Latest News

സുപ്രീംകോടതി വിധിയിൽ സന്തോഷം; ഹാദിയ

ഹാദിയയെ വീട്ടിലേക്ക് കൊണ്ടു പോകാൻ ഷെഫിൻ ജഹാൻ ഇന്ന് സേലത്ത് എത്തും

സേലം: ഷെഫിൻ ജഹാനുമായുളള വിവാഹം ശരിവച്ച സുപ്രീംകോടതി വിധിയിൽ അതിയായ സന്തോഷമുണ്ടെന്ന് ഹാദിയ. ഉടൻ നാട്ടിലേക്ക് എത്താനുളള ശ്രമത്തിലാണ് താൻ എന്നും, കൂടുതൽ പ്രതികരണം നാട്ടിൽ എത്തിയതിന് ശേഷം നടത്താമെന്നും ഹാദിയ പറഞ്ഞു. അതേസമയം സുപ്രീംകോടതി വിധി വന്നതോടെ ഹാദിയയെ വീട്ടിലേക്ക് കൊണ്ടു പോകാൻ ഷെഫിൻ ജഹാൻ ഇന്ന് സേലത്ത് എത്തുമെന്നാണ് റിപ്പോർട്ട്.

ഹാദിയയുടെ വിവാഹത്തിന് അംഗീകാരം നല്‍കിയ കോടതി ഹാദിയയ്ക്ക് പഠനം തുടരാമെന്നും അറിയിച്ചു. തീവ്രവാദ ബന്ധമുണ്ടെങ്കിൽ ഷെഫിൻ ജെഹാനും ഹാദിയയ്ക്കും എതിരെ കേസെടുക്കാമെന്ന് സുപ്രീം കോടതി നിരീക്ഷിച്ചു. പ്രായപൂര്‍ത്തിയായ രണ്ട് പേര്‍ നിയമപരമായി വിവാഹം കഴിച്ചാല്‍ എങ്ങനെ അതില്‍ ഇടപെടാന്‍ കഴിയുമെന്ന് കോടതി ചോദ്യം ചെയ്തു.

കണ്ടെത്തലുകളുടെ അടിസ്ഥാനത്തിൽ എൻഐഎയ്ക്ക് കേസെടുക്കാം. എൻഐഎ കേസെടുക്കുന്നതിലോ അന്വേഷണത്തിലോ കോടതി ഇടപെടില്ല. എന്നാൽ വിവാഹത്തെക്കുറിച്ച് കേസെടുക്കാനാവില്ല. രാജ്യത്തിന്റെ ബഹുസ്വരതയുടെ ഭാഗമാണ് വിവാഹം. ഇത് തകർക്കാൻ അനുവദിക്കില്ലെന്നും കോടതി വ്യക്തിമാക്കി.

ഹാദിയ കേസിൽ എൻഐഎ സമർപ്പിച്ച റിപ്പോ‍ർട്ട് സുപ്രീം കോടതി പരിഗണിക്കവേയായിരുന്നു കോടതിയുടെ പരാമർശങ്ങൾ. ഷെഫിൻ ജഹാന് ഭീകരബന്ധമുണ്ടെന്നാണ് എഎൻഐയുടെ റിപ്പോർട്ടിലുളളത്. ഷെഫിന്‍ ജഹാന് ഭീകരബന്ധമുണ്ടെന്ന് അന്വേഷണത്തില്‍ കണ്ടെത്തിയെന്നും ഇതുസംബന്ധിച്ച റിപ്പോര്‍ട്ട് കോടതി പരിശോധിക്കണമെന്നുമാണ് എന്‍ഐഎ ആവശ്യപ്പെട്ടത്. ജസ്റ്റിസ് ദീപക് മിശ്ര അധ്യക്ഷനായ ബെഞ്ചാണ് കേസ് പരിഗണിച്ചത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Hadiya case supreme court verdict makes me happy says hadiya

Next Story
ചെങ്ങന്നൂര്‍ ഉപതിരഞ്ഞെടുപ്പ്: ഡി.വിജയകുമാര്‍ യുഡിഎഫ് സ്ഥാനാര്‍ത്ഥി
The moderation of comments is automated and not cleared manually by malayalam.indianexpress.com
Best of Express