്‍സന്റെ വീടിനു സുരക്ഷ നല്‍കിയത് സ്വഭാവിക നടപടി: മുഖ്യമന്ത്രി

Stay updated with the latest news headlines and all the latest Kerala news download Indian Express Malayalam App.

Web Title: Kerala highcourt on police legal protection