ബജറ്റ് സമ്മേളനത്തിന് ഇന്ന് ഗവർണറുടെ നയപ്രഖ്യാപന പ്രസംഗത്തോടെ തുടക്കം

ഗവർണറുടെ നയപ്രഖ്യാപന പ്രസംഗം പ്രതിപക്ഷം തടസപ്പെടുത്തിയേക്കില്ല

Kerala Budget 2018, Budget 2018, Kerala, കേരള ബജറ്റ് 2018, ബജറ്റ് 2018, ഇടതുഭരണം, പ്രതിപക്ഷം

തിരുവനന്തപുരം: സംസ്ഥാനത്തെ 2018-19 വർഷത്തേക്കുള്ള ബജറ്റ് സമ്മേളനത്തിന് ഗവർണറുടെ നയപ്രഖ്യാപന പ്രസംഗത്തോടെ ഇന്ന് തുടക്കം കുറിക്കും. രാവിലെ ഒൻപതിനാണ് ഗവർണർ റിട്ട ജസ്റ്റിസ് പി.സദാശിവം നയപ്രഖ്യാപന പ്രസംഗം നടത്തുക.

അതേസമയം, സർക്കാരിനെ പ്രതിരോധത്തിലാക്കാൻ ഉളള ആയുധങ്ങളുമായാണ് പ്രതിപക്ഷം ബജറ്റ് സമ്മേളനത്തിലെത്തുന്നത്. ഓഖി ദുരന്തം നേരിടുന്നതിൽ സംസ്ഥാന സർക്കാർ പരാജയപ്പെട്ടുവെന്നതാണ് പ്രതിപക്ഷത്തിന്റെ ആവനാഴിയിലെ പ്രധാന ശരം. തോമസ് ചാണ്ടി രാജിവയ്‌ക്കേണ്ടി വന്ന സാഹചര്യത്തെയും പ്രതിപക്ഷം വിമർശിച്ചേക്കും.

പുതിയ പദ്ധതികളുടെ പ്രഖ്യാപനങ്ങൾ ഇന്നത്തെ പ്രസംഗത്തിൽ ഉണ്ടാകില്ല. നാളെ മുൻമന്ത്രി ഇ.ചന്ദ്രശേഖരൻ നായർ, ചെങ്ങന്നൂർ എംഎൽഎ ആയിരുന്ന കെ.കെ.രാമചന്ദ്രൻ നായർ എന്നിവർക്കു ചരമോപചാരം അർപ്പിക്കാനായാണു സഭ ചേരുന്നത്.

25ന് നയപ്രഖ്യാപനത്തിനുള്ള നന്ദിപ്രമേയത്തിന്മേൽ ചർച്ച നടക്കും. റിപ്പബ്ലിക് ദിനവും തുടർന്ന് വരുന്ന വാരാന്ത്യവും മൂലം 26 മുതൽ 29 വരെ സഭ ചേരുകയില്ല. 30 മുതൽ വീണ്ടും ചർച്ച നടക്കും. ഫെബ്രുവരി രണ്ടിനാണ് ബജറ്റ് അവതരണം. ഫെബ്രുവരി ഏഴിനു സഭാസമ്മേളനം സമാപിക്കും.

അതേസമയം ജെഡിയു ഐക്യമുന്നണി വിട്ടതും ശ്രീജിത്തിന്റെ സമരവും പ്രതിപക്ഷ നേതാവിനെതിരെ വേണ്ടിവന്നാൽ ആയുധമാക്കാനാണ് സിപിഎമ്മിന്റെ ശ്രമം.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kerala budget 2018 governor will address legislative assembly today

Next Story
മീ​സി​ൽ​സ് റു​ബെ​ല്ല വാ​ക്സി​നേഷനെ വിമർശിച്ച് സിപിഎം എംഎൽഎ രംഗത്ത്measles rubella vaccine, Vaccine, Rubella Vaccine, മീസിൽസ് റൂബെല്ല വാക്സിൻ, വാക്സിനേഷൻ
The moderation of comments is automated and not cleared manually by malayalam.indianexpress.com