Latest News
കോവിഡ് മരണം 40 ലക്ഷം കടന്നു; കൂടുതല്‍ ഇന്ത്യ, അമേരിക്ക, ബ്രസീല്‍ രാജ്യങ്ങളില്‍
ഇന്ധനനിരക്ക് ഇന്നും കൂട്ടി; തിരുവനന്തപുരത്ത് പെട്രോള്‍ വില നൂറിലേക്ക്
കോപ്പയില്‍ ബ്രസീലിയന്‍ കോടുങ്കാറ്റ്; പെറുവിനെ തകര്‍ത്തു
കോവിഡിന്റെ ഡെല്‍റ്റ വകഭേദത്തിനുള്ള സ്പുട്നിക് വാക്സിന്‍ ഉടന്‍
രാജ്യത്ത് 62,480 പുതിയ കേസുകള്‍; 1,587 മരണം
കിവികളെ കീഴടക്കാന്‍ ഇന്ത്യ; ലോക ടെസ്റ്റ് ചാമ്പ്യന്‍ഷിപ്പ് ഫൈനലിന് ഇന്ന് തുടക്കം
സംവിധായകന്‍ സച്ചി ഓര്‍മയായിട്ട് ഒരു വര്‍ഷം

കേരളത്തിന് എത്ര ഡോസ് വാക്സിൻ എത്ര ദിവസത്തിനകം നൽകാനാവും; കേന്ദ്ര സർക്കാരിനോട് ഹൈക്കോടതി

കേരളത്തിന് അനുവദിച്ച വാക്സിൻ പട്ടിക കേന്ദ്രം എന്തുകൊണ്ട് പ്രസിദ്ധീകരിക്കുന്നില്ലെന്നും കോടതി ആരാഞ്ഞു

Lakshadweep Issue, ലക്ഷദ്വീപ്, Kerala High Court, കേരള ഹൈക്കോടതി, Central Government, കേന്ദ്ര സര്‍ക്കാര്‍, Prabhul Patel, BJP, Save Lakshadweep, IE Malayalam, ഐഇ മലയാളം

കൊച്ചി: കേരളത്തിന് കിട്ടിയ വാക്സിൻ വളരെ കുറവാണെന്ന് ഹൈക്കോടതി. സംസ്ഥാനത്തിന് എത്ര ഡോസ് വാക്സിൻ എത്ര ദിവസത്തിനകം നൽകാനാവുമെന്നും എത്ര നൽകിയെന്നും ബുധനാഴ്ചക്കകം അറിയിക്കാൻ കേന്ദ്ര സർക്കാരിന് കോടതി നിർദേശം നൽകി. കേന്ദ്ര സർക്കാരിന്റെ വാക്സിൻ നയം സ്റ്റേ ചെയ്യണമെന്നും വില ഏകീകരിക്കണമെന്നും വാക്സിൻ നിർമ്മാണ സാങ്കേതിക വിദ്യ കെഎസ്ഡിപി അടക്കമുള്ളവർക്ക് കൈമാറണമെന്നും ആവശ്യപ്പെട്ട് ശസ്ത്രസാഹിത്യ പരിഷത് മുൻ പ്രസിഡന്റ് കെ.പി.അരവിന്ദൻ സമർപ്പിച്ച ഹർജിയിലാണ് കോടതിയുടെ നിർദേശം

കേരളത്തിന് അനുവദിച്ച വാക്സിൻ പട്ടിക കേന്ദ്രം എന്തുകൊണ്ട് പ്രസിദ്ധീകരിക്കുന്നില്ലെന്നും കോടതി ആരാഞ്ഞു. കേസിൽ വെള്ളിയാഴ്ചക്കകം സത്യവാങ്മൂലം സമർപ്പിക്കാൻ കേന്ദ്രത്തിന് കോടതി നിർദേശം നൽകി. വാക്സിൻ സാങ്കേതിക വിദ്യാ കൈമാറ്റം നയപരമായ തീരുമാനമാണെന്ന് അസിസ്റ്റന്റ് സോളിസിറ്റർ ജനറൽ അറിയിച്ചു. നീതി ആയോഗ് അംഗം ഡോക്ടർ വി.കെ.പോൾ സാങ്കേതിക വിദ്യ കൈമാറാൻ തയ്യാറാണെന്ന് പറഞ്ഞിട്ടുണ്ട്.

Read More: കോവിഡ് വാക്സിൻ റജിസ്ട്രേഷൻ: വ്യാജ ആപ്ലിക്കേഷനുകൾ സൂക്ഷിക്കുക

കേന്ദ്രത്തിൽ നിന്ന് പരമാവധി വാക്സിൻ ലഭിക്കാൻ കോടതി ഉത്തരവ് വേണമെന്ന് സ്റ്റേറ്റ് അറ്റോർണി ആവശ്യപ്പെട്ടു. കേരളത്തിൽ വാക്സിൻ നിർമാണം ഇപ്പോൾ പ്രായോഗികം അല്ലെന്നും പരമാവധി ആളുകൾക്ക് വാക്സിൻ നൽകുകയാണ് വേണ്ടതെന്നും സ്റ്റേറ്റ് അറ്റോർണി വ്യക്തമാക്കി. വാക്സിൻ നിർമാണത്തിന് നാല് മാസമെങ്കിലും സമയമെടുക്കുമെന്ന് ഹർജിക്കാരൻ തന്നെ പറയുന്നുണ്ടെന്നും ഇക്കാര്യം സംസ്ഥാനത്തിന് മാത്രമായി തീരുമാനിക്കാനാവില്ലെന്നും അറ്റോർണി വ്യക്തമാക്കി.

കെഎസ്ഡിപിക്ക് വാക്സിൻ നിർമാണത്തിന് വേണ്ടത്ര സൗകര്യമുണ്ടോയെന്നും കോടതി ആരാഞ്ഞു. കേന്ദ്ര നിലപാട് അറിഞ്ഞ ശേഷം തുടർ നടപടി ആവാമെന്ന് കോടതി വ്യക്തമാക്കി. ഹർജി അടുത്ത വെള്ളിയാഴ്ച പരിഗണിക്കാനായി മാറ്റിയെന്നും എന്താണ് തടസമെന്നും കോടതി വാദത്തിനിടെ ആരാഞ്ഞു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: High court ask centre govt to vaccine list498686

Next Story
Kerala Rain Weather Highlights: ചുഴലിക്കാറ്റ് രൂപപ്പെട്ടെന്ന് അമേരിക്കൻ ഏജൻസി; സംസ്ഥാനം അതീവ ജാഗ്രതയിൽ
The moderation of comments is automated and not cleared manually by malayalam.indianexpress.com