കായംകുളത്ത് തീവണ്ടി അട്ടിമറിക്കാൻ ശ്രമം; രക്ഷപ്പെട്ടത് തലനാരിഴയ്ക്ക്

ഇന്നലെ വൈകിട്ടാണ് സംഭവം. പാളത്തിന് സമീപത്തെ സിഗ്നൽ ബോക്സാണ് പാളത്തിൽ എടുത്തുവച്ചത്

Indian Railway, ഇന്ത്യൻ റയിൽവേ, സ്വകാര്യ നിക്ഷേപം, private investment, PPP inn Indian Railway, റയിൽവേയിലെ സ്വകാര്യ നിക്ഷേപം

കൊച്ചി: കായംകുളത്ത് ഇരുമ്പ് കൊണ്ടുള്ള പെട്ടി വച്ച് തീവണ്ടി അപകടം ഉണ്ടാക്കാൻ മനപ്പൂർവ്വം ശ്രമിച്ചതായി റിപ്പോർട്ട്. എറണാകുളം – തിരുവനന്തപുരം റൂട്ടിൽ കായംകുളം ഭാഗത്താണ് അപകടത്തിനുള്ള ശ്രമം നടന്നത്. ഭാരമേറിയ ഇരുമ്പ് സിഗ്നൽ പെട്ടിയാണിത്.

ശനിയാഴ്ച വൈകിട്ട് ഏഴ് മണിയോടെ ചേരാവള്ളി ലെവൽക്രോസിന് സമീപം തിരുവനന്തപുരം-ചൈന്നെ എക്സ്പ്രസാണ് അപകടത്തിൽപെട്ടത്. പാളത്തോട് ചേർന്ന് സ്ഥാപിച്ച ഇരുമ്പ് പെട്ടിയ്ക്ക് മുകളിൽ തീവണ്ടി കയറിയപ്പോൾ തന്നെ ഉഗ്രശബ്ദത്തോടെ ഇത് പൊട്ടിതെറിച്ച് ചിന്നിച്ചിതറി.

പാളത്തിന് അരികിൽ സ്ഥാപിക്കാറുള്ള ഇരുമ്പ് കൊണ്ടുള്ള പെട്ടിയാണ് പാളത്തിലേക്ക് എടുത്ത് വച്ചത്. ഒരാൾക്ക് ഒറ്റയ്ക്ക് എടുത്ത് ഉയർത്താൻ സാധിക്കുന്നതല്ല പെട്ടിയെന്നാണ് റിപ്പോർട്ട്. 80 കിലോയോളം ഭാരമാണ് ഈ സിഗ്നൽ പെട്ടിക്കുള്ളത്.

ഇന്നലെ രാത്രി റിപ്പോർട്ട് ചെയ്യപ്പെട്ട സംഭവത്തെ കുറിച്ച് അന്വേഷിക്കാൻ കൂടുതൽ ഉന്നത പൊലീസ് ഉദ്യോഗസ്ഥർ സ്ഥലത്തേക്ക് എത്തുന്നുണ്ട്. ഇന്നലെ രാത്രി തന്നെ റയിൽവേ പൊലീസ് സിഐ മീനയുടെ നേതൃത്വത്തിൽ സ്ഥലത്ത് പരിശോധന നടത്തിയിരുന്നു. പരിശോധനയ്ക്ക് ശേഷം സിഗ്നൽ ബോക്സിന്റെ ഭാഗങ്ങൾ കായംകുളം പൊലീസ് സ്റ്റേഷനിലേക്ക് മാറ്റി.

Web Title: Iron box put on railway track in kerala inquiry started

Next Story
കാവ്യ മാധവന്റെ വീട്ടിലും പൊലീസെത്തി; ആളില്ലാത്തതിനാൽ പരിശോധന നടത്താതെ മടങ്ങിSIT, Special Investigtion Team, പ്രത്യേക അന്വേഷണ സംഘം, Dileep, Kavya Madhavan, Actress abduction Case, Bhavana, Actress bhavana case, Kerala Crime, Indian Express Malayalam, IE Malayalam
The moderation of comments is automated and not cleared manually by malayalam.indianexpress.com