scorecardresearch

മരം മുറിക്കേസ്: കേസ് ഡയറി ഹാജരാക്കാൻ ഹൈക്കോടതി നിർദേശം

ക്രൈംബ്രാഞ്ച് എജിഡിപിയുടെ നേതൃത്വത്തിൽ നടക്കുന്ന അന്വേഷണം തൃപ്തികരമല്ലെന്ന് ഹർജിക്കാരൻ ആരോപിച്ചു

Kerala High Court, Accident, National Highway

കൊച്ചി: മരം മുറിക്കേസിൽ സിബിഐ അന്വേഷണം ആവശ്യപ്പെട്ടുള്ള ഹർജിയിൽ കേസ് ഡയറി ഹാജരാക്കാൻ ഹൈക്കോടതി സർക്കാരിന് നിർദേശം നൽകി. പൊതുപ്രവർത്തകനായ ജോർജ് വട്ടുകുളം സമർപ്പിച്ച ഹർജിയിലാണ് ചീഫ് ജസ്റ്റിസ് എസ്.മണികുമാറും ജസ്റ്റിസ് ഷാജി പി.ചാലിയും അടങ്ങുന്ന ബെഞ്ചിന്റെ നിർദേശം.

ക്രൈംബ്രാഞ്ച് എജിഡിപിയുടെ നേതൃത്വത്തിൽ നടക്കുന്ന അന്വേഷണം തൃപ്തികരമല്ലെന്ന് ഹർജിക്കാരൻ ആരോപിച്ചു. പ്രകൃതി വിഭവങ്ങൾ നഷ്ടപ്പെട്ടതായി പൊലീസ് മേധാവിയുടെ റിപ്പോർട്ടിൽ തന്നെ സമ്മതിക്കുന്നുണ്ട്. മരംമുറിക്ക് പിന്നിൽ വ്യാപക ഗൂഢാലോചന നടന്നതായും വലിയ തോതിലുള്ള തടി മോഷണം നടന്നതായും റിപ്പോർട്ടിലുണ്ടെന്ന് ഹർജി ഭാഗം ബോധിപ്പിച്ചു.

പട്ടയ ഭൂമിയിലെ മരങ്ങളാണ് മുറിച്ചതെന്നും ഭൂരിഭാഗം പ്രതികളും കർഷകരാണെന്നും ഇവർക്കെതിരെ കേസെടുത്തിട്ടുണ്ടെന്നും അന്വേഷണം പുരോഗമിക്കുകയാണെന്നും അഡ്വക്കേറ്റ് ജനറൽ അറിയിച്ചു. തുടർന്നാണ് കേസ് ഡയറി ഹാജരാക്കാൻ കോടതി നിർദേശിച്ചത്. കേസ് വിധി പറയാനായി വെള്ളിയാഴ്ചത്തേക്ക് മാറ്റി.

Read More: കുരുക്ക് മുറുകുന്നു; ഇ-ബുൾ ജെറ്റ് സഹോദരങ്ങൾക്കെതിരെ കൂടുതൽ നടപടികൾ

Stay updated with the latest news headlines and all the latest Kerala news download Indian Express Malayalam App.

Web Title: High court ask case diary to kerala government in tree felling case