Latest News
ചരിത്ര വിജയം ദീപം തെളിയിച്ച് ആഘോഷിച്ച് ഇടതുമുന്നണി
ആശങ്ക അകലുന്നില്ല; 38,460 പുതിയ കേസുകള്‍, 54 മരണം
ട്വന്റി 20 ലോകകപ്പ് ഇന്ത്യയില്‍ നടത്തുന്നത് സുരക്ഷിതമല്ല: പാറ്റ് കമ്മിന്‍സ്
കേരള സര്‍വകലാശാലയിലെ അധ്യാപക നിയമനങ്ങള്‍ ഹൈക്കോടതി റദ്ദാക്കി
ലോക്ക്ഡൗണ്‍ കാലത്ത് കേരളത്തില്‍ ആരും പട്ടിണി കിടക്കേണ്ടി വരില്ല: മുഖ്യമന്ത്രി
കര്‍ണാടകയില്‍ 10 മുതല്‍ സമ്പൂർണ ലോക്ക്ഡൗണ്‍
പൊലിസ് പാസിനുള്ള ഓണ്‍ലൈന്‍ സംവിധാനം നാളെ മുതല്‍

രാഹുൽ ഗാന്ധിക്കെതിരായ പ്രസ്‌താവന: മാപ്പ് പറഞ്ഞ് ജോയ്‌സ്, തള്ളി മുഖ്യമന്ത്രിയും സിപിഎമ്മും

രാഹുലിനെ വ്യക്തിപരമായി അധിക്ഷേപിക്കുന്ന സമീപനമല്ല തങ്ങളുടേതെന്ന് പിണറായി പറഞ്ഞു

തൊടുപുഴ: രാഹുൽ ഗാന്ധിക്കെതിരായ അധിക്ഷേപ പരാമർശത്തിൽ മുൻ ഇടത് എംപി ജോയ്‌സ് ജോർജ് ഖേദം പ്രകടിപ്പിച്ചു. പരാമർശം തെറ്റായിപ്പോയെന്നും പ്രസംഗം പിൻവലിക്കുന്നുവെന്നും ജോയ്‌സ് ജോർജ് പറഞ്ഞു. തന്റെ വാക്കുകൾ ആർക്കെങ്കിലും വിഷമം ഉണ്ടാക്കിയെങ്കിൽ ക്ഷമ ചോദിക്കുന്നുവെന്നും അദ്ദേഹം പറഞ്ഞു. കുമളി അണക്കരയിൽ സിപിഎം പൊളിറ്റ് ബ്യൂറോ അംഗം വൃന്ദാ കാരാട്ട് പങ്കെടുത്ത തിരഞ്ഞെടുപ്പ് പൊതുവേദിയിൽ വച്ചാണ് ജോയ്‌സ് മാപ്പ് പറഞ്ഞത്.

ജോയ്‌സിന്റെ പ്രസ്‌താവനയെ മുഖ്യമന്ത്രി പിണറായി വിജയനും സിപിഎമ്മും തള്ളി. രാഹുലിനെ വ്യക്തിപരമായി അധിക്ഷേപിക്കുന്ന സമീപനമല്ല തങ്ങളുടേതെന്ന് പിണറായി പറഞ്ഞു. ജോയ്‌സിന്റെ പ്രസ്‌താവനയോട് യോജിക്കുന്നില്ലെന്ന് സിപിഎം സംസ്ഥാന സെക്രട്ടറിയേറ്റ് പ്രസ്‌താവനയിൽ അറിയിച്ചു. രാഹുല്‍ ഗാന്ധിയുടെയും കോണ്‍ഗ്രസിന്റെയും രാഷ്ട്രീയ നിലപാടുകളെയാണ് സിപിഎം എതിര്‍ക്കുന്നത്. അത്തരം രാഷ്ട്രീയ വിമര്‍ശനങ്ങളില്‍നിന്ന് ശ്രദ്ധ തിരിച്ചുവിടാന്‍ മാത്രമേ വ്യക്തിപരമായ ഇത്തരം പരാമര്‍ശങ്ങള്‍ സഹായിക്കുകയുള്ളൂ. ഇത്തരത്തിലുള്ള പരാമര്‍ശങ്ങള്‍ ആരുടെ ഭാഗത്തുനിന്നും ഉണ്ടാകാന്‍ പാടില്ലെന്നും പ്രസ്താവനയില്‍ പറയുന്നു.

തിരഞ്ഞെടുപ്പ് പ്രചാരണത്തിനു വിദ്യാലയങ്ങളിൽ പോകുന്ന രാഹുൽ ഗാന്ധി പെൺകുട്ടികളെ വളഞ്ഞു നിൽക്കാനും കുനിഞ്ഞു നിൽക്കാനുമൊക്കെ പഠിപ്പിക്കും. രാഹുൽ ഗാന്ധിയുടെ മുന്നിൽ വളഞ്ഞും കുനിഞ്ഞും നിൽക്കരുത്. അയാൾ കല്യാണം കഴിച്ചിട്ടില്ലെന്നുമാണ് ജോയ്‌സ് ജോർജ് പ്രസംഗിച്ചത്. ജോയ്‌സിനെ അറസ്റ്റ് ചെയ്യണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടിട്ടുണ്ട്.

Read also: രാഹുല്‍ ഗാന്ധി അക്കിഡൊ ഗുരുവായി, ഏഴുപേരെ ഒറ്റയ്ക്ക് പ്രതിരോധിച്ച് സെന്റ് തെരേസാസ് വിദ്യാര്‍ത്ഥിനി

ഇടുക്കി ജില്ലയിലെ ഇരട്ടയാറിൽ എൽഡിഎഫ് പ്രചാരണ യോഗത്തിൽ സംസാരിക്കുമ്പോഴാണ് രാഹുൽ ഗാന്ധിക്കെതിരെ ജോയ്സ് ജോർജ് അധിക്ഷേപ പരാമർശം നടത്തിയത്. മന്ത്രി എം.എം.മണി അടക്കമുള്ളവർ വേദിയിലുണ്ടായിരുന്നു. വേദിയിലും സദസിലുമുള്ളവർ ജോയ്‌സ് ജോർജിന്റെ പ്രസംഗത്തെ ചിരിച്ചും കൈയടിച്ചും പിന്തുണയ്‌ക്കുകയായിരുന്നു.

തിരഞ്ഞെടുപ്പ് പ്രചാരണത്തിന്റെ ഭാഗമായി സ്‌കൂളുകളിലും കോളേജുകളിലും സന്ദർശനം നടത്തുന്ന രാഹുൽ ഗാന്ധി വിദ്യാർഥികളെ ചില അഭ്യാസമുറകൾ പഠിപ്പിക്കാറുണ്ട്. എറണാകുളം സെന്റ് തെരേസാസ് കോളേജിൽ എത്തിയ രാഹുൽ ഗാന്ധി വിദ്യാർഥിനികൾക്ക് അക്കിഡൊ അഭ്യാസമുറകൾ പഠിപ്പിച്ചുകൊടുക്കുന്നതിന്റെ വീഡിയോ സോഷ്യൽ മീഡിയയിൽ ശ്രദ്ധിക്കപ്പെട്ടിരുന്നു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Joice george against rahul gandhi

Next Story
ഇന്ധന വില താഴേക്ക്; പുതിയ നിരക്കുകള്‍Petrol price, പെട്രോള്‍ വില, Diesel price, ഡീസല്‍ വില, petrol price hike, diesel price hike, ഇന്ധനവില വര്‍ദ്ധിക്കുന്നു, petrol diesel new rate, പെട്രോള്‍ ഡീസല്‍ പുതിയ നിരക്ക്, Indian Express Malayalam, ഇന്ത്യന്‍ എക്സ്പ്രസ് മലയാളം, IE Malayalam, ഐഇ മലയാളം
The moderation of comments is automated and not cleared manually by malayalam.indianexpress.com
Best of Express