scorecardresearch
Latest News

ഇടപെടൽ ചരിത്രപ്രാധാന്യമുളളത്; പൃഥിരാജിന് പിന്തുണയുമായി കെ.വേണു

വോട്ട് ബാങ്ക് സംരക്ഷിക്കാൻ കമ്യൂണിസ്റ്റൂകാർ ഫ്യൂഡൽ​സദാചാര മൂല്യങ്ങളുടെ സംരക്ഷകരായി മാറിയത് കേരളത്തെ പിന്നോട്ടടിച്ചു.

ഇടപെടൽ ചരിത്രപ്രാധാന്യമുളളത്; പൃഥിരാജിന് പിന്തുണയുമായി കെ.വേണു

കോഴിക്കോട്: സ്ത്രീകളെ അവഹേളിക്കുന്ന രംഗങ്ങളുളള സിനിമകളിൽ അഭിനയിക്കില്ലെന്ന് തീരുമാനം പ്രഖ്യാപിച്ചത് സന്ദർഭോചിതവും ധീരവുമാണ്, ചരിത്രപ്രധാനം എന്നു തന്നെ പറയാമെന്ന് കെ.വേണു. സമീപ ദിവസം നിന്ദ്യമായി അപമാനിക്കപ്പെട്ട പ്രമുഖ നടിയുടെ ധീരമായ ചെറുത്തുനിൽപ്പിന് മഞ്ജുവാര്യരെ പോലുള്ളവരോടൊപ്പം താങ്കളും ഉണ്ടായി​. ‘പൃഥീ, താങ്കളുടെ ഇടപെടൽ ചരിത്രപ്രധാനം’ എന്ന തലക്കെട്ടിൽ മാതൃഭൂമി ദിനപത്രത്തിലെ വായനക്കാരുടെ പ്രതികരണത്തിലാണ് വേണു പിന്തുണ പ്രഖ്യാപിച്ചത്. പല സിനിമകളും ചില സീരിയലുകളും കാണാനിടയാപ്പോൾ ഇവയുടെയെല്ലാം പിന്നിൽ പ്രവർത്തിക്കുന്ന തിരക്കഥാകൃത്തുക്കളും സംവിധായകരും ഇത്രമാത്രം സാമൂഹികവിരുദ്ധരാകുന്നത് എങ്ങനെയെന്ന് ആലോചിച്ചിട്ടുണ്ട്. സ്ത്രീ-പുരുഷ ബന്ധം ഉൾപ്പടെ തികച്ചും ഫ്യൂഡൽ എന്നുപറയാവുന്നതും പ്രകടമായും പുരുഷമേധാവിത്വപരമായ വീക്ഷണങ്ങളാണ് ഈ മാധ്യമങ്ങൾ ജനങ്ങളുടെ തലയിൽ അടിച്ചേൽപ്പിച്ചുകൊണ്ടിരിക്കുന്നത്.

രാഷ്ട്രീയമായും സാമൂഹികമായും ഏറെ മുന്നിലെത്തിയ കേരളത്തിൽ സ്ത്രീ-പുരുഷബന്ധങ്ങളും മറ്റും ഏറെ പിന്നാക്കവസ്ഥയിലായയതിന് കാരണമുണ്ട്. അധ്വാനിക്കുന്ന ജനവിഭാഗങ്ങളെ അണിനിരത്തിയ കമ്യൂണിസ്റ്റുകാരാണ് കേരളീയ സമൂഹത്തിന് പുരോഗമന മുഖം നൽകിയത് എന്നാൽ സ്ത്രീ-പുരുഷബന്ധത്തിന്റെ കാര്യത്തിൽ അവർ അത്തരമൊരു ഇടപെടൽ നടത്തിയില്ല. പുരുഷമേധാവിത്വത്തെ കുറിച്ച് ശാസ്ത്രീയ പഠനങ്ങൾ അവതരിപ്പിച്ച മാർക്സിന്റെയും ഏംഗൽസിന്റെയും നിലപാടുകൾ ഇവിടെ കമ്യൂണിസ്റ്റുകൾക്കിടിയിൽ ചർച്ച ചെയ്തില്ല. ആ വിഷയത്തിൽ തൊട്ടാൽ എതിരാളികൾ കുപ്രചരണം നടത്തുന്നത് തങ്ങളുടെ വോട്ട് ബാങ്കിനെ ബാധിക്കുമെന്ന് കരുതി ആ വിഷയം ഏറ്റെടുത്തില്ല. ഫലത്തിൽ​ തങ്ങൾക്കു സ്വാധീനമുളള നിലവിലുളള ഫ്യൂഡൽ സദാചാരമൂല്യങ്ങളുടെ സംരക്ഷകരായി കമ്യൂണിസ്റ്റുകാർ മാറി.

കേരള ജനസംഖ്യയിൽ പകുതിയോളം വരുന്ന ക്രിസ്ത്യൻ, മുസ്‌ലിം സമൂഹങ്ങൾ സ്ത്രീ – പുരുഷ ബന്ധത്തിന്റെ കാര്യത്തിൽ തങ്ങളുടെ ഫ്യൂഡൽ​ സദാചാര മൂല്യങ്ങൾ സംരക്ഷിക്കുന്നതിൽ അതിജാഗ്രത പുലർത്തകയും ചെയ്തു. സെമറ്റിക് മതങ്ങളുടെ ചട്ടക്കൂടില്ലാതിരുന്ന ഹിന്ദു സാമൂഹിക വിഭാഗങ്ങളിൽ അത്തരം ചട്ടക്കൂടകൾ സംഘടിപ്പിക്കാനുളള ശ്രമങ്ങളാണ് നടന്നുകൊണ്ടിരിക്കുന്നത്. സ്ത്രീ-പുരുഷ ബന്ധത്തിന്റെ കാര്യത്തിൽ ഇന്ത്യയിലെ മറ്റ് സംസ്ഥാനങ്ങളെ അപേക്ഷിച്ച് കേരളം പിന്നോട്ടു പോയതിന്റെ പശ്ചാത്തലം ഇതാണ്.

Stay updated with the latest news headlines and all the latest Kerala news download Indian Express Malayalam App.

Web Title: K venu support actor prithviraj actress attack kerala