ക​ണ്ണൂ​ർ: കണ്ണൂര്‍ രാജ്യാന്തര വിമാനത്താവളത്തിന്റെ ഉദ്ഘാടനം നാളെ. മു​ഖ്യ​മ​​ന്ത്രി പി​ണ​റാ​യി വി​ജ​യ​നും കേ​​​ന്ദ്ര​വ്യോ​മ​യാ​ന മ​ന്ത്രി സു​രേ​ഷ് പ്ര​ഭു​വും ഫ്ലാ​ഗ്​​ഓഫ്​ ചെ​യ്യു​ന്ന​തോ​ടെ കേ​ര​ള​ത്തി​​ലെ നാ​ലാ​മ​ത്തെ വി​മാ​ന​ത്താ​വ​ളം കണ്ണൂരിന് സ്വന്തം.

രാവിലെ 6 മണിക്ക് മട്ടന്നൂര്‍-വായന്തോട് സഹകരണ പരിസരത്ത് ആദ്യ വിമാനത്തിലെ യാത്രക്കാര്‍ക്ക് സ്വീകരണം നല്‍കും. 6.30ഓടെ ഇവരെ ടെര്‍മിനലിലെത്തിക്കും. 7 മണിക്ക് വിമാനത്താവളത്തില്‍ ഇ.പി.ജയരാജന്റെ സാന്നിധ്യത്തില്‍ ഇവര്‍ക്ക് സ്വീകരണം നല്‍കും. 7.15നാണ് യാത്രക്കാര്‍ക്ക് ബോര്‍ഡിങ് പാസ് നല്‍കുക. 7.30ഓടെ വേദിയില്‍ കലാപരിപാടികള്‍ ആരംഭിക്കും. 9.30നാണ് ഡിപ്പാര്‍ച്ചര്‍ ഹാളില്‍ വച്ച് മുഖ്യമന്ത്രിയും കേന്ദ്രമന്ത്രിയും നിലവിളക്ക് കൊളുത്തി ഉദ്ഘാടനം നടത്തുന്നത്.

രാ​വി​ലെ 9.50ന്​ ​​എ​യ​ർ ഇ​ന്ത്യ എ​ക്​​സ്​​പ്ര​സി​ന്റെ അ​ബുദാ​ബി വി​മാ​നമാണ് ആദ്യം പറക്കുക. വ്യോ​മ​യാ​ന സ​ഹ​മ​ന്ത്രി ജ​യ​ന്ത്​​ സി​ൻ​ഹ മു​ഖ്യാ​തി​ഥി​യാ​കും. മ​ന്ത്രി ഇ.​പി.ജ​യ​രാ​ജ​ൻ അ​ധ്യ​ക്ഷ​ത ​വ​ഹി​ക്കും. 97,000 ച​തു​ര​ശ്ര​മീ​റ്റ​ർ വി​സ്തീ​ർ​ണ​മു​ള്ള ആ​ഭ്യ​ന്ത​ര, അ​ന്ത​ർ​ദേ​ശീ​യ പാ​സ​ഞ്ച​ർ ടെ​ർ​മി​ന​ലു​ക​ളും 3050 മീ​റ്റ​ർ​ റ​ൺ​വേ​യു​മു​ൾ​പ്പെ​ട്ട ക​ണ്ണൂ​ർ വി​മാ​ന​ത്താ​വ​ള​ത്തി​ൽ 20 വി​മാ​ന​ങ്ങ​ള്‍ക്ക് ഒ​രേ​സ​മ​യം പാ​ര്‍ക്ക് ചെ​യ്യാം. 24 ചെ​ക്ക് ഇ​ന്‍ കൗ​ണ്ട​റു​ക​ളും 32 എ​മി​ഗ്രേ​ഷ​ന്‍ കൗ​ണ്ട​റു​ക​ളും നാ​ല്​ ഇ-​വി​സ കൗ​ണ്ട​റു​ക​ളും 16 ക​സ്​​റ്റം​സ് കൗ​ണ്ട​റു​ക​ളു​മാ​ണ്​ ഒ​രു​ക്കി​യി​ട്ടു​ള്ള​ത്.

വ​ൻ​കി​ട വി​മാ​ന​ങ്ങ​ളി​ൽ നേ​രി​ട്ട്​ ​പാ​സ​ഞ്ച​ർ​ ടെ​ർ​മി​ന​ലി​ലേ​ക്ക്​ പ്ര​വേ​ശി​ക്കാ​വു​ന്ന ആ​റ്​ എ​യ്​​റോ​ബ്രി​ഡ്ജു​ക​ളും പ്ര​ത്യേ​ക​ത​യാ​ണ്. ഒരേ​സ​മ​യം 2000 യാ​ത്ര​ക്കാ​ർ​ക്ക്​ വ​ന്നു ​പോ​കാ​വു​ന്ന​ വി​ധ​ത്തി​ൽ അ​ഞ്ച്​ നി​ല​ക​ളി​ലാ​യി പാ​ക​പ്പെ​ടു​ത്തി​യ​താ​ണ്​ പാ​സ​ഞ്ച​ർ ടെ​ർ​മി​ന​ൽ.

എ​യ​ർ ഇ​ന്ത്യ എ​ക്​​സ്​​പ്ര​സി​ന്റെ ഗ​ൾ​ഫ്​ സ​ർവ്വീസു​ക​ളാ​ണ്​ തു​ട​ക്കം​ മു​ത​ൽ ആ​രം​ഭി​ക്കു​ന്ന​ത്. അ​ബുദാബി, ദോ​ഹ, ദു​ബായ്, ഷാ​ർ​ജ, മ​സ്​​കറ്റ്, റി​യാ​ദ്​ എ​ന്നി​വി​ട​ങ്ങ​ളി​ലേ​ക്കാ​ണ്​ എ​യ​ർ ഇ​ന്ത്യ എ​ക്​​സ്​​പ്ര​സി​ന്​ അ​നു​മ​തി ല​ഭി​ച്ച​ത്. വി​മാ​ന​ത്താ​വ​ള​ങ്ങ​ളി​ലെ സ്ലോ​ട്ട്​ അ​നു​മ​തി​യും വി​മാ​ന​ത്തി​ന്റെ കു​റ​വും കാ​ര​ണം ദുബായ്, മ​സ്​​ക​റ്റ്​ സ​ർവ്വീസു​ക​ൾ ഉ​ട​നെ ഉ​ണ്ടാ​വി​ല്ല. ക​ണ്ണൂ​ർ- ഷാ​ർ​ജ റൂ​ട്ടി​ൽ ശ​നി, തി​ങ്ക​ൾ, ബു​ധ​ൻ, വെ​ള്ളി, ക​ണ്ണൂ​ർ- അ​ബുദാബി റൂ​ട്ടി​ൽ ഞാ​യ​ർ, ചൊ​വ്വ, വ്യാ​ഴം, ക​ണ്ണൂ​ർ-​ദോ​ഹ റൂ​ട്ടി​ൽ തി​ങ്ക​ൾ, ചൊ​വ്വ, ബു​ധ​ൻ, ശ​നി, ക​ണ്ണൂ​ർ- റി​യാ​ദ്​ റൂ​ട്ടി​ൽ ഞാ​യ​ർ, വ്യാ​ഴം, വെ​ള്ളി, റി​യാ​ദ്​-​ക​ണ്ണൂ​ർ റൂ​ട്ടി​ൽ വെ​ള്ളി, ശ​നി, തി​ങ്ക​ൾ ദി​വ​സ​ങ്ങ​ളി​ലാ​ണ്​ സർവ്വീസ്.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ