Kerala Floods: ഹെലികോപ്റ്റര്‍ ദൗത്യം വിജയിച്ചു; പൂര്‍ണ ഗര്‍ഭിണിയായ യുവതിയെ സുരക്ഷിതമായി ആശുപത്രിയിലെത്തിച്ചു

Kerala Floods: കനത്ത മഴയിൽ റോഡ് തകർന്ന ഗതാഗത യോഗ്യമല്ലാതെ ഒറ്റപ്പെട്ട അവസ്ഥയിൽ നിന്നാണ് യുവതിയെ രക്ഷപ്പെടുത്തി ആശുപത്രിയിലെത്തിച്ചത്

Kerala Floods: Call district control rooms for rescue says Navy

Kerala Floods: കോട്ടയം: ദുരന്തമുഖത്തു നിന്നും ഹെലികോപ്റ്ററില്‍ രക്ഷപ്പെടുത്തിയ പൂര്‍ണ്ണ ഗര്‍ഭിണിയായ യുവതി ആശുപത്രിയില്‍ സുഖം പ്രാപിച്ചു വരുന്നു. ഏയ്ഞ്ചല്‍വാലി ആറാട്ടുകളം മുട്ടുമണ്ണില്‍ വീട്ടില്‍ അനീഷിന്റെ ഭാര്യ രജനി (24)യെയാണ് ഹെലികോപ്റ്ററിലെത്തിയ സംഘം രക്ഷപ്പെടുത്തിയത്.

കഴിഞ്ഞ മൂന്നു ദിവസമായി കനത്ത മഴ പെയ്യുന്ന ഏയ്ഞ്ചല്‍ വാലിയില്‍ റോഡുകള്‍ മിക്കതും മണ്ണിടിഞ്ഞ് ഗതാഗതയോഗ്യമല്ലാത്ത അവസ്ഥയിലാണ്. മിക്ക വീടുകളും ഒറ്റപ്പെട്ടു കിടക്കുന്നു. ഇന്ന് രാവിലെ വേദന അനുഭവപ്പെട്ട രജനിയെ മുന്‍ വാര്‍ഡംഗം സിബിയുടെ നേതൃത്യത്തില്‍ ഏയ്ഞ്ചല്‍വാലി ഇംഗ്ലീഷ് മീഡിയം സ്‌കൂളിന്റെ ഗ്രൗണ്ടിലെത്തിച്ചു.

ജില്ലാ ഭരണകൂടത്തിന്റെ സമയോചിതമായ ഇടപെടല്‍ മൂലം കൃത്യ സമയത്ത് തന്നെ മെഡിക്കല്‍ സംഘവുമായി ഹെലികോപ്റ്റര്‍ എയ്ഞ്ചല്‍വാലി സ്‌കൂള്‍ ഗ്രൗണ്ടില്‍ എത്തി.

കോട്ടയം ജില്ല ആശുപത്രിയിലെ ഡോ. ഭാഗ്യശ്രീയുടെ നേതൃത്യത്തിലുള്ള മെഡിക്കല്‍ സംഘം ചെക്കപ്പിനു ശേഷം രജനിയെ ഹെലികോപ്റ്ററിലേക്ക് കയറ്റി. കയറുന്ന സമയത്ത് രജനിയ്ക്ക് ബോധക്ഷയം ഉണ്ടായത് കുറച്ച് പരിഭ്രാന്തി സൃഷ്ടിച്ചു.

Kerala Floods: കാഞ്ഞിരപ്പള്ളി അമല്‍ജ്യോതി എൻജിനീയറിങ് കോളേജ് ഗ്രൗണ്ടിലെത്തിച്ച രജനിയെ പെട്ടെന്ന് തന്നെ കാഞ്ഞിരപ്പള്ളി ജനറല്‍ ആശുപത്രിയിലേക്ക് മാറ്റി. രോഗി അപകടനില തരണം ചെയ്തുവെന്നും ലേബര്‍ റൂമില്‍ നിരീക്ഷണത്തിലാണെന്നും സൂപ്രണ്ട് ഡോ. ബാബു സെബാസ്റ്റ്യന്‍ അറിയിച്ചു.

Web Title: Kerala floods kottyam pregnant woman helicopter rescue

Next Story
Kerala Floods:നൂറ് കോടി ഡോളറിന്റെ നഷ്ടമെന്ന് സി എൻ എൻ, ​കേരളത്തിന്റെ ദുരന്തം ലോക മാധ്യമങ്ങളിൽ
The moderation of comments is automated and not cleared manually by malayalam.indianexpress.com