Gold Rate: "എന്‍റെ പൊന്നേ;" സ്വർണവില സർവകാല റെക്കോർഡിൽ

കൊച്ചി: സംസ്ഥാനത്ത് സ്വർണവില സർവകാല റെക്കോർഡിൽ. ഒരു പവൻ സ്വർണത്തിന്റെ വില 60,440 രൂപയിലെത്തി. പവന് 240 രൂപയാണ് ഇന്ന് കൂടിയത്. ഗ്രാമിന് 30 രൂപ കൂടി. ഒരു ഗ്രാം സ്വർണത്തിന്റെ വില 7555 രൂപയാണ്. കഴിഞ്ഞവർഷം ഒക്ടോബർ 31ന് രേഖപ്പെടുത്തിയ 59,640 രൂപയായിരുന്നു ഏറ്റവും ഉയർന്ന സ്വർണവില. കഴിഞ്ഞ ദിവസമാണ് ഈ റിക്കോർഡ് തിരുത്തി ആദ്യമായി സ്വര്‍ണവില 60,000 കടന്നത്.

ഈ മാസത്തിന്റെ തുടക്കത്തിൽ 57,200 രൂപയായിരുന്നു പവൻ വില. ഇതാണ് ഈ മാസത്തെ ഏറ്റവും താഴ്ന്ന നിലവാരം. ട്രംപിന്റെ രണ്ടാം വരവിൽ ഡോളർ ശക്തിയാർജിക്കുന്നതും ആഗോള വിപണിയിലെ ചലനങ്ങളുമാണ് സ്വർണവിലയെ സ്വാധീനിക്കുന്നത്.

സ്വർണവില കഴിഞ്ഞ അഞ്ച് വർഷമായി 1700- 2000 ഡോളറിൽ നിന്നും കാര്യമായി ഉയർച്ചയില്ലാതെ തുടരുകയായിരുന്നു. എന്നാൽ അന്താരാഷ്ട്ര സ്വർണവില 2050 ഡോളർ ലെവലിൽ നിന്നും കഴിഞ്ഞ ഒറ്റ വർഷം കൊണ്ട് 2790 ഡോളർ വരെ ഉയർന്നു.

ഏകദേശം 38% ത്തോളം ഉയർച്ചയാണ് അന്താരാഷ്ട്ര വിപണിയിൽ സ്വർണം രേഖപ്പെടുത്തിയത്. ഇന്ത്യൻ രൂപ ദുർബലമായതും സ്വർണ വില ഉയരാൻ കാരണമായിട്ടുണ്ട്. കേരളത്തില്‍ ഒരു ഗ്രാം 22 കാരറ്റ് സ്വർണ്ണത്തിന് 7555 രൂപയും, ഒരു ഗ്രാം 24 കാരറ്റ് സ്വർണ്ണത്തിന് 8242 രൂപയുമാണ് വില.

Read More

• കോൺഗ്രസിൽ നേതൃമാറ്റം? കെ. സുധാകരനെ അധ്യക്ഷ സ്ഥാനത്തുനിന്ന് മാറ്റാന്‍ സാധ്യത
• അധികമായി വിറ്റത് 11 ലക്ഷത്തോളം ടിക്കറ്റുകൾ; ക്രിസ്മസ്- നവവത്സര ബമ്പർ സൂപ്പർഹിറ്റ്
• വയനാട് ദുരിതാശ്വാസ നിധിയില്‍ ലഭിച്ചത് 712 കോടിയെന്ന് മുഖ്യമന്ത്രി പിണറായി വിജയൻ
• സ്വർണവില റെക്കോർഡ് കുതിപ്പിൽ; പവന് 60200 രൂപ
• സർക്കാർ ആശുപത്രികളിൽ കാലാവധി കഴിഞ്ഞ മരുന്നുകൾ വിതരണം ചെയ്തു;സിഐജി റിപ്പോർട്ട്
• സംസ്ഥാനത്ത് ഇന്ന് ചൂട് കൂടും; മുന്നറിയിപ്പുമായി കാലാവസ്ഥ വകുപ്പ്