scorecardresearch

എസ്‌ഐ ആക്കിയാലും കുഴപ്പമില്ല: ജേക്കബ് തോമസ്

ജേക്കബ് തോമസിനെതിരെ നടപടി സ്വീകരിക്കാൻ സംസ്ഥാന സർക്കാരാണ് നീക്കങ്ങൾ നടത്തുന്നത്

Jacob Thomas, Kerala Govt, Pinarayi Vijayan, Thomas Isaac

പാലക്കാട്: സംസ്ഥാന സർക്കാർ തനിക്കെതിരെ തരംതാഴ്‌ത്തൽ നടപടി സ്വീകരിക്കുന്നതിൽ പ്രതികരിച്ച് ഡിജിപി ജേക്കബ് തോമസ്. തരംതാഴ്‌ത്തലല്ല, തരംതിരിക്കലാണ് തനിക്കെതിരെ നടക്കുന്നതെന്ന് ജേക്കബ് തോമസ് പറഞ്ഞു. “സർക്കാർ ഒരു കാര്യം തീരുമാനിക്കുന്നു, നടപ്പാക്കുന്നു. ജനങ്ങൾ അത് അനുസരിക്കേണ്ടി വരും. അല്ലാതെ നമുക്ക് മറ്റൊന്നും ചെയ്യാൻ സാധിക്കില്ലല്ലോ,” ജേക്കബ് തോമസ് മാധ്യമങ്ങളോട് പറഞ്ഞു.

“തരംതാഴ്‌ത്തലുമായി ബന്ധപ്പെട്ട് ഇതുവരെ ഔദ്യോഗിക അറിയിപ്പൊന്നും ലഭിച്ചിട്ടില്ല. എസ്‌ഐ ആക്കിയാലും കുഴപ്പമില്ല. അതിനും വിലയുണ്ട്. സ്രാവുകൾക്കൊപ്പം നീന്തൽ അത്ര സുഖകരമല്ല.” ജേക്കബ് തോമസ് പറഞ്ഞു.

ജേക്കബ് തോമസിനെതിരെ നടപടി സ്വീകരിക്കാൻ സംസ്ഥാന സർക്കാരാണ് നീക്കങ്ങൾ നടത്തുന്നത്. സംസ്ഥാനത്തെ ഏറ്റവും മുതിർന്ന ഐപിഎസ് ഉദ്യോഗസ്ഥനാണ് ജേക്കബ് തോമസ്. ചട്ടവിരുദ്ധ പ്രവർത്തനങ്ങളെ തുടർന്നാണ് ജേക്കബ് തോമസിനെതിരെ നടപടിക്ക് ഒരുങ്ങുന്നത്. എഡിജിപിയായി തരംതാഴ്‌ത്തുന്നതിനാണ് നീക്കങ്ങൾ നടക്കുന്നത്.

Read Also: Horoscope Today January 22, 2020: നിങ്ങളുടെ ഇന്നത്തെ ദിവസം, രാശി ഫലം

2020 മേയ് മാസത്തിൽ ജേക്കബ് തോമസ് വിരമിക്കാനിരിക്കെയാണ് സർക്കാർ നീക്കം. തരംതാഴ്‌ത്തൽ ശുപാർശ ചെയ്‌ത് ചീഫ് സെക്രട്ടറി അയച്ച ഫയലിൽ സർക്കാർ ഒപ്പുവച്ചു. ഫയൽ കേന്ദ്ര പേഴ്‌സണൽ മന്ത്രാലയത്തിന്റെ അനുമതിക്കായി അയക്കും. കേന്ദ്ര സർക്കാർ കൂടി തരംതാഴ്‌ത്തൽ നടപടിയിൽ തീരുമാനമെടുക്കേണ്ടി വരും. 1985 ബാച്ചുകാരനാണ് ജേക്കബ് തോമസ്.

ചട്ടവിരുദ്ധ പ്രവർത്തനങ്ങളെ തുടർന്ന് ജേക്കബ് തോമസിനെ നേരത്തെ സസ്‌പെൻഡ് ചെയ്‌തിരുന്നു. സർക്കാരിനെതിരെ ചട്ടവിരുദ്ധ പ്രവർത്തനങ്ങൾ നടത്തിയെന്നായിരുന്നു പ്രധാന ആരോപണം. അതിനു പിന്നാലെയാണ് ജേക്കബ് തോമസിനെ സസ്‌പെൻഡ് ചെയ്‌തത്. ഇതേ തുടർന്ന് ജേക്കബ് തോമസ് കോടതിയെ സമീപിച്ചു. കാരണം പറയാതെ സർവീസിൽ നിന്ന് മാറ്റി നിർത്തിയ സർക്കാർ നടപടിയെ ചോദ്യം ചെയ്താണ് ജേക്കബ് തോമസ് ട്രിബ്യൂണലിനെ സമീപിച്ചത്.

Read Also: വിവാഹനിശ്ചയ ചിത്രങ്ങൾ പങ്കുവച്ച് ഭാമ

ജേക്കബ് തോമസിനെ സർവീസിൽ തിരിച്ചെടുക്കണമെന്നായിരുന്നു അഡ്‌മിനിസ്‌ട്രേറ്റീവ് ട്രിബ്യൂണൽ ഉത്തരവ്. യോഗ്യതക്ക് തുല്യമായ പദവി നൽകണമെന്ന് ട്രിബ്യൂണൽ ബഞ്ച് ഉത്തരവിട്ടിരുന്നു. ട്രിബ്യൂണൽ ബഞ്ച് ഉത്തരവിനെ തുടർന്ന് ജേക്കബ് തോമസിന് സർക്കാർ വീണ്ടും ചുമതല നൽകിയിരുന്നു. സ്റ്റീൽ ആൻഡ് മെറ്റൽ ഇൻഡസ്ട്രീസ് എംഡിയായാണ് സർക്കാർ പുതിയ ചുമതല നൽകിയത്.

Stay updated with the latest news headlines and all the latest Kerala news download Indian Express Malayalam App.

Web Title: Government action against dgp jacob thomas