Latest News

Kerala Floods: കൈത്താങ്ങാകാൻ തമിഴ്‌നാട് സർക്കാർ ജീവനക്കാരും; ഒരു ദിവസത്തെ വേതനം ദുരിതാശ്വാസത്തിന്

പ്രളയദുരിതം അനുഭവിക്കുന്ന കേരളത്തിന് വേണ്ടി ഒരു ദിവസത്തെ വേതനമാണ് തമിഴ്‌നാട് സർക്കാർ ജീവനക്കാർ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യുക

കഴിഞ്ഞ ദിവസം കോഴിക്കോട് നടത്തിയ രക്ഷാപ്രവര്‍ത്തനം

തിരുവനന്തപുരം: പ്രളയദുരിതത്തിന്റെ നഷ്ടങ്ങളിൽ നിന്ന് കേരളത്തിന് കരകയറാൻ തമിഴ്‌നാട് സർക്കാർ ജീവനക്കാരും സഹായഹസ്‌തവുമായി രംഗത്തെത്തി. പ്രളയദുരിതം അനുഭവിക്കുന്ന കേരളത്തിന് വേണ്ടി ഒരു ദിവസത്തെ വേതനമാണ് തമിഴ്‌നാട് സർക്കാർ ജീവനക്കാർ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യുക.

ഈ മാസത്തെ ശമ്പളത്തില്‍ നിന്ന് തുക നല്‍കാനാണ് തീരുമാനമെന്നന് തമിഴ്നാട് ഗവ. എംപ്ലോയീസ് അസോസിയേഷന്‍ സംസ്ഥാന സെക്രട്ടറി സി.ആര്‍. രാജ്കുമാര്‍ പറഞ്ഞു. ഏകദേശം 200 കോടി രൂപയാണ് ദുരിതാശ്വാസനിധിയിലേക്ക് ഈ വഴിയിൽ ലഭിക്കുക. പ്രളയത്തിൽ കേരളത്തിന് ശക്തമായ കൈത്താങ്ങാകാൻ തമിഴ്‌നാട് സർക്കാർ ജീവനക്കാർ ശ്രമിച്ചിരുന്നു.

അരിയും അവശ്യമരുന്നുകളും വസ്ത്രങ്ങളുമടക്കം സര്‍ക്കാര്‍ ജീവനക്കാരുടെ നേതൃത്വത്തില്‍ ശേഖരിച്ച് കേരളത്തിലെ ദുരിതാശ്വാസ ക്യാംപുകളിലേക്ക് എത്തിച്ചിരുന്നു. രണ്ട് ലോഡ് അവശ്യവസ്തുക്കളാണ് ഇവരുടെ ശ്രമഫലമായി കേരളത്തിലേക്ക് എത്തിച്ചത്.

കേരളത്തിന് പ്രളയക്കെടുതിയെ മറികടക്കാൻ ആവശ്യമായ ധനസഹായം നൽകാൻ ഐക്യരാഷ്ട്രസഭ തയ്യാറാണെന്ന് മുതിർന്ന കോൺഗ്രസ് നേതാവും എംപിയുമായ ശശി തരൂർ ഇന്നലെ പറഞ്ഞിരുന്നു. എന്നാൽ കേന്ദ്ര സർക്കാരിന്റെ തീരുമാനമാണ് ഇതിൽ പ്രധാനമെന്ന് അദ്ദേഹം കൂട്ടിച്ചേർക്കുകും ചെയ്കു.

ഐക്യരാഷ്ട്ര സംഘടനയുടെ ആസ്ഥാനത്ത് കഴിഞ്ഞ ദിവസം എത്തിയ ശശി തരൂർ, അവരുടെ പ്രതിനിധികളുമായി കേരളത്തിലെ പ്രളയത്തെ കുറിച്ച് ചർച്ച ചെയ്തിരുന്നു. യുഎൻ അണ്ടർ സെക്രട്ടറി ജനറലായ മൈക്കൽ മില‌ർ, പീറ്റർ സാൽമ, ഡോ. സൗമ്യ സ്വാമിനാഥൻ, റെഡ്ക്രോസിലെ പീറ്റർ മൗറർ എന്നിവരുമായാണ് കേരളത്തിലെ പ്രളയ ദുരിതത്തെ കുറിച്ച് ശശി തരൂർ ചർച്ച നടത്തിയത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kerala floods tamilnadu government staffs will donate one month wage

Next Story
Uppum Mulakum: ഉപ്പും മുളകും കുടുംബത്തിലേക്ക് പുതിയ അതിഥി; മുടിയന്‍ ടെന്‍ഷനില്‍, ലെച്ചു ഹാപ്പിയാണ്uppum mulakum, uppum mulakum series latest episodes , ഉപ്പും മുളകും പാറുക്കുട്ടി, Parukutty Uppum Mulakum, Uppum Mulakum Parukutty, uppum mulakum series latest episodes video, uppum mulakum series, ഉപ്പും മുളകും, ഉപ്പും മുളകും സീരിയൽ, ഉപ്പും മുളകും ഇന്ന്, uppum mulakum video, uppum mulakum latest episode, uppum mulagum, ഉപ്പും മുളകും വീഡിയോ, ഉപ്പും മുളകും ബാലു, ഉപ്പും മുളകും നീലു, ഉപ്പും മുളകും ശിവ, ഉപ്പും മുളകും കേശു, ഉപ്പും മുളകും ലെച്ചു, ഉപ്പും മുളകും മുടിയൻ, ഉപ്പും മുളകും ഭവാനിയമ്മ, Uppum mulakum bhavaniyamma
The moderation of comments is automated and not cleared manually by malayalam.indianexpress.com