മാഹി സിപിഎം പ്രവർത്തകന്റെ കൊല; ആർഎസ്എസ് പ്രവർത്തകനെ വിവാഹ ദിവസം കസ്റ്റഡിയിലെടുത്തു

വിവാഹത്തിനായി വീട്ടിൽ നിന്ന് പുറപ്പെടാൻ ഒരുങ്ങുമ്പോഴായിരുന്നു പൊലീസ് ഇയാളെ കസ്റ്റഡിയിലെടുത്തത്

Kanippoyil Babu Murder, കണിപ്പൊയിൽ ബാബു കൊലക്കേസ്, ആർഎസ്എസ് പ്രവർത്തകൻ, ജെറിൻ സുരേഷ്, കണിപ്പൊയിൽ ബാബു, കണ്ണൂർ രാഷ്ട്രീയ കൊലപാതകം, Kannur Political Murder

പളളൂർ: മാഹിയിലെ സിപിഎം നേതാവ് കണിപ്പൊയിൽ ബാബുവിനെ വെട്ടിക്കൊലപ്പെടുത്തിയ കേസിൽ ഒരാൾ കൂടി പിടിയിൽ. ആർഎസ്എസ് പ്രവർത്തകൻ ജെറിൻ സുരേഷാണ് കസ്റ്റഡിയിലുളളത്. പ്രതിയെ വിവാഹദിവസമാണ് പൊലീസ് കസ്റ്റഡിയിലെടുത്തത്.

ഇന്ന് രാവിലെ വീട്ടിൽ നിന്നും വിവാഹത്തിന് പുറപ്പെടാൻ ഒരുങ്ങുമ്പോഴാണ് പൊലീസ് പിടികൂടിയത്. പിന്നാലെ ജെറിന്റെ ബന്ധുക്കൾ പളളൂർ പൊലീസ് സ്റ്റേഷന് മുന്നിൽ പ്രതിഷേധിക്കുകയാണ്.

കണിപ്പൊയിൽ ബാബുവിനെ വധിച്ചത് പുതുച്ചേരി പൊലീസ് സ്റ്റേഷൻ പരിധിയിലാണ്.  പ്രതികളെ പിടികൂടാൻ ഇതുവരെയും പുതുച്ചേരി പൊലീസിന് സാധിച്ചിട്ടില്ല. നാല് ആർഎസ്എസ് പ്രവർത്തകരുടെ ലുക്കൗട്ട് നോട്ടീസ് പൊലീസ് പുറത്തുവിട്ടിട്ടുണ്ട്.

അതേസമയം പ്രതികൾ പുതുച്ചേരി പൊലീസ് പരിധി വിട്ടതായും ഒളിവിലാണെന്നുമുളള സംശയമാണ് പൊലീസിനുളളത്. സംയുക്ത പൊലീസ് സംഘം അന്വേഷിക്കാത്തതിനാലാണ് കേസന്വേഷണം ഇഴയുന്നതെന്ന് ആരോപണമുണ്ട്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kanippoyil babu murder case rss worker in police custody

Next Story
‘പൊലീസിനും ശിശുപീഡകന്റെ മനോനില’; തിയേറ്റര്‍ പീഡനത്തെ അപലപിച്ച് സ്‌പീക്കര്‍പി.ശ്രീരാമകൃഷ്ണൻ, കേരള സ്പീക്കർ പി.ശ്രീരാമകൃഷ്ണൻ, പ്രതിപക്ഷം, Opposition, Kerala Speaker, Resolution
The moderation of comments is automated and not cleared manually by malayalam.indianexpress.com