Latest News

ഓണാഘോഷത്തിനുളള തുക ദുരിതാശ്വാസ പ്രവര്‍ത്തനങ്ങൾക്കായി ഉപയോഗിക്കണം: രമേശ് ചെന്നിത്തല 

ജനങ്ങളെ സഹായിക്കാനും, ദുരിതാശ്വാസ പ്രവര്‍ത്തനങ്ങള്‍ക്ക് നേതൃത്വം കൊടുക്കാനും, യുഡിഎഫ് എംഎല്‍എമാര്‍, മറ്റു ജന പ്രതിനിധികള്‍  തുടങ്ങിയവര്‍  ഒറ്റക്കെട്ടായി രംഗത്തിറങ്ങണം

ramesh chennithala, women wall, pinarayi vijayan, scam, cpm, congress, ie malayalam, ചെന്നിത്തല, വനിതാ മതില്‍, സർക്കാർ, അഴിമതി
രമേശ് ചെന്നിത്തല

തിരുവനന്തപുരം: നിലയ്ക്കാത്ത മഴ കാരണം വളരെ അസാധാരണമായ സഹചര്യമാണ് സംസ്ഥാനത്ത് നിലനില്‍ക്കുന്നതെന്നും  ഇതിനെ നേരിടാന്‍ എല്ലാ യുഡിഎഫ് പ്രവര്‍ത്തകരും ഒറ്റക്കെട്ടായി  രംഗത്തിറങ്ങണമെന്നും പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. ജനങ്ങളെ സഹായിക്കാനും, ദുരിതാശ്വാസ പ്രവര്‍ത്തനങ്ങള്‍ക്ക് നേതൃത്വം കൊടുക്കാനും, യുഡിഎഫ് എംഎല്‍എമാര്‍, മറ്റു ജന പ്രതിനിധികള്‍  തുടങ്ങിയവര്‍  ഒറ്റക്കെട്ടായി രംഗത്തിറങ്ങണം. കേരളം ഇതുവരെ കണ്ടിട്ടില്ലാത്ത ദുരന്തമാണ് നേരിടുന്നത്.  കേരളം  ഒറ്റക്കെട്ടായി നിന്ന്  ഈ   ദുരിതാശ്വാസ പ്രവര്‍ത്തനത്തില്‍ പങ്കാളികളാകണം. സന്നദ്ധ സംഘടനകള്‍ സമൂഹ്യ പ്രവര്‍ത്തകര്‍  എല്ലാവരും ഇതിനായി രംഗത്തിറങ്ങണമെന്ന് ചെന്നിത്തല പറഞ്ഞു.
 
പ്രളയക്കെടുതി ഉണ്ടായിട്ടുള്ള പ്രദേശങ്ങളില്‍ കൂടുതൽ സൈന്യത്തെയും  കേന്ദ്ര ദുരന്ത നിവാരണ സേനയെയും  വിന്യസിക്കണം. ഇടുക്കി, വയനാട് തുടങ്ങിയ ജില്ലകളില്‍ ആരോഗ്യ വകുപ്പിന്റെ കൂടുതല്‍ ശ്രദ്ധ ഉണ്ടാവുകയും, കൂടുതല്‍ മെഡിക്കല്‍ ടീമിനെ അയക്കുകയും വേണം. കേന്ദ്ര സര്‍ക്കാര്‍ അടിയന്തിരമായി  സഹായം നല്‍കണം. കേന്ദ്രത്തില്‍ നിന്ന് സാധാരണയായി കിട്ടുന്ന സഹായം മാത്രമേ ഇപ്പോള്‍ ലഭിച്ചിട്ടുള്ളു. അതല്ലാതെ കൂടതല്‍ സഹായം പ്രധാനമന്ത്രി ഉള്‍പ്പെടയുള്ളവര്‍ ഇടപെട്ട് നല്‍കണമെന്നും രമേശ് ചെന്നിത്തല ആവശ്യപ്പെട്ടു. 

കേരളം ഇപ്പോള്‍ നേരിടുന്ന കടുത്ത ദുരന്തത്തിന്റെ പശ്ചാത്തലത്തില്‍   തിരുവനന്തപുരത്തെ സര്‍ക്കാരിന്റെ ഓണാഘോഷ പരിപാടികള്‍ മാറ്റി വയ്ക്കണമെന്ന് രമേശ് ചെന്നിത്തല ആവശ്യപ്പെട്ടു. ആഘോഷങ്ങള്‍ക്ക് വേണ്ടി ചെലവഴിക്കുന്ന  30 കോടി രൂപ ഈ ദുരിതാശ്വാസ പ്രവര്‍ത്തനങ്ങള്‍ക്ക് വേണ്ടി ഉപയോഗിക്കണമെന്നും രമേശ് ചെന്നിത്തല ആവശ്യപ്പെട്ടു. 

Web Title: Heavy rain udf workers will unite to help people ramesh chennithala

Next Story
കേരളത്തിലേക്ക് പോകരുത്, യുഎസ് പൗരന്മാർക്ക് ഭരണകൂടത്തിന്റെ മുന്നറിയിപ്പ്
The moderation of comments is automated and not cleared manually by malayalam.indianexpress.com