Latest News
സംഗീത സംവിധായകൻ ശ്രാവൺ കോവിഡ് ബാധിച്ച് മരിച്ചു; കണ്ണീരണിഞ്ഞ് ബോളിവുഡ്
വാക്‌സിൻ ക്ഷാമത്തിന് താൽക്കാലിക പരിഹാരം; സംസ്ഥാനത്ത് അഞ്ചര ലക്ഷം ഡോസ് കൊവിഷീൽഡ്
ആളും ആരവങ്ങളുമില്ല; ഇന്ന് തൃശൂർ പൂരം

കേരള കോണ്‍ഗ്രസിലെ തര്‍ക്കം തെരുവിലേക്ക്; നേതാക്കളുടെ കോലം കത്തിച്ചും അസഭ്യം പറഞ്ഞും ഇരുവിഭാഗവും

പാ​ലാ​യി​ലും തൊ​ടു​പു​ഴ​യി​ലും ചെ​റു​തോ​ണി​യി​ലും ക​ടു​ത്തു​രു​ത്തി​യി​ലും ചേ​രി​തി​രി​ഞ്ഞ് കോ​ലം ക​ത്തി​ച്ചി​രു​ന്നു

കോ​ട്ട​യം: കേ​ര​ള കോ​ൺ​ഗ്ര​സി​ലെ തര്‍ക്കം തെരുവിലേക്കും പടരുന്നു. മാ​ണി വി​ഭാ​ഗം ശ​നി​യാ​ഴ്​​ച കോ​ട്ട​യ​ത്ത്​ ജോ​സ​ഫി​ന്റെ കോ​ലം ക​ത്തി​ച്ച്​ പ്ര​തി​ഷേ​ധി​ച്ചു. പ്ര​മു​ഖ നേ​താ​ക്ക​ളു​ടെ അ​റി​വോ​ടെ​യാ​യി​രു​ന്നു ഇ​ത്. ക​ഴി​ഞ്ഞ ദി​വ​സ​ങ്ങ​ളി​ൽ പാ​ലാ​യി​ലും തൊ​ടു​പു​ഴ​യി​ലും ചെ​റു​തോ​ണി​യി​ലും ക​ടു​ത്തു​രു​ത്തി​യി​ലും ചേ​രി​തി​രി​ഞ്ഞ് കോ​ലം ക​ത്തി​ച്ചി​രു​ന്നു. വ​രും​ദി​വ​സ​ങ്ങ​ളി​ൽ സം​ഘ​ർ​ഷ​ത്തി​ലേ​ക്ക്​ നീ​ങ്ങി​യേ​ക്കാ​മെ​ന്നാ​ണ്​ ര​ഹ​സ്യാ​ന്വേ​ഷ​ണ വി​ഭാ​ഗം മു​ന്ന​റി​യി​പ്പ്. ഇരു വിഭാഗവും നേതാക്കളെ അസഭ്യം പറഞ്ഞും മുദ്രാവാക്യം ഉയര്‍ത്തുന്നുണ്ട്.

ഇ​രു​പ​ക്ഷ​വും അ​ര​യും ത​ല​യും മു​റു​ക്കി രം​ഗ​ത്തി​റ​ങ്ങി​യ​തോ​ടെ അ​ച്ച​ട​ക്ക​ലം​ഘ​നം ന​ട​ത്തു​ന്ന​വ​ർ​ക്കെ​തി​രെ ശ​ക്​​ത​മാ​യ ന​ട​പ​ടി​യെ​ടു​ക്കു​മെ​ന്ന താ​ക്കീ​തു​മാ​യി ആ​ക്​​ടി​ങ്​ ചെ​യ​ർ​മാ​ൻ പി.​ജെ. ജോ​സ​ഫ്. ഏ​ക​പ​ക്ഷീ​യ നി​ല​പാ​ടു​ക​ൾ പാ​ർ​ട്ടി​യെ ഭി​ന്നി​പ്പി​ക്കു​മെ​ന്ന്​ ജോ​സ​ഫി​ന് പ​ര​സ്യ​മു​ന്ന​റി​യി​പ്പു​മാ​യി ജോ​സ് ​കെ. ​മാ​ണി​യും രം​ഗ​ത്തു​വ​ന്ന​തോ​ടെ സ്​​ഥാ​ന​മാ​ന​ങ്ങ​ളെ​ച്ചൊ​ല്ലി കേ​ര​ള കോ​ൺ​ഗ്ര​സി​ൽ ആ​രം​ഭി​ച്ച ക​ലാ​പം നേ​ർ​ക്കു​നേ​ർ പോ​രാ​ട്ട​മാ​യി. സം​സ്ഥാ​ന ക​മ്മി​റ്റി അ​ടി​യ​ന്ത​ര​മാ​യി വി​ളി​ച്ച് ജ​നാ​ധി​പ​ത്യ​പ​ര​മാ​യി തീ​രു​മാ​നം എ​ടു​ക്ക​ണ​മെ​ന്ന്​ ജോ​സ്​ കെ. ​മാ​ണി ആ​വ​ശ്യ​പ്പെ​ട്ടു. ഒ​രു​മ​യോ​ടെ മു​ന്നോ​ട്ടു പോ​കാ​നു​ള്ള ഏ​ക​വ​ഴി സം​സ്ഥാ​ന ക​മ്മി​റ്റി വി​ളി​ച്ച് ചെ​യ​ര്‍മാ​നെ തെ​ര​ഞ്ഞെ​ടു​ക്കു​ക​യാ​ണെ​ന്ന്​ അ​ദ്ദേ​ഹം പ​റ​യു​ന്നു.

താ​ല്‍ക്കാ​ലി​ക ചെ​യ​ർ​മാ​ൻ താ​നാ​ണെ​ന്ന് തെ​ര‌‍ഞ്ഞെ​ടു​പ്പ് ക​മീ​ഷ​ന് ക​ത്ത് ന​ൽ​കി​യ​തി​ന് പി​ന്നാ​ലെ പാ​ർ​ട്ടി​യി​ൽ പി​ടി​മു​റു​ക്കാ​നാ​ണ്​ ജോ​സ​ഫിന്റെ നീ​ക്കം. എ​ന്നാ​ൽ, അ​ച്ച​ട​ക്ക ന​ട​പ​ടി ഉ​ണ്ടാ​യാ​ൽ പാ​ർ​ട്ടി എ​പ്പോ​ൾ പി​ള​ർ​ന്നു​വെ​ന്ന്​ മാ​ത്രം നോ​ക്കി​യാ​ൽ മ​തി​യെ​ന്നാ​ണ്​ എ​തി​ർ​പ​ക്ഷ​ത്തി​ന്റെ മു​ന്ന​റി​യി​പ്പ്. ആ​ദ്യം സ​മ​വാ​യം, പി​ന്നീ​ട്​ സം​സ്ഥാ​ന ക​മ്മി​റ്റി എ​ന്ന നി​ല​പാ​ടി​ലാ​ണു ജോ​സ​ഫ്. പ്ര​തി​സ​ന്ധി പ​രി​ഹ​രി​ക്കാ​ൻ യു.​ഡി.​എ​ഫ്​ നേ​തൃ​ത്വം ന​ട​ത്തു​ന്ന നീ​ക്ക​ങ്ങ​ളും ഫ​ലം ക​ണ്ടി​ട്ടി​ല്ല. മു​സ്​​ലിം​ലീ​ഗ്​-​കോ​ൺ​ഗ്ര​സ്​ നേ​തൃ​ത്വ​വും സ​മ​വാ​യ നീ​ക്ക​ങ്ങ​ളി​ൽ സ​ജീ​വ​മാ​ണ്. ഈ ​മാ​സം ഒ​മ്പ​തി​ന്​ മു​മ്പ്​ നി​യ​മ​സ​ഭാ​ക​ക്ഷി നേ​താ​വി​നെ തെ​ര​ഞ്ഞെ​ടു​ക്ക​ണ​മെ​ന്നാ​ണ്​ സ്​​പീ​ക്ക​റു​ടെ നി​ർ​ദേ​ശം.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kerala congress jose k mani km mani pj joseph udf muslim league congress

Next Story
കെ.എസ്.യു പ്രവര്‍ത്തകരെ ആക്രമിച്ച വിദ്യാര്‍ത്ഥികള്‍ക്ക് രാഷ്ട്രീയ പ്രവര്‍ത്തനം വിലക്കി കോടതി ജാമ്യം അനുവദിച്ചുCollege, കോളേജ്, clash, അക്രമം, attack, court, കോടതി, bail, ജാമ്യം, kerala police, കേരള പൊലീസ്
The moderation of comments is automated and not cleared manually by malayalam.indianexpress.com