Latest News

വെള്ളപ്പൊക്കത്തിൽ വലയുന്നവർക്ക് വീട്ടിലേക്ക് വരാമെന്ന് ടൊവിനോ

വെള്ളപ്പൊക്കത്തിൽ ബുദ്ധിമുട്ടുന്ന ആർക്കും വീട്ടിലേക്ക് വരാമെന്ന് ക്ഷണിച്ച് യുവനടൻ ടൊവിനോ തോമസ്. ടൊവിനോയെ പോലെ നിരവധി പേരാണ് പ്രളയ ബാധിതർക്ക് താമസസൗകര്യം വാഗ്‌ദാനം ചെയത് മുന്നോട്ട് വരുന്നത്

tovino thomas
ചിത്രം കടപ്പാട്: ടൊവിനോ തോമസ് ഫെയ്സ്ബുക്ക് പേജ്

കൊച്ചി: പ്രളയത്തിൽ ദുരിതം​ അനുഭവിക്കുന്നവർക്ക് വീട്ടിലേക്ക് വരാമെന്ന് ടൊവിനോ തോമസ്. തന്‍റെ വീട്ടില്‍ വെള്ളം ഇതുവരെ കയറിയിട്ടില്ലാത്തതിനാല്‍ സുരക്ഷിത കേന്ദ്രമായി കണ്ട് ആര്‍ക്ക് വേണമെങ്കിലും അങ്ങോട്ട് താമസിക്കാനായി എത്താമെന്നാണ് ടൊവിനോ ഫെയ്സ്ബുക്ക് പോസ്റ്റിലൂടെ അറിയിച്ചിരിക്കുന്നത്. വീട്ടിൽ ഇപ്പോൾ കറന്റ് ഇല്ലെന്ന പ്രശ്നം മാത്രമേയുള്ളൂ എന്നും കുറിപ്പിൽ പറയുന്നുണ്ട്.

ഇതുവരെ കാണാത്ത പ്രളയഭീതിയിലൂടെ കേരളം കടന്നു പോകുമ്പോൾ, ഒന്നിച്ച് നിന്ന് പ്രതിസന്ധിഘട്ടത്തെ നേരിടുകയാണ് മലയാളികൾ. പ്രളയത്തിൽപ്പെട്ടവരെ നിലവിൽ സുരക്ഷിതമായ തങ്ങളുടെ താമസ സ്ഥലങ്ങളിലേക്ക് ക്ഷണിക്കാൻ തയ്യാറായി ടൊവിനോയെ പോലെ നിരവധിപേരാണ് മുന്നോട്ടുവരുന്നത്. ദുരിതാശ്വാസ ക്യാമ്പുകളില്‍ പോലും വെള്ളം കയറുന്ന ഈ സാഹചര്യത്തിൽ പലർക്കും ആശ്വാസകരമാകുന്നുണ്ട് ഷെൽട്ടർ വാഗ്‌ദാനം ചെയ്യുന്ന ഇത്തരത്തിലുള്ള മുന്നേറ്റങ്ങൾ. ഇതിനായി സോഷ്യൽ മീഡിയ സൗകര്യങ്ങൾ ഏറ്റവും ഫലപ്രദമായി ന്നെ ഉപയോഗിക്കപ്പെടുന്ന കാഴ്ചയാണ് കാണാൻ കഴിയുന്നത്.

Live Updates: കേരള പ്രളയം; തൽസമയ വാർത്തകൾ

കൂടുതൽ ആളുകൾ സമീപപ്രദേശങ്ങളിൽ കുടുങ്ങി കിടക്കുന്നവർക്ക് ഷെൽട്ടർ വാഗ്‌ദാനം ചെയ്ത് മുന്നോട്ട് വരുന്നുണ്ട്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kerala heavy rain tovino thomas welcome people to his house

Next Story
മഴക്കെടുതി തുടരുന്നു; രണ്ട് ദിവസത്തിനുള്ളിൽ 68 മരണം
The moderation of comments is automated and not cleared manually by malayalam.indianexpress.com