Latest News

പദവി സംബന്ധിച്ച് വ്യക്തതതേടി ജേക്കബ് തോമസ് സർക്കാരിന് കത്തയച്ചു

താൻ ഏത് പദവിയിലാണ് റിപ്പോര്‍ട്ട് ചെയ്യേണ്ടതെന്ന് സര്‍ക്കാര്‍ വ്യക്തമാക്കണന്ന് ജേക്കബ് തോമസ്

jacob thomas, vigilance director

തിരുവനന്തപുരം: തന്റെ പദവി സംബന്ധിച്ച് വ്യക്തതേടി ജേക്കബ് തോമസ് ഐഎഎസ് സംസ്ഥാന സർക്കാരിന് കത്തയച്ചു. താൻ ഏത് പദവിയിലാണ് റിപ്പോര്‍ട്ട് ചെയ്യേണ്ടതെന്ന് സര്‍ക്കാര്‍ വ്യക്തമാക്കണമെന്നാണ് കത്തിലെ ആവശ്യം. വിജിലന്‍സ് ഡയറ്കടര്‍ സ്ഥാനത്തുനിന്ന് മാറ്റിയെന്നതിന് ഇതുവരെ തനിക്ക് അറിയിപ്പ് ലഭിച്ചിട്ടില്ലെന്നും കത്തിൽ സൂചിപ്പിച്ചിട്ടുണ്ടെന്നാണ് വിവരം. അവധി കഴിഞ്ഞ് തിങ്കളാഴ്ചയായിരിക്കും ജേക്കബ് തോമസ് ജോലിയിലേക്ക് തിരിച്ചെത്തും.

ആദ്യം ഒരുമാസത്തെ അവധിക്ക് അപേക്ഷിച്ചിരുന്ന ജേക്കബ് തോമസ്, പിന്നീട് അവധി നീട്ടിയെടുക്കുകയായിരുന്നു. വിജിലൻസിന് എതിരെ ഹൈക്കോടതിയിൽ തുടർച്ചയായി വിമർശനങ്ങൾ ഉണ്ടായ പശ്ചാത്തലത്തിലാണ് ജേക്കബ് തോമസ് അവധിയിൽ പ്രവേശിച്ചത്. സർക്കാർ നിർദ്ദേശ പ്രകാരമാണ് ജേക്കബ് തോമസ് നിർബന്ധിത അവധിയിൽ പ്രവേശിച്ചത്. പൊലീസ് മേധാവിയായി ടി.പി സെൻകുമാർ തിരിച്ചു വന്നതോടെ ലോക്നാഥ് ബെഹ്റയെ വിജിലൻസ് ഡയറക്ടറായി നിയമിച്ചിരുന്നു. ജേക്കബ് തോമസ് അവധി കഴിഞ്ഞ് തിരിച്ചെത്തുമ്പോൾ എന്ത് പദവി നൽകുമെന്ന് സർക്കാർ ഇതുവരെ തീരുമാനിച്ചിട്ടില്ല.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Jacob thomas send letter to chief secretary for clarity about his post

Next Story
ഇന്നത്തെ ദിവസത്തിന് അതിമനോഹരമായ ഇളംനീല: മഞ്ജു വാര്യര്‍
The moderation of comments is automated and not cleared manually by malayalam.indianexpress.com
X