തിരുവനന്തപുരം: ക​ണ്ണൂ​ർ വി​മാ​ന​ത്താ​വ​ളത്തിന്റെ നിർമ്മാണം അ​ടു​ത്ത​വ​ർ​ഷം സെ​പ്റ്റം​ബ​റി​ൽ പൂ​ർ​ത്തി​യാ​ക്കു​മെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. ക​ണ്ണൂ​ർ വി​മാ​ന​ത്താ​വ​ള​ത്തി​ന്‍റെ എ​ട്ടാം വാ​ർ​ഷി​ക പൊ​തു​യോ​ഗ​ത്തി​ൽ അ​ധ്യ​ക്ഷ​ത വ​ഹി​ച്ച് സംസാരിക്കുകയായിരുന്നു അദ്ദേഹം.

വി​മാ​ന​ത്താ​വ​ള​ത്തി​ലെ റ​ൺ​വേ​യു​ടെ നീ​ളം 3050 മീ​റ്റ​റി​ൽ നി​ന്ന് 4000 മീ​റ്റ​റാ​ക്കാ​ൻ തീ​രു​മാ​നി​ച്ചി​ട്ടുണ്ടെന്നും ഇ​തി​നാ​വ​ശ്യ​മാ​യ ഭൂ​മി​യേ​റ്റെ​ടു​ക്ക​ൽ ന​ട​പ​ടി പു​രോ​ഗ​മി​ക്കു​ക​യാ​ണെന്നും മുഖ്യമന്ത്രി ചടങ്ങിൽ വ്യക്തമാക്കി. റൺവേയുടെ നീളം കൂട്ടുന്നതോടെ കേ​ര​ള​ത്തി​ലെ ഏ​റ്റ​വും വ​ലി​യ റ​ൺ​വേ​യോ​ടു കൂ​ടി​യ വി​മാ​ന​ത്താ​വ​ള​മാ​യി ക​ണ്ണൂ​ർ മാ​റുമെന്നും മുഖ്യമന്ത്രി പറഞ്ഞു.

നേരത്തെ ഈ വർഷം തന്നെ വിമാനത്താവളത്തിന്റെ നിർമ്മാണം പൂർത്തിയാക്കാൻ സാധിക്കുമെന്നായിരുന്നു സർക്കാരിന്റെ കണക്ക്കൂട്ടൽ, എന്നാൽ കാലാവസ്ഥ പ്രതികൂലമായത് നിർമ്മാണത്തിന്റെ വേഗത കുറച്ചിട്ടുണ്ടെന്നും സർക്കാർ വിശദീകരിച്ചു. ഇതിനകംതന്നെ ആ​ഭ്യ​ന്ത​ര, അ​ന്താ​രാ​ഷ്ട്ര വി​മാ​ന​ക്ക​മ്പ​നി​ക​ൾ ഇ​വി​ടെ നി​ന്ന് സ​ർ​വീ​സ് ന​ട​ത്താ​ൻ താ​ല്പ​ര്യം പ്ര​ക​ടി​പ്പി​ച്ചി​ട്ടു​ണ്ട്. ജെ​റ്റ് എ​യ​ർ​വേ​സി​ന് അ​ബു​ദാ​ബി​യി​ലേ​ക്കും ഗോ ​എ​യ​റി​ന് ദ​മാ​മി​ലേ​ക്കും ഓ​രോ സ​ർ​വീ​സ് വീ​തം ന​ട​ത്തു​ന്ന​തി​ന് കേ​ന്ദ്ര വ്യോ​മ​യാ​ന വ​കു​പ്പി​ന്‍റെ അ​നു​മ​തി ല​ഭി​ച്ചു.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ