Latest News
രാജ്യത്ത പ്രതിദിന കേസുകളില്‍ വന്‍ കുതിച്ചുചാട്ടം; മൂന്ന് ലക്ഷത്തിനടുത്ത്

ജസ്‌ന കേസിൽ സിബിഐ; ഹർജി കേരള ഹൈക്കോടതി ഇന്ന് പരിഗണിക്കും

കഴിഞ്ഞ മാർച്ച് 22നാണ് ജസ്നയെ കാണാതായത്. ഐജി മനോജ് എബ്രഹാമിന്റെ നേതൃത്വത്തിൽ അന്വേഷിച്ച പൊലീസ് സംഘത്തിന് ഒന്നും കണ്ടെത്താനായില്ല

jasna,ജസ്ന, ie malayalam, ഐഇ മലയാളം

കൊച്ചി: പത്തനംതിട്ട ജില്ലയിലെ മുക്കൂട്ട്തറയിൽ നിന്ന് കാണാതായ ജസ്നയെ കണ്ടെത്താൻ അന്വേഷണം സിബിഐക്ക് വിടണമെന്ന ഹർജി ഇന്ന് പരിഗണിക്കും. കേരള ഹൈക്കോടതിയാണ് കേസ് പരിഗണിക്കുന്നത്.

കേസിൽ പൊലീസ് അന്വേഷണം എങ്ങുമെത്താത്ത സാഹചര്യത്തിലാണ് ഹൈക്കോടതിയിൽ സിബിഐ അന്വേഷണം എന്ന ആവശ്യവുമായി കുടുംബം എത്തിയത്. ജസ്നയുടെ സഹോദരനാണ് ഹർജി സമർപ്പിച്ചത്.

ഐജി മനോജ് എബ്രഹാമിന്‍റെ കീഴിൽ 3 ഡിവൈഎസ്പിമാരും 30 ൽ അധികം പൊലീസ് ഉദ്യോഗസ്ഥരും ചേർന്നാണ് ജസ്നയുടെ തിരോധാനം അന്വേഷിച്ചത്. സംസ്ഥാനത്തിന് അകത്തും പുറത്തും അന്വേഷണം നടത്തിയെങ്കിലും ഒരു തുമ്പും പൊലീസിന് ലഭിച്ചില്ല.

അടിമാലിയിൽ നിന്ന് ടാക്സി വിളിച്ച യുവാവിനൊപ്പമുണ്ടായിരുന്ന പെൺകുട്ടി ജസ്നയാണെന്ന് സംശയിക്കുന്നതായി ടാക്സി ഡ്രൈവർ മൊഴി നൽകിയിരുന്നു. പരിശോധന നടത്തിയെങ്കിലും ഒന്നും കണ്ടെത്താനായില്ല. പിന്നീട് മുണ്ടക്കയത്ത് കടയുടെ സിസിടിവി ദൃശ്യത്തിൽ കണ്ടെത്തിയത് ജസ്നയാണെന്ന് പൊലീസ് പറഞ്ഞെങ്കിലും മുഖസാദൃശ്യമുളള മറ്റൊരു പെൺകുട്ടിയാണ് ഇതെന്ന് വാദമുയർന്നു.

എന്നാൽ ഈ പെൺകുട്ടിയല്ല ജസ്ന തന്നെയാണ് സിസിടിവിയിൽ കണ്ടതെന്നാണ് പൊലീസിന്റെ ഇപ്പോഴത്തെ നിഗമനം. അടുത്തിടെ ഇടുക്കിയിൽ നിന്ന് കണ്ടെത്തിയ സ്ത്രീയുടേതെന്ന് കരുതുന്ന മൃതദേഹാവശിഷ്ടങ്ങൾ ഡിഎൻഎ പരിശോധനയ്ക്ക് അയച്ചിട്ടുണ്ട്.

മാർച്ച് 22 നായിരുന്നു കാഞ്ഞിരപ്പള്ളി സെന്‍റ്  ഡൊമനിക് കോളേജ് വിദ്യാ‍ത്ഥിനി ജസ്നയെ കാണാതായത്. നാല് മാസമായി തുടരുന്ന അന്വേഷണത്തിന്റെ വിശദ വിവരങ്ങൾ പൊലീസ് സംഘം ഇന്ന് ഹൈക്കോടതിയിൽ സമർപ്പിക്കും.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Jesna missing case cbi inquiry plea kerala high court157840

Next Story
ഇടുക്കി അണക്കെട്ടിലെ ജലനിരപ്പ് വീണ്ടുമുയർന്ന് 2396.08 അടിയിലെത്തിidukki arch dam
The moderation of comments is automated and not cleared manually by malayalam.indianexpress.com