scorecardresearch
Latest News

കോവിഡാനന്തര ചികിത്സയ്ക്ക് ഫീസ് വാങ്ങുന്നതിനെതിരെ ഹൈക്കോടതി

ഓഗസ്റ്റ് 16ന് പുറപ്പെടുവിച്ച ഉത്തരവ് പിന്‍വലിക്കുന്നതാവും ഉചിതമെന്നു ഡിവിഷന്‍ ബഞ്ച്

removal of illegal hoardings from roads, kerala high court, high court on removal of illegal hoardings, high court on removal of flags from roads, kera news, latest news, latest kerala news, malayalam news, news in malayalam, latest malayalam news, ie malayalam, indian express malayalam

കൊച്ചി: കോവിഡ് നെഗറ്റീവായി 30 ദിവസം കഴിഞ്ഞവര്‍ കോവിഡാനന്തര ചികിത്സയ്ക്ക് ഉയര്‍ന്ന ഫീസ് നല്‍കണമെന്നത് ന്യായീകരിക്കാനാവില്ലെന്ന് ഹൈക്കോടതി. എപിഎല്‍ വിഭാഗക്കാര്‍ കോവിഡ് തുടര്‍ചികിത്സയ്ക്കു പണം നല്‍കണമെന്ന സംസ്ഥാന സര്‍ക്കാര്‍ ഉത്തരവില്‍ ആശയക്കുഴപ്പമുണ്ടെന്ന് കോടതി വ്യക്തമാക്കി.

കോവിഡ് നെഗറ്റീവായി 30 ദിവസം കഴിഞ്ഞ് മരിക്കുന്നവര്‍ക്കു നഷ്ടപരിഹാരം നല്‍കുമെന്ന കേന്ദ്ര സര്‍ക്കാര്‍ ഉത്തരവുണ്ടെന്ന് കോടതി ചൂണ്ടിക്കാട്ടി. ഇളവുകള്‍ ഒഴിവാക്കി ഉത്തരവിറക്കാനുണ്ടായ സാഹചര്യം വിശദീകരിച്ച് സത്യവാങ്മൂലം നല്‍കാന്‍ കോടതി സര്‍ക്കാരിനോട് നിര്‍ദേശിച്ചു. ഓഗസ്റ്റ് 16ന് ഇറക്കിയ ഉത്തരവ് പിന്‍വലിക്കുന്നതാവും ഉചിതമെന്നും ഡിവിഷന്‍ ബഞ്ച് അഭിപ്രായപ്പെട്ടു.

കോവിഡ് ചികില്‍സാ നിരക്കുകള്‍ക്കു നിയന്ത്രണം ഏര്‍പ്പെടുത്തിയ സര്‍ക്കാര്‍ ഉത്തരവിനെതിരെ സ്വകാര്യ ആശുപത്രി മാനേജ്‌മെന്റുകള്‍ സമര്‍പ്പിച്ച പുനപ്പരിശോധനാ ഹര്‍ജിയാണ് ജസ്റ്റിസുമാരായ ദേവന്‍ രാമചന്ദ്രനും കൗസര്‍ എടപ്പഗത്തും അടങ്ങുന്ന ബഞ്ച് പരിഗണിച്ചത്.

നെഗറ്റീവായി 30 ദിവസം കഴിഞ്ഞുള്ള മരണം കോവിഡ് മൂലമാണന്ന് അംഗീകരിക്കുമ്പോള്‍ തുടര്‍ചികിത്സ എങ്ങനെ നിഷേധിക്കാനാവുമെന്നും കോടതി ആരാഞ്ഞു. ഹര്‍ജി രണ്ടാഴ്ച കഴിഞ്ഞ് പരിഗണിക്കും.

Also Read: സംസ്ഥാനത്ത് വീണ്ടും ബ്ലാക്ക് ഫംഗസ് മരണം; മരിച്ചത് മലപ്പുറം സ്വദേശി

Stay updated with the latest news headlines and all the latest Kerala news download Indian Express Malayalam App.

Web Title: High court on post covid treatment fee