scorecardresearch
Latest News

പുതുവൈപ്പ് ഐഒസി പ്ലാന്റ്; ജനങ്ങളുടെ ആശങ്കകൾ ന്യായമെന്ന് ഐഒസി സമിതി

വിദഗ്‌ധ സമിതി റിപ്പോർട്ട് അംഗീകരിക്കാനാവില്ലെന്ന് ഐഒസി സമര സമിതി

കൊ​ച്ചി: പു​തു​വൈ​പ്പ് ഐ​ഒ​സി പ്ലാ​ന്‍റു​മാ​യി ബ​ന്ധ​പ്പെ​ട്ട് ജ​ന​ങ്ങ​ൾ ഉ​ന്ന​യി​ക്കു​ന്ന ആ​ശ​ങ്ക​ക​ൾ ന്യാ​യ​മാ​ണെ​ന്ന് വി​ദ​ഗ്ധ സ​മി​തിയുടെ റിപ്പോർട്ട്. ഡോ. ​എ​ൻ.പൂ​ർ​ണ ച​ന്ദ്ര റാ​വു അ​ധ്യ​ക്ഷ​നാ​യി സംസ്ഥാന സർക്കാർ നിയമിച്ച വി​ദ​ഗ്ധ സ​മി​തി​യു​ടേ​താ​ണ് റി​പ്പോ​ർ​ട്ട്. സമിതി സമർപ്പിച്ച റിപ്പോർട്ട് സംസ്ഥാന സർക്കാർ ദേശീയ ഹരിത ട്രൈബ്യൂണലിന് കൈമാറി.

റി​പ്പോ​ർ​ട്ട് സ​ർ​ക്കാ​രി​നു സ​മ​ർ​പ്പി​ക്കു​ക​യും സ​ർ​ക്കാ​ർ ഹ​രി​ത ട്രൈ​ബ്യൂ​ണ​ലി​നു കൈമാറുകയും ചെയ്തു. ഐഒസി അനുമതി വാങ്ങിയപ്പോൾ ഉറപ്പു പറഞ്ഞ പല നിബന്ധനകളും പാലിച്ചില്ലെന്ന് വിദഗ്‌ധ സമിതി റിപ്പോർട്ടിൽ ചൂണ്ടിക്കാട്ടി. വേലിയേറ്റ മേഖലയിൽ നിന്ന് പാലിക്കേണ്ട 200-300 മീറ്റർ ദൂരം പാലിച്ചില്ലെന്ന് വിദഗ്‌ധ സമിതി ചൂണ്ടിക്കാട്ടി. പാരിസ്ഥിതിക നിബന്ധന ലംഘിക്കപ്പെട്ടതായി ഇതോടെ വ്യക്തമായി. ഇവിടെ ഐഒസി പണിത തീര മതിൽ പൊളിക്കണമെന്നും പകരം മണൽഭിത്തി പരിശോധിക്കണമെന്നും സമിതി ആവശ്യപ്പെട്ടിട്ടുണ്ട്. പ്ലാന്റ് നിർമ്മാണം മേൽനോട്ടം വഹിക്കാൻ വിദഗ്‌ധ സമിതിയെ നിയോഗിക്കണമെന്നും റിപ്പോർട്ടിൽ നിർദ്ദേശിച്ചിട്ടുണ്ട്.

അതേസമയം, പ്ലാന്റ് പുതുവൈപ്പിൽ വേണ്ടെന്ന നിലപാടാണ് സമര സമിതിയുടേത്. സർക്കാർ നിയോഗിച്ച സമിതിയുടെ കണ്ടെത്തലും നിർദ്ദേശങ്ങളും അംഗീകരിക്കാനാവില്ലെന്ന് സമര സമിതി പ്രതിനിധികൾ മാധ്യമപ്രവർത്തകരോട് പറഞ്ഞു.

Stay updated with the latest news headlines and all the latest Kerala news download Indian Express Malayalam App.

Web Title: Ioc plant puthuvype n poornachandra rao committee report submitted

Best of Express