കൊച്ചി: സംസ്ഥാനത്ത് കോവിഡ് കേസുകൾ വർധിക്കുന്നത് ആശങ്കയാകുന്നു. ഇന്നലെ സംസ്ഥാനത്ത് 18,000ൽ അധികം കേസുകളാണ് റിപ്പോർട്ട് ചെയ്തത്. ഇതോടെ പ്രതിദിന പോസിറ്റിവിറ്റി നിരക്ക് (ടിപിആർ) 30 ശതമാനത്തിലെത്തി. പ്രധാന ജില്ലകളായ തിരുവനന്തപുരം, എറണാകുളം, കോഴിക്കോടും വ്യാപനം രൂക്ഷമാണ്. ഇവിടങ്ങളിലെല്ലാം ടിപിആർ 30 നു മുകളിലാണ്.
വ്യാപനം വർധിച്ച സാഹചര്യത്തിൽ തിരുവനന്തപുരത്തിനു പിന്നാലെ എറണാകുളത്തും ആലപ്പുഴയിലും കോവിഡ് നിയന്ത്രണങ്ങൾ കടുപ്പിച്ചിട്ടുണ്ട്. എറണാകുളം ജില്ലയിലെ എല്ലാ പൊതുപരിപാടികളും കലക്ടർ നിരോധിച്ചു. വിവാഹ, മരണാന്തര ചടങ്ങുകളിൽ പരമാവധി 50 പേരെ പങ്കെടുക്കാവൂ.
ആലപ്പുഴയിൽ പൊതുപരിപാടികൾ, വിവാഹ, മരണാന്തര ചടങ്ങുകളിൽ പരമാവധി 50 പേരെ അനുവദിക്കൂ. രണ്ടു ജില്ലകളിലെയും ഷോപ്പിങ് മാളുകൾ, സൂപ്പർ മാർക്കറ്റുകൾ, വ്യാപാര സ്ഥാപനങ്ങൾ എന്നിവിടങ്ങളിൽ 25 ചതുരശ്ര അടിയിൽ ഒരാൾ എന്ന നിലയിലെ പ്രവേശനം നൽകൂ.
രോഗ വ്യാപനം രൂക്ഷമായ സാഹചര്യത്തിൽ തിരുവനന്തപുരം ജില്ലയിൽ കഴിഞ്ഞ ദിവസം പൊതുപരിപാടികൾക്കും കൂടിച്ചേരലുകൾക്കുമെല്ലാം നിരോധനം ഏർപ്പെടുത്തിയിരുന്നു.
Also Read: കോവിഡ്: സ്കൂളുകളുടെ പ്രവർത്തനം ചർച്ച ചെയ്യാൻ ഇന്ന് ഉന്നതതല യോഗം
