scorecardresearch
Latest News

വേനൽചൂട് കനക്കുന്നു; സംസ്ഥാനത്ത് അവധിക്കാല ക്ലാസുകൾക്ക് നിയന്ത്രണം

ക്ലാസുകൾക്ക് പുറമെ അവധിക്കാല ക്യാമ്പുകൾ സംഘടിപ്പിക്കുന്നതിനും നിയന്ത്രണമുണ്ട്

വേനൽചൂട് കനക്കുന്നു; സംസ്ഥാനത്ത് അവധിക്കാല ക്ലാസുകൾക്ക് നിയന്ത്രണം

തിരുവനന്തപുരം: വേനൽ കനത്ത സാഹചര്യത്തിൽ സംസ്ഥാനത്തെ സ്കൂളുകളിലെ അവധിക്കാല ക്ലാസുകൾക്ക് നിരോധനം ഏർപ്പെടുത്തി. ക്ലാസുകൾക്ക് പുറമെ അവധിക്കാല ക്യാമ്പുകൾ സംഘടിപ്പിക്കുന്നതിനും നിയന്ത്രണമുണ്ട്. പൊതു വിദ്യാഭ്യാസ ഡയറക്ടറാണ് ഇത് സംബന്ധിച്ച് ഉത്തരവ് പുറത്തിറക്കിയത്.

അവധിക്കാല ക്യാമ്പുകൾ സംഘടിപ്പിക്കുന്നതിന് ഒരാഴ്ച മുമ്പ് മുൻകൂർ അനുമതി വാങ്ങണം. ഇത്തരത്തിൽ നടത്തുന്ന ക്യാമ്പുകൾ പത്ത് ദിവസത്തിൽ കൂടുതൽ ആകരുതെന്നും നിർദേശമുണ്ട്. ക്യാമ്പുകൾക്ക് അനുമതി നൽകുന്നതിന് മുമ്പ് ഉദ്യോഗസ്ഥരെത്തി സ്കൂളുകളിലെ സൗകര്യങ്ങൾ വിലയിരുത്തും. ഇതിന്റെ അടിസ്ഥാനത്തിലായിരിക്കും അനുമതി നൽകുന്ന കാര്യത്തിൽ തീരുമാനം ഉദ്യോഗസ്ഥ തലത്തിൽ കണ്ടെത്തുക.

സിബിഎസ്ഇ, ഐസിഎസ്ഇ സ്കൂളുകൾക്കും ഉത്തരവ് ബാധകമാണ്. അതേസമയം, സൂ​ര്യാ​ത​പം ​മൂ​ല​മു​ള്ള ആ​രോ​ഗ്യ​പ്ര​ശ്‌​ന​ങ്ങ​ള്‍ കൂ​ടു​ന്ന സാ​ഹ​ച​ര്യ​ത്തി​ല്‍ മു​ന്‍ക​രു​ത​ലു​ക​ള്‍ ക​ര്‍ശ​ന​മാ​യി പാ​ലി​ക്ക​ണ​മെ​ന്ന് ആ​രോ​ഗ്യ​വ​കു​പ്പും ദു​ര​ന്ത​നി​വാ​ര​ണ അ​തോ​റി​റ്റി​യും അ​റി​യി​ച്ചു. താ​പ​നി​ല മൂ​ന്ന് ഡി​ഗ്രി​വ​രെ കൂ​ടാ​മെ​ന്ന കാ​ലാ​വ​സ്ഥ നി​രീ​ക്ഷ​ണ​കേ​ന്ദ്ര​ത്തിന്റെ മു​ന്ന​റി​യി​പ്പ്​ ക​ണ​ക്കി​ലെ​ടു​ത്ത്​ ഞാ​യ​റാ​ഴ്​​ച​വ​രെ സം​സ്​​ഥാ​ന​ത്ത്​ അ​തീവ ജാ​ഗ്ര​തയാണ് പുറപ്പെടുവിച്ചത്.

Stay updated with the latest news headlines and all the latest Kerala news download Indian Express Malayalam App.

Web Title: Heat wave vacation class resticted