കോഴിക്കോട്: ജോലി വാഗ്ദാനം ചെയ്ത് മലയാളി ഡോക്ടറെ പീഡനത്തിന് ഇരയാക്കിയതായി പരാതി. മൈസൂരുവിലുള്ള സ്വകാര്യ ആശുപത്രിയിലെ ഡോക്ടറായ യുവതിയെ അതേ ആശുപത്രിയില്‍ ജോലി ചെയ്യുന്ന നഴ്സായ നിഷാം ബാബു പീഡിപ്പിച്ചതായാണ് പരാതി. ഇയാള്‍ക്കായുള്ള തിരച്ചില്‍ പൊലീസ് ഊര്‍ജിതമാക്കിയിട്ടുണ്ട്.
കഴിഞ്ഞ ഡിസംബര്‍ 30-നാണ് കേസിനാസ്പദമായ സംഭവം നടന്നത്. കോയമ്പത്തൂരിലെ മെച്ചപ്പെട്ട ആശുപത്രിയില്‍ ജോലി വാഗ്ദാനം ചെയ്യുകയായിരുന്നു നിഷാം. കോയമ്പത്തൂരിലേക്ക് യുവതി കൊണ്ടുപോകാനായിരുന്നു ശ്രമം. ഇതിനായി കോഴിക്കോട് എത്തുകയും, ഹോട്ടലില്‍ മുറിയെടുത്ത് പീഡിപ്പിക്കുകയുമായിരുന്നു.
തുടര്‍ന്ന് നഗ്നദൃശ്യങ്ങള്‍ പകര്‍ത്തുകയും ചെയ്തതായി പരാതിയില്‍ യുവതി പറയുന്നു. ദൃശ്യങ്ങള്‍ പുറത്തു വിടുമമെന്ന് ഭീഷണിപ്പെടുത്തി അഞ്ച് തവണ വീണ്ടും പീഡനത്തിനിരയാക്കിയതായും പരാതിയിലുണ്ട്. നിഷാമിന്റെ കെണി മനസിലാക്കിയ യുവതി ഫോണ്‍ നമ്പര്‍ ബ്ലോക്ക് ചെയ്ത് രക്ഷപ്പെടാനുള്ള ശ്രമം നടത്തിയെങ്കിലും പരാജയപ്പെട്ടു.
യുവതിയുടെ നഗ്ന ചിത്രങ്ങള്‍ നിഷാം സമൂഹ മാധ്യമങ്ങളില്‍ പോസ്റ്റ് ചെയ്തു. ഇതോടെയാണ് പരാതിയിലേക്ക് യുവതി കടന്നത്. കോഴിക്കോട് കസബ പൊലീസ് സ്റ്റേഷനിലാണ് പരാതി നല്‍കിയത്. തുടര്‍ന്ന് പൊലീസ് കേസെടുത്ത് അന്വേഷണം ആരംഭിക്കുകയായിരുന്നു.
Follow the Assembly Election Results 2023 Live today as they unfold
How will the results pan out in the 3 Northeast states? Track live here
Will the BJP cross the half-way mark in Tripura? Get real-time updates
With no alliance, who will form govt in Meghalaya? Live Updates here
Is NDPP set for a second term in Nagaland? Find out here
