scorecardresearch

Latest News

സംസ്ഥാന ബജറ്റ് നാളെ: നവകേരള നിര്‍മ്മാണ പദ്ധതിക്ക് മുന്‍ഗണന

ധനമന്ത്രി തോമസ് ഐസകിന്‍റെ പത്താമത്തെ ബജറ്റും പിണറായി സർക്കാറിന്‍റെ നാലാമത്തെ ബജറ്റുമാണിത്

thomas isaac, kerala budget

തിരുവനന്തപുരം: 2019-20 വർഷത്തെ ബജറ്റ് നാളെ നിയമസഭയിൽ അവതരിപ്പിക്കും. രാവിലെ ഒമ്പത് മണിക്കാണ് ധനമന്ത്രി തോമസ് ഐസക് നിയമസഭയിൽ ബജറ്റ് അവതരിപ്പിക്കുക. ധനമന്ത്രി തോമസ് ഐസകിന്‍റെ പത്താമത്തെ ബജറ്റും പിണറായി സർക്കാറിന്‍റെ നാലാമത്തെ ബജറ്റുമാണിത്. പ്രളയാനന്തരകേരളത്തിന്റെ പുനർനിർമ്മാണത്തിനാവശ്യമായ പദ്ധതികൾക്കായിരിക്കും ബജറ്റിൽ മുൻഗണന.

പുനർനിർമ്മാണ പ്രവർത്തനങ്ങൾക്കായി 5000കോടിയുടെയെങ്കിലും പദ്ധതികൾ പാക്കേജിലുണ്ടാകുമെന്നാണ് സൂചന. പ്രളയ സെസ് ചുമത്താൻ സർക്കാറിന് അധികാരമുളളതിനാൽ ഉൽപ്പന്നങ്ങൾക്ക് ഒരു ശതമാനം നികുതി കൂട്ടും. എന്നാൽ നിത്യോപയോഗ സാധനങ്ങളെ സെസിൽ നിന്ന് ഒഴിവാക്കാനാണ് സാധ്യത. ആഡംബര വസ്തുക്കൾക്കും ഉയർന്ന നികുതി നിരക്കുളള ഉത്പന്നങ്ങൾക്കും മേലായിരിക്കും സെസ് ചുമത്തുക. 1000 കോടിയുടെ സമഗ്ര ആരോഗ്യ ഇൻഷുറൻസ് പദ്ധതിയും ബജറ്റിൽ പ്രഖ്യാപിക്കുമെന്നും കരുതപ്പെടുന്നു.

Stay updated with the latest news headlines and all the latest Kerala news download Indian Express Malayalam App.

Web Title: Kerala budget 2019 highlights