scorecardresearch
Latest News

ആറ്റിങ്ങലിൽ അച്ഛനെയും മകളെയും അപമാനിച്ച സംഭവം: പിങ്ക് പൊലീസ് ഉദ്യോഗസ്ഥയ്ക്ക് സ്ഥലം മാറ്റം

പിങ്ക് പൊലീസ് പട്രോളിൽ നിന്ന് കൊല്ലം സിറ്റിയിലേക്കാണ് ഉദ്യോഗസ്ഥയെ സ്ഥലം മാറ്റിയത്

ആറ്റിങ്ങലിൽ അച്ഛനെയും മകളെയും അപമാനിച്ച സംഭവം: പിങ്ക് പൊലീസ് ഉദ്യോഗസ്ഥയ്ക്ക് സ്ഥലം മാറ്റം

തിരുവനന്തപുരം: മോഷണക്കുറ്റം ആരോപിച്ച് ആറ്റിങ്ങലിൽ അച്ഛനെയും മകളെയും അപമാനിച്ച സംഭവത്തിൽ പൊലീസ് ഉദ്യോഗസ്ഥയെ പിങ്ക് പോലീസ് പട്രോളിൽ നിന്നും സ്ഥലം മാറ്റിയതായി പൊലീസ് അറിയിച്ചു. പിങ്ക് പൊലീസ് പട്രോളിൽ നിന്ന് കൊല്ലം സിറ്റിയിലേക്കാണ് ഉദ്യോഗസ്ഥയെ സ്ഥലം മാറ്റിയത്.

Read More: പോലീസ് ക്ലിയറന്‍സ്, പാസ്പോര്‍ട്ട് വെരിഫിക്കേഷന്‍ അപേക്ഷകളില്‍ കാലതാമസം പാടില്ലെന്ന് ഡിജിപി

സംസ്ഥാന പോലീസ് മേധാവി അനി കാന്തിന്റെ നിര്‍ദേശ പ്രകാരം തിരുവനന്തപുരം റേഞ്ച് ഡി.ഐ.ജി സഞ്ജയ് കുമാര്‍ ഗുരുഡിന്‍ ആണ് ഉത്തരവ് പുറപ്പെടുവിച്ചത്. രജിത എന്ന പോലീസ് ഉദ്യോഗസ്ഥ 15 ദിവസത്തെ പരിശീലനം പൂര്‍ത്തിയാക്കണമെന്നും നിര്‍ദേശിച്ചിട്ടുണ്ടെന്ന് പൊലീസ് അറിയിച്ചു.

സംഭവത്തെക്കുറിച്ച് തിരുവനന്തപുരം റൂറൽ ജില്ലാ പോലീസ് മേധാവി അന്വേഷിച്ച് നൽകിയ റിപ്പോര്‍ട്ടിന്റെ അടിസ്ഥാനത്തിലാണ് നടപടിയെന്ന് പൊലീസ് വാർത്താക്കുറിപ്പിൽ പറഞ്ഞു. കുറ്റം ആരോപിക്കപ്പെട്ട വ്യക്തി തെറ്റ് ചെയ്തില്ലെന്ന് വ്യക്തമായ സാഹചര്യത്തിൽ വനിത പോലീസ് ഉദ്യോഗസ്ഥ അദ്ദേഹത്തോട് ക്ഷമ ചോദിക്കണമായിരുന്നുവെന്നും അത് സംഭവിച്ചില്ലെന്നും ഉത്തരവി വ്യക്തമാക്കിയതായും വാർത്താക്കുറിപ്പിൽ പറയുന്നു.

Stay updated with the latest news headlines and all the latest Kerala news download Indian Express Malayalam App.

Web Title: Insult against father and daughter in attingal pink police officer transfer

Best of Express