ജിഷ വധക്കേസ്: പ്രതി അമീറുള്‍ ഇസ്ലാമിന് തൂക്കുകയര്‍

എട്ട്മാസം നീണ്ട വിചാരണ പൂർത്തിയാക്കിയാണ് ഇന്ന് കേസിൽ ശിക്ഷ വിധിക്കുന്നത്

കൊച്ചി: ജിഷ വധക്കേസില്‍ പ്രതി അമീറുള്‍ ഇസ്ലാമിന് വധശിക്ഷ. എറണാകുളം പ്രിന്‍സിപ്പല്‍ സെഷന്‍സ് കോടതിയാണ് പരമാവധി ശിക്ഷയായ വധശിക്ഷ വിധിച്ചത്. കുറ്റവാളി ദയ അര്‍ഹിക്കുന്നില്ലെന്നും വധശിക്ഷ തന്നെ നല്‍കണമെന്നുമുളള പ്രോസിക്യൂഷന്‍ വാദം കോടതി അംഗീകരിച്ചു.

എട്ട്മാസം നീണ്ട വിചാരണ പൂർത്തിയാക്കിയാണ് ഇന്ന് കേസിൽ ശിക്ഷ വിധിച്ചത്. ഇ​ന്ത്യ​ൻ ശി​ക്ഷാ​നി​യ​മത്തിലെ കൊ​ല​പാ​ത​കം, ബലാൽസംഗം, പീഡനത്തിനായി ആയുധം ഉപയോഗിച്ച് പരുക്കേൽപിക്കൽ, അ​ന്യാ​യ​മാ​യി ത​ട​ഞ്ഞു​വയ്​ക്കു​ക, വീ​ട്ടി​ൽ അ​തിക്ര​മി​ച്ചു​ ക​ട​ക്കു​ക എ​ന്നീ കു​റ്റ​ങ്ങളാണ്​ പ്രതിക്കെതിരെ തെളിഞ്ഞിട്ടുള്ളത്.

പ്രതിരോധിക്കാൻ ശ്രമിച്ച ജിഷയെ പ്രതി തടഞ്ഞുവച്ച്​ കൊലപ്പെടുത്തുകയായിരുന്നെന്നാണ് കോടതി കണ്ടെത്തിയത്. വീട്ടിൽ അതിക്രമിച്ച്​ കടന്നത്​ എന്തെങ്കിലും നല്ല കാര്യത്തിനാണെന്ന്​ തെളിയിക്കാൻ പ്രതിഭാഗത്തിനായിട്ടില്ല. ഈ സാഹചര്യത്തിൽ വീട്ടിൽ അതിക്രമിച്ച്​ കടന്ന പ്രതി കൊലപാതകവും പീഡനവും നടത്തിയതായി സംശയാതീതമായി തെളിയിക്കപ്പെട്ടതായി 346 പേജുള്ള വിധി ന്യായത്തിൽ പറയുന്നു.

Read More: ക്രൂരകൃത്യത്തിന് കൂലി കൊലക്കയർ; മുഖ്യമന്ത്രിയുടെ പ്രതികരണം ഇങ്ങനെ

ഇ​​​ന്ത്യ​​​ൻ ശി​​​ക്ഷാ​​​നി​​​യ​​​മം 302 (കൊ​​​ല​​​പാ​​​ത​​​കം), 376 എ (​​ആ​​​യു​​​ധ​​മു​​പ​​​യോ​​​ഗി​​​ച്ചു സ്വ​​​കാ​​​ര്യ​​ഭാ​​​ഗ​​​ത്തു പ​​​രി​​​ക്കേ​​ല്​​​പി​​​ക്ക​​​ൽ), 376 (ബ​​​ലാ​​​ത്സം​​​ഗം), 342 (അ​​​ന്യാ​​​യ​​​മാ​​​യി ത​​​ട​​​ഞ്ഞു​​വ​​യ്​​​ക്കു​​​ക), 449 (വീ​​​ട്ടി​​​ൽ അ​​​തി​​​ക്ര​​​മി​​​ച്ചു ക​​​ട​​​ക്കു​​​ക) എന്നീ വകുപ്പുകളിലാണ് പ്രതിക്ക് ശിക്ഷ വിധിച്ചിരിക്കുന്നത്. ബലാത്സംഗം ചെയ്തു കൊലപ്പെടുത്തിയതിനാണ് പരമാവധി ശിക്ഷ കോടതി വിധിച്ചത്. ശേഷിക്കുന്ന കുറ്റങ്ങൾക്ക് തടവും പിഴയും കോടതി വിധിച്ചിട്ടുണ്ട്.

പ്രതിഭാഗത്തിന്റെ വാദം നീണ്ടതോടെയാണ് വിധി ഇന്നത്തേക്ക് മാറ്റിവെച്ചത്. തുടരന്വേഷണം ആവശ്യപ്പെട്ടുളള പ്രതി അമീറുൽ ഇ‍സ്‍ലാമിന്‍റെ ഹര്‍ജി എറണാകുളം പ്രിന്‍സിപ്പല്‍ സെഷന്‍സ് കോടതി ഇന്നലെ തളളിയിരുന്നു. കേന്ദ്ര ഏജന്‍സി അന്വേഷിക്കണം എന്നായിരുന്നു അമീറുളിന്റെ ആവശ്യം.

കോ​​ട​​തി​​യു​​ടെ ഏ​​റ്റ​​വും പി​​ന്നി​​ലെ പ്ര​​തി​​ക്കൂ​​ട്ടി​​ൽ​​നി​​ന്ന പ്ര​​തി​​യെ ജ​​ഡ്​​​ജി​​യു​​ടെ ഇ​​രി​​പ്പി​​ട​​ത്തി​​ന്​ മു​​ന്നി​​ലേ​​ക്ക്​ വി​​ളി​​പ്പി​​ച്ചാ​​ണ്​ വി​​ധി പ​​റ​​ഞ്ഞു​​തു​​ട​​ങ്ങി​​യ​​ത്. ദ്വി​​ഭാ​​ഷി​​യു​​ടെ സ​​ഹാ​​യ​​ത്താ​​ൽ കു​​റ്റം മു​​ഴു​​വ​​ൻ കേ​​ട്ട പ്ര​​തി താ​​ൻ ഒ​​രു തെ​​റ്റും ചെ​​യ്​​​തി​​ട്ടി​​ല്ലെ​​ന്നും ത​​ന്നെ പൊ​​ലീ​​സ്​ പി​​ടി​​ച്ചു​​കൊ​​ണ്ടു​​വ​​രു​​ക​​യാ​​യി​​രു​​ന്നെ​​ന്നും ബോ​​ധി​​പ്പി​​ച്ചു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Jisha murder case court pronounce verdict today

Next Story
കേരളത്തെ ഞെട്ടിച്ച ചോരമണക്കുന്ന കൊലപാതകത്തിന്റെ നാൾവഴികള്‍
The moderation of comments is automated and not cleared manually by malayalam.indianexpress.com
Best of Express