scorecardresearch

കരിപ്പൂരിൽ വലിയ വിമാനങ്ങൾക്ക് ഡിജിസിഎയുടെ താൽക്കാലിക വിലക്ക്

കരിപ്പൂർ വിമാനാപകടം നടന്ന് നാല് ദിവസത്തിന് ശേഷമാണ് വലിയ വിമാനങ്ങൾക്ക് താൽക്കാലിക വിലക്കേർപ്പെടുത്തുന്നത്

ന്യൂഡൽഹി:  കരിപ്പൂര്‍ വിമാനത്താവളത്തില്‍ വലിയ വിമാനങ്ങള്‍ക്ക് ഡയറക്ടര്‍ ജനറല്‍ ഓഫ് സിവില്‍ ഏവിയേഷന്‍ താൽക്കാലിക വിലക്കേര്‍പ്പെടുത്തി. മണ്‍സൂണ്‍ കാലയളവിലേക്കാണ് വിലക്കുള്ളത്.

വെള്ളിയാഴ്ച എയര്‍ഇന്ത്യ എക്‌സ്പ്രസ് വിമാനം കരിപ്പൂരിൽ ലാന്‍ഡിങിനിടെ തകര്‍ന്നുവീണ് നാല് ദിവസത്തിന് ശേഷമാണ് വിമാനത്താവളത്തിൽ വലിയ വിമാനങ്ങൾക്ക് വിലക്കേർപ്പെടുത്തുന്നത്.

കനത്ത മഴ ലഭിക്കുന്ന വിമാനത്താവളങ്ങളുടെ പ്രത്യേക ഓഡിറ്റ് ഏവിയേഷൻ റെഗുലേറ്റർ നടത്തുമെന്ന് ഡിജിസിഎയിലെ മുതിർന്ന ഉദ്യോഗസ്ഥൻ പറഞ്ഞു.

Read More: കരിപ്പൂർ വിമാനാപകടം: ലഗേജുകള്‍ വീണ്ടെടുക്കാൻ ശ്രമമാരംഭിച്ചു; കരാർ വിദേശക്കമ്പനിക്ക്

നിരോധന സമയപരിധിയെക്കുറിച്ച് ചോദിച്ചപ്പോൾ, “തീയതി നിശ്ചയിച്ചിട്ടില്ല” എന്നാണ് ഡിജിസിഎ ഉദ്യോഗസ്ഥർ പറഞ്ഞത്. മൺസൂൺ അവസാനിക്കുന്നതുവരെ ഞങ്ങൾ കാത്തിരിക്കും, ധാരാളം ജാഗ്രതയോടെ ഞങ്ങൾ അത് ചെയ്യുന്നു,” അദ്ദേഹം പറഞ്ഞു.

വലിയ ഇന്ധന ടാങ്ക് ഉള്ള വൈഡ് ബോഡി വിമാനങ്ങളായ ബി 747, എ 350 എന്നിവയ്ക്ക് ഇ 73-ഉം എ 320 ഉം പോലുള്ള ഇടുങ്ങിയ വലിപ്പം കുറഞ്ഞ വിമാനങ്ങളുമായി താരതമ്യപ്പെടുത്തുമ്പോൾ കൂടുതൽ ദൂരം സഞ്ചരിക്കാനാകും. വൈഡ് ബോഡി വിമാനത്തിന് ടേക്ക് ഓഫ് ചെയ്യാനും ലാൻഡ് ചെയ്യാനും കൂടുതൽ റൺവേ നീളം ആവശ്യമാണ്.

കോഴിക്കോട് വിമാനത്താവളത്തിന്റെ റൺവേ 10 ന് ഏകദേശം 2,700 മീറ്ററാണ് നീളം. 2019 മുതൽ ഈ വിമാനത്താവളത്തിൽ വൈഡ് ബോഡി വിമാനങ്ങൾക്ക് പ്രവർത്തനാനുമതിയുണ്ട്.

പ്രതിവർഷം കനത്ത മഴ ബാധിക്കുന്ന മുംബൈ, ചെന്നൈ തുടങ്ങിയ വിമാനത്താവളങ്ങളിൽ പ്രത്യേക ഓഡിറ്റ് നടത്തുമെന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) മുതിർന്ന ഉദ്യോഗസ്ഥൻ പറഞ്ഞു.

Read More: റണ്‍വേയില്‍നിന്നു തെന്നിവീണതല്ല, വീണ്ടും പറക്കാന്‍ ശ്രമിച്ച് വീഴുകയായിരുന്നു; വിമാനത്തിന്റെ അവസാനനിമിഷങ്ങള്‍ കണ്ട സി ഐ എസ് എഫ് ഉദ്യോഗസ്ഥന്‍

ദുബായിൽ നിന്നുള്ള എയർ ഇന്ത്യ എക്സ്പ്രസ് വിമാനമാണ് വെള്ളിയാഴ്ച രാത്രി കരിപ്പൂരിലെ റൺവേയിൽ നിന്ന് 35 അടി താഴേക്ക് പതിക്കുകയും രണ്ട് കഷണങ്ങളായി വിഭജിക്കപ്പെടുകയും ചെയ്തത്. അപകടത്തിൽ രണ്ട് പൈലറ്റുമാർ ഉൾപ്പെടെ 18 പേർ കൊല്ലപ്പെടുകയും ചെയ്തിരുന്നു.

കോഴിക്കോട് വിമാനാപകടത്തിൽ പരിക്കേറ്റ 74 യാത്രക്കാരെ പൂർണ്ണ ആരോഗ്യം നേടിയ ശേഷം ആശുപത്രികളിൽ നിന്ന് ഡിസ്ചാർജ് ചെയ്തതായി വിമാനക്കമ്പനി അറിയിച്ചു.

അന്താരാഷ്ട്ര സിവിൽ ഏവിയേഷൻ ഓർഗനൈസേഷന്റെ (ഐസി‌എ‌ഒ) സുരക്ഷാ മാർഗ്ഗനിർദ്ദേശങ്ങൾക്കനുസൃതമായി കോഴിക്കോട് വിമാനത്താവളത്തിൽ റൺവേ എൻഡ് സേഫ്റ്റി ഏരിയ (റെസ) സജ്ജീകരിച്ചിട്ടുണ്ടെന്ന് സിവിൽ ഏവിയേഷൻ മന്ത്രി ഹർദീപ് സിംഗ് പുരി തിങ്കളാഴ്ച പറഞ്ഞിരുന്നു.

Read More: DGCA bars use of wide-body aircraft at Kozhikode, will audit airports that witness heavy rains

Stay updated with the latest news headlines and all the latest Kerala news download Indian Express Malayalam App.

Web Title: Karipur kozhikode airport dgca wide body aircraft