ജിഷ്‌ണു പ്രണോയ് കേസ്; സിബിഐ സംഘം മൊഴിയെടുത്തു

ജിഷ്ണുവിന്റെ മൃതദേഹത്തിൽ പലയിടത്തായി മുറിവുകളുണ്ടായിരുന്നുവെന്ന് മൃതദേഹം നേരിൽ കണ്ടവർ സിബിഐ സംഘത്തോട് പറഞ്ഞിട്ടുണ്ട്

Jishnu's mother Mahija, Police violence against jishnu's mother, ജിഷ്ണുവിന്റെ അമ്മ മഹിജ, ജിഷ്ണുവിന്റെ അമ്മയ്ക്കെതിരായ പൊലീസ് അതിക്രമം

നാ​ദാ​പു​രം: പാമ്പാടി നെഹ്റു കോളേജിൽ ദുരൂഹ സാഹചര്യത്തിൽ ആത്മഹത്യ ചെയ്ത നിലയിൽ കണ്ടെത്തിയ ജിഷ്ണു പ്രണോയിയുടെ മരണവുമായി ബന്ധപ്പെട്ട കേസിൽ സിബിഐ സംഘം മൊഴിയെടുത്തു. നാദാപുരത്ത് ക്യാംപ് ചെയ്താണ് സംഘം അന്വേഷണം നടത്തുന്നത്.

ജിഷ്ണുവിന്റെ കുടുംബാംഗങ്ങൾ, സുഹൃത്തുക്കൾ, നാട്ടുകാർ തുടങ്ങിയവരിൽ നിന്ന് സംഘം മൊഴിയെടുത്തിട്ടുണ്ട്. ജിഷ്ണു പ്രണോയ് പഠിച്ചിരുന്ന പേരോട് എംഐഎം ഹയർ സെക്കന്ററി സ്കൂളിലും സഘമെത്തി.

ജിഷ്ണുവിന്റെ മൃതദേഹം നേരിൽ കണ്ടവർ മൃതദേഹത്തിൽ പലയിടത്തായി മുറിവുകളുണ്ടായിരുന്നുവെന്ന് സിബിഐ സംഘത്തോട് പറഞ്ഞിട്ടുണ്ട്. ജി​ഷ്ണു​വി​ന്‍റ മൃ​ത​ദേ​ഹം അ​വ​സാ​ന​മാ​യി ക​ണ്ട ബ​ന്ധു​വും ഡോ​ക്ട​റു​മാ​യ ജ​സി സു​ജി​തി​ന്‍റെ കു​റ്റ്യാ​ടി ന​രി​ക്കൂ​ട്ടം ചാ​ലി​ലെ വീ​ട്ടി​ൽ സിബിഐ സംഘം എത്തി.

അതേസമയം ജിഷ്ണുവിന്റെ അച്ഛന് ലഭിച്ച ഭീഷണിക്കത്തുകൾ, ഫോൺ കോളുകൾ എന്നിവ സംബന്ധിച്ചും സിബിഐ സംഘം അന്വേഷിക്കുന്നുണ്ട്. ഇക്കാര്യങ്ങളെ കുറിച്ചും സിബിഐ സംഘം വിവരങ്ങൾ തേടിയിട്ടുണ്ട്. ഇനി പാമ്പാടി നെഹ്റു കോളേജിലെ അദ്ധ്യാപകർ-വിദ്യാർത്ഥികൾ, ജിഷ്ണുവിന്റെ സഹപാഠികൾ എന്നിവരോട് സിബിഐ സംഘം വിവരങ്ങൾ ആരായും.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Jishnu pranoy death case cbi investigation team took statement from relatives and friends

Next Story
സംഘപരിവാർ ഭീഷണി: എസ്. ഹരീഷ് നോവൽ പിൻവലിച്ചുs hareesh withdraw his novel meesha
The moderation of comments is automated and not cleared manually by malayalam.indianexpress.com