ത​ല​ശ്ശേ​രി: അ​മേ​രി​ക്ക​യി​ലെ കാ​ലി​ഫോ​ർ​ണി​യ​യി​ൽ സെ​ൽ​ഫി​യെ​ടു​ക്കു​ന്ന​തി​നി​ടെ കൊ​ക്ക​യി​ൽ വീ​ണ് മ​രി​ച്ച മ​ല​യാ​ളി ദ​മ്പ​തി​ക​ൾ മദ്യലഹരിയില്‍ ആയിരുന്നെന്ന് പോസ്റ്റ്‍മോര്‍ട്ടം റിപ്പോര്‍ട്ട്. ഡെയ്ലിമെയിലാണ് ഇത് സംബന്ധിച്ച റിപ്പോര്‍ട്ട് ചെയ്തിരിക്കുന്നത്. ഒക്ടോബര്‍ 26നാണ് ത​ല​ശ്ശേ​രി ക​തി​രൂ​ർ ‘ഭാ​വു​ക’​ത്തി​ൽ വി​ഷ്ണു (29), ഭാ​ര്യ മീ​നാ​ക്ഷി (29) എ​ന്നി​വ​ര്‍ മരിച്ചത്. ട്ര​​ക്കി​ങ്ങി​നി​ടെ പ​ർവ്വത​നി​ര​ക​ളി​ൽ​നി​ന്നും സെ​ൽ​ഫി​യെ​ടു​ക്കു​ന്ന​തി​​നി​ടെ തെ​ന്നി​വീ​ണാ​ണ്​ അ​പ​ക​ട​മെ​ന്നാണ് ബന്ധുക്കള്‍ക്ക് ലഭിച്ച വിവരം. യോസാമിറ്റി നാഷണല്‍ പാര്‍ക്കില്‍ ട്രക്കിങ്ങിന് എത്തിയതായിരുന്നു ദമ്പതികള്‍. 3500 അടി ഉയരത്തില്‍ നിന്നാണ് ഇരുവരും വീണത്.

മരണത്തിന് മുമ്പ് ഇരുവരും ‘എത്തില്‍ ആല്‍ക്കഹോള്‍’ അശം അടങ്ങിയ മദ്യം കഴിച്ചിരുന്നതായി പോസ്റ്റ്മോര്‍ട്ടം റിപ്പോര്‍ട്ടില്‍ പറയുന്നു. തലയ്ക്കേറ്റ പരുക്കുകളാണ് ഇരുവരുടേയും മരണകാരണമെന്നും റിപ്പോര്‍ട്ടില്‍ പറയുന്നു. എന്നാല്‍ എത്രമാത്രം അളവിലാണ് ഇരുവരും മദ്യപിച്ചിരുന്നതെന്ന് റിപ്പോര്‍ട്ടില്‍ വ്യക്തമാക്കുന്നില്ല.

കൊക്കയിലേക്ക് വീണതിന് ശേഷം കീശയിൽനി​ന്ന്​ ല​ഭി​ച്ച തി​രി​ച്ച​റി​യ​ൽ കാ​ർ​ഡ്, ഡ്രൈ​വി​ങ് ലൈ​സ​ൻ​സ് എ​ന്നി​വ​യി​ൽ നി​ന്നാ​ണ് ഇരുവരേയും തി​രി​ച്ച​റി​ഞ്ഞ​ത്. വി​ഷ്ണു കാ​ലി​ഫോ​ർ​ണി​യ​യി​ലെ സി​ഡ്‌​കോ സോ​ഫ്റ്റ്‌​വെ​യ​ർ ക​മ്പ​നി എ​ൻ​ജി​നീ​യ​റായിരുന്നു. ഓ​​ഫി​​സി​​ൽ എത്താത്തതോടെ സ​​ഹ​​പ്ര​​വ​​ര്‍​ത്ത​​ക​​ര്‍ അ​​ന്വേ​​ഷി​ച്ചപ്പോഴാ​ണ് മ​​ര​​ണ​വി​​വ​​രം അ​റി​ഞ്ഞ​ത്. ക​തി​രൂ​ർ ശ്രേ​യ​സ് ഹോ​സ്പി​റ്റ​ലി​ലെ ഡോ. ​എം.​വി.വി​ശ്വ​നാ​ഥ്-​ഡോ. സി. സു​ഹാ​സി​നി ദ​മ്പ​തി​ക​ളു​​ടെ മ​ക​നാ​ണ് വി​ഷ്ണു. സ​ഹോ​ദ​ര​ൻ: ജി​ഷ്ണു. കോ​​ട്ട​​യം​ യൂ​ണിയ​​ന്‍ ക്ല​​ബി​​നു​ സ​​മീ​​പ​​ത്തെ രാ​​മ​​മൂ​​ര്‍​ത്തി-​​ചി​​ത്ര ദ​​മ്പ​തി​​ക​​ളു​​ടെ മ​​ക​​ളാ​​ണ് മീ​​നാ​​ക്ഷി. ഇ​രു​വ​രും ചെ​ങ്ങ​ന്നൂ​രി​ലെ ഐഎ​ച്ച്ആ​ർഡി എ​ൻ​ജി​നീ​യ​റി​ങ് കോളേ​ജി​ൽ സ​ഹ​പാ​ഠി​ക​ളാ​യി​രു​ന്നു.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ