തി​രു​വ​ന​ന്ത​പു​രം: പാ​ല​ക്കാ​ട്, തി​രു​വ​ന​ന്ത​പു​രം റെ​യി​ൽ​വെ ഡി​വി​ഷ​നു​ക​ൾ ചേ​ർ​ത്ത് എ​റ​ണാ​കു​ളം ആ​സ്ഥാ​ന​മാ​യി പു​തി​യ റെ​യി​ൽ​വെ സോ​ണ്‍ രൂ​പീ​ക​രി​ക്ക​ണ​മെ​ന്ന് കേ​ന്ദ്ര​ത്തോ​ട് കേ​ര​ളം. കേ​ര​ള​ത്തി​ന്‍റെ റെ​യി​ൽ വി​ക​സ​ന പ​ദ്ധ​തി​ക​ൾ വേ​ഗ​ത്തി​ൽ ന​ട​പ്പാ​ക്കു​ന്ന​തി​ന് ഇ​ത് അ​ത്യാ​വ​ശ്യ​മാ​ണെ​ന്നു ചൂ​ണ്ടി​ക്കാ​ട്ടി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കും റെ​യി​ൽ​വെ മ​ന്ത്രി സു​രേ​ഷ് പ്ര​ഭു​വി​നും ക​ത്ത​യ​ച്ചു. തി​രു​വ​ന​ന്ത​പു​രം- തി​രു​ന​ൽ​വേ​ലി, നാ​ഗ​ർ​കോ​വി​ൽ- ക​ന്യാ​കു​മാ​രി ലൈ​നു​ക​ൾ തി​രു​വ​ന​ന്ത​പു​രം ഡി​വി​ഷ​നി​ൽ​നി​ന്ന് വേ​ർ​പെ​ടു​ത്തി മ​ധു​ര ഡി​വി​ഷ​നി​ൽ ചേ​ർ​ക്കാ​നു​ള്ള നീ​ക്കം ത​ട​യ​ണ​മെ​ന്നും ക​ത്തി​ൽ മു​ഖ്യ​മ​ന്ത്രി അ​ഭ്യ​ർ​ഥി​ച്ചു.

റെയില്‍ പശ്ചാത്തല സൗകര്യങ്ങള്‍ വികസിപ്പിക്കുന്നതിന് റയില്‍വെയുമായി ചേര്‍ന്ന് സംസ്ഥാനം കേരള റെയില്‍ ഡവലപ്പ്മെന്‍റ് കോര്‍പ്പറേഷന്‍ എന്ന സംയുക്ത സംരംഭത്തിന് രൂപം നല്‍കിയിരിക്കുകയാണ്. എന്നാല്‍ മേഖലാ ഓഫീസ് ചെന്നെയിലായതിനാല്‍ പദ്ധതികളില്‍ തീരുമാനം നീണ്ടു പോകുന്നുവെന്നും മുഖ്യമന്ത്രി പറഞ്ഞു.

അതിവേഗ റെയില്‍പാതയും തലശ്ശേരി-മൈസൂര്‍, അങ്കമാലി-ശബരി, ഗുരുവായൂര്‍ -തിരുനാവായ എന്നീ പാതകളും പാലക്കാട് കോച്ച് ഫാക്ടറിയും ഇതുവരെ പൂര്‍ത്തിയാക്കാന്‍ കഴിയാത്തതിന് ഒരു കാരണം കേരളത്തിന് റെയില്‍വെ സോണ്‍ ഇല്ലാത്തതാണ്. ഈ പ്രശ്നം പരിഹരിക്കുന്നതിന് കന്യാകുമാരി മുതല്‍ മംഗലാപുരം വരെ പരിധിയുള്ള പെനിന്‍സുലര്‍ റെയില്‍വെ സോണ്‍ എറണാകുളം കേന്ദ്രമായി അനുവദിക്കേണ്ടത് ആവശ്യമാണ് എന്നും മുഖ്യമന്ത്രി അറിയിച്ചു.

തിരുവന്തപുരം റെയില്‍വെ സ്റ്റേഷനിലെ തിരക്ക് കുറയ്ക്കുന്നതിന് കോര്‍പ്പറേഷനില്‍പ്പെടുന്ന നേമത്ത് ഉപഗ്രഹ സൗകര്യങ്ങള്‍ വന്നുകൊണ്ടിരിക്കുകയാണ്. അതിനിടയില്‍, തിരുവനന്തപുരം-തിരുനല്‍വേലി, നാഗര്‍കോവില്‍-കന്യാകുമാരി ലൈനുകള്‍ മാറ്റുന്നത് ഈ മേഖലയിലെ വികസനം ഇല്ലാതാക്കുമെന്നും മു​ഖ്യ​മ​ന്ത്രി ക​ത്തി​ൽ ചൂ​ണ്ടി​ക്കാ​ട്ടി.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ