കൊച്ചി: ജനസേവാ ശിശുഭവൻ ചെയർമാൻ ജോസ് മാവേലി അറസ്റ്റിൽ. ജനസേവാ ശിശുഭവനിലെ പീഡന വിവരം മറച്ചുവച്ചതിനാണ് അറസ്റ്റ്. ക്രൈംബ്രാഞ്ചാണ് അറസ്റ്റ് ചെയ്തത്. കൊച്ചിയിലെ ക്രൈംബ്രാഞ്ചിന്റെ ഓഫിസിലേക്ക് വിളിച്ചു വരുത്തിയശേഷമായിരുന്നു അറസ്റ്റ് രേഖപ്പെടുത്തിയത്. ഇയാൾക്കെതിരെ പോക്സോ കുറ്റം ചുമത്തി.

കുട്ടികളെ പീഡിപ്പിച്ചതിന് മുൻ അന്തേവാസിയെയും അറസ്റ്റ് ചെയ്തു. അഞ്ചു കുട്ടികളെയാണ് ഇയാൾ പീഡിപ്പിച്ചത്. പരാതി മറച്ചുവച്ചതിന് കംപ്യൂട്ടർ അധ്യാപകൻ റോബിനെയും അറസ്റ്റ് ചെയ്തു.

ജനസേവാ ശിശുഭവനിലെ അഞ്ചു കുട്ടികളെയാണ് അവിടെയുണ്ടായിരുന്ന അന്തേവാസി പീഡിപ്പിച്ചത്. ഒന്നര വർഷം മുൻപായിരുന്നു സംഭവം. പീഡനവിവരം കുട്ടികൾ തന്നെ ജോസ് മാവേലിയോട് പറയുകയുണ്ടായി. എന്നാൽ ജോസ് മാവേലി നടപടികൾ സ്വീകരിക്കാതെ ഇക്കാര്യം മറച്ചുവയ്ക്കുകയായിരുന്നു.

പീഡനവവിവരം അറിഞ്ഞിട്ടും ചെയർമാനായ ജോസ് മാവേലി നിയമ നടപടികളിലേക്ക് കടന്നില്ലെന്നാണ് ക്രൈംബ്രാഞ്ച് കണ്ടെത്തിയിട്ടുളളത്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.