Latest News
കോവിഡ് പ്രവര്‍ത്തനങ്ങളില്‍ അലംഭാവം, അടിയന്തരമായി തിരുത്തണം: മുഖ്യമന്ത്രി

കേരള ഗവർണ്ണർ ആരിഫ് മുഹമ്മദ് ഖാൻ ശബരിമല ദർശനം നടത്തി

ഇരുമുടി കെട്ടുമേന്തി മല ചവിട്ടിയാണ് ഗവർണ്ണർ ശബരിമല സന്നിധിയിൽ എത്തിയത്

കേരള ഗവർണ്ണർ ആരിഫ് മുഹമ്മദ് ഖാൻ ശബരിമല ക്ഷേത്രത്തിൽ സന്ദർശനം നടത്തി. ഞായറാഴ്ച വൈകിട്ട് 5.10 ഓടെ പമ്പയിൽ നിന്ന് ഇരുമുടി നിറച്ച്, കെട്ടുമേന്തി സ്വാമി അയ്യപ്പൻ റോഡ് വഴിയാണ് നടന്ന് ശബരിമല ക്ഷേത്ര ദർശനത്തിനെത്തിയത്.

ശബരിമല ദർശനത്തിനെത്തിച്ചേർന്ന ഗവർണ്ണറെ വലിയ നടപ്പന്തലിനു മുന്നിൽ വച്ച് തിരുവിതാംകൂർ ദേവസ്വം ബോർഡ് പ്രസിഡൻ്റ് അഡ്വ.എൻ.വാസു, ദേവസ്വം ബോർഡ് അംഗം അഡ്വ.കെ.എസ്.രവി, ദേവസ്വം കമ്മീഷണർ ബി.എസ്.തിരുമേനി എന്നിവർ ചേർന്ന് സ്വീകരിച്ചു.

തുടർന്ന് ഗസ്റ്റ് ഹൗസിൽ വിശ്രമിച്ച അദ്ദേഹം പടിപൂജയ്ക്ക് ശേഷം ഇരുമുടി കെട്ടുമേന്തി പതിനെട്ടാം പടി കയറി ദർശനം നടത്തി. ഗവർണ്ണർ തിങ്കളാഴ്ച രാവിലെയും ദർശനം നടത്തും. ശേഷം മാളികപ്പുറം ക്ഷേത്രപരിസരത്ത് ഗവർണ്ണർ ചന്ദന തൈ നടും. പിന്നേട് പുണ്യം പൂങ്കാവനം പദ്ധതിയുടെ ഭാഗമായുള്ള പരിപാടിയിലും പങ്കെടുത്ത ശേഷം തിരികെ പോകും. ഗവർണ്ണർക്കൊപ്പം ഇളയമകൻ കബീർ മുഹമ്മദ് ഖാനും അയ്യപ്പദർശനത്തിനായി എത്തിയിരുന്നു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kerala governor at sabarimala

Next Story
ടെസ്റ്റ് പോസിറ്റിവിറ്റി നിരക്ക് 10ന് മുകളിൽ; കോഴിക്കോട് ജില്ലയിൽ മാത്രം 1000ൽ അധികം പുതിയ രോഗബാധകൾ
The moderation of comments is automated and not cleared manually by malayalam.indianexpress.com