Latest News
മൊറേനൊ പെനാലിറ്റി പാഴാക്കി; സ്പെയിനിനെ സമനിലയില്‍ കുരുക്കി പോളണ്ട്
ഇന്ധനനിരക്ക് വര്‍ധിപ്പിച്ചു, പെട്രോളിന് 29 പൈസയും ഡീസലിന് 30 പൈസയുമാണ് കൂട്ടിയത്
സംസ്ഥാനത്ത് ഒറ്റപ്പെട്ട ശക്തമായ മഴ തുടരുന്നു; നാല് ജില്ലകളില്‍ യെല്ലോ അലര്‍ട്ട്
ഇന്നും സമ്പൂര്‍ണ ലോക്ക്ഡൗണ്‍; നാളെ മുതല്‍ ഇളവുകള്‍
രാജ്യത്ത് 58,419 പുതിയ കേസുകള്‍; 7.29 ലക്ഷം പേര്‍ ചികിത്സയില്‍
ഉത്പാദനം വര്‍ധിച്ചു; ജൂലൈയില്‍ 13.5 കോടി വാക്സിന്‍ ഡോസ് ലഭ്യമാകും

ഹനാനെതിരായ സൈബർ ആക്രമണം; ഒരാൾ കൂടി പൊലീസ് പിടിയിൽ

എസിപി കെ.ലാൽജിയുടെ നേതൃത്വത്തിലാണ് ചെറായി സ്വദേശി വിശ്വനെ കസ്റ്റഡിയിലെടുത്തത്

കൊച്ചി: മീൻ വിൽപ്പനയിലൂടെ വിദ്യാഭ്യാസത്തിനും ജീവിതച്ചെലവിനും പണം കണ്ടെത്തിയ ഹനാനെ സോഷ്യൽ മീഡിയ വഴി അധിക്ഷേപിക്കാൻ ശ്രമിച്ച കേസിൽ ഒരാൾ കൂടി പിടിയിലായി. എറണാകുളം ചെറായി സ്വദേശി വിശ്വനാണ് പിടിയിലായത്. എസിപി കെ.ലാൽജിയുടെ നേതൃത്വത്തിലുളള പൊലീസ് സംഘമാണ് ഇയാളെ ഇന്ന് രാവിലെ കസ്റ്റഡിയിലെടുത്തത്.

ഹനാനെതിരായ സൈബർ ആക്രമണ കേസിൽ കൂടുതൽ പേരെ പൊലീസ് ചോദ്യം ചെയ്യുമെന്നാണ് വിവരം. ഫെയ്‌സ്ബുക്കിൽ ഹനാനെ വ്യക്തിപരമായി അധിക്ഷേപിക്കുന്ന തരത്തിൽ പോസ്റ്റുകളും കമന്റുകളും വിശ്വൻ പങ്കുവച്ചിരുന്നു. ഇതിന്റെ സ്ക്രീൻ ഷോട്ടുകൾ ഫെയ്‌സ്ബുക്കിൽ നിന്ന് ലഭിച്ചിരുന്നു.

ഇതിന് പിന്നാലെയാണ് ഇയാളെ കസ്റ്റഡിയിലെടുത്തത്. സംഭവത്തിൽ ഇന്നലെ നൂറുദ്ദീൻ എന്നയാളെ പൊലീസ് കസ്റ്റഡിയിലെടുത്തിരുന്നു. പാലാരിവട്ടം പൊലീസ് ആണ് വയനാട് സ്വദേശിയായ നൂറുദ്ദീനെ കസ്റ്റഡിയിലെടുത്തത്. ഇയാളെ പിന്നീട് പൊലീസ് ചോദ്യം ചെയ്ത ശേഷം തെളിവില്ലെന്ന് കണ്ട് വിട്ടയച്ചു.

അതേസമയം ഹനാന്റെ പേരിൽ വ്യാജ ഫെയ്‌സ്ബുക്ക് പേജുകൾ ആരംഭിച്ചിട്ടുണ്ട്. ഹനാൻഹനാനി ആക്ടർ എന്ന പേരിലാണ് പേജ് തുടങ്ങിയത്. ഇതിനെ കുറിച്ചും അന്വേഷണം നടക്കുന്നുണ്ട്. ഇതിനോടകം 10000 ത്തിലേറെ പേർ വ്യാജ പ്രൊഫൈൽ ലൈക് ചെയ്തിട്ടുണ്ട്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Hanan hanani cyber attack case one more in police custody

Next Story
ഇടുക്കി അണക്കെട്ടിലെ ജലനിരപ്പ് 2394 അടിയായി; ഷട്ടറുകൾ തുറന്നേക്കുംidukki dam, cheruthoni dam, kseb,
The moderation of comments is automated and not cleared manually by malayalam.indianexpress.com