Latest News

മുഖ്യമന്ത്രിക്കെതിരെ ഇ ഡി ഉദ്യോഗസ്ഥർ കള്ളത്തെളിവുണ്ടാക്കാൻ ശ്രമിച്ചെന്ന കേസ്: കോടതി വിശദമായ വാദം കേൾക്കും

മുഖ്യമന്ത്രിക്കെതിരെ കള്ളത്തെളിവുണ്ടാക്കാൻ എൻഫോഴ്സ്മെൻ്റ് ഉദ്യോഗസ്ഥർ ശ്രമിച്ചെന്ന കേസിൽ കൂടുതൽ അന്വേഷണം നടത്തണോ എന്ന് പരിശോധിക്കും

ed, enforcement directorate, campus front, popular front, ഇഡി, എൻഫോഴ്സ്മെന്റ്, പോപ്പുലർ ഫ്രണ്ട്, കാംപസ് ഫ്രണ്ട്, നേതാവ്, ie malayalam

കൊച്ചി: സ്വർണക്കടത്തുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ മുഖ്യമന്ത്രിക്കെതിരെ കള്ളത്തെളിവുണ്ടാക്കാൻ എൻഫോഴ്സ്മെൻ്റ് ഉദ്യോഗസ്ഥർ ശ്രമിച്ചെന്ന കേസിൽ കോടതി വിശദമായ വാദം കേൾക്കും. കേസിൽ അന്വേഷണം നടത്തേണ്ടതുണ്ടോ എന്ന വിഷയത്തിലാണ് വിശദമായ വാദം കേൾക്കുക. കേസ് കൂടുതൽ വാദത്തിനായി പ്രിൻസിപ്പൽ സെഷൻസ് ജഡ്ജി ജൂലൈ രണ്ടിലേക്ക് മാറ്റി.

കേസിൽ പ്രാഥമിക അന്വേഷണം നടത്താൻ കോടതി കഴിഞ്ഞ ആഴ്ച തീരുമാനിച്ചിരുന്നു. അന്വേഷണത്തെ എതിർക്കുന്ന ഇഡി വിശദമായ സത്യവാങ്ങ്മൂലം സമർപ്പിക്കാൻ ഒരു മാസത്തെ സാവകാശം തേടി.

കേസിലെ രേഖകളുടെ പകർപ്പുകൾ സർക്കാർ അഭിഭാഷകൻ ആവശ്യപ്പെട്ടെങ്കിലും കൈമാറുന്നതിൽ ഇ ഡി എതിർപ്പറിയിച്ചു. കള്ളത്തെളിവുണ്ടാക്കാൻ ശ്രമിച്ചതിന് ഇ ഡി ക്കെതിരെ ക്രൈം ബ്രാഞ്ച് എടുത്ത കേസുകൾ റദ്ദാക്കിയ ഹൈക്കോതി, ഇക്കാര്യത്തിൽ തീരുമാനമെടുക്കേണ്ടത് വിചാരണക്കോടതിയാണന്ന് വ്യക്തമാക്കിയിരുന്നു. രേഖകൾ മുദ്രവച്ച കവറിൽ കൈമാറാനും ഉത്തരവിട്ടിരുന്നു.

ഹൈക്കോടതി നിർദേശം കണക്കിലെടുത്താണ് സെഷൻസ് കോടതി അന്വേഷണം നടത്താൻ തീരുമാനിച്ചത്. പുതിയതായി ചുമതലയേറ്റ ജഡ്ജിയാണ് കേസ് പരിഗണിച്ചത്.

മുഖ്യമന്ത്രിക്കെതിരെ തെളിവു നൽകാൻ നിർബന്ധിച്ചെന്ന സ്വപ്ന സുരേഷിൻ്റെ ശബ്ദരേയുടേയും, സന്ദീപ് നായർ വിചാരണക്കോടതിക്ക് എഴുതിയ കത്തിൻ്റെയും അടിസ്ഥാനത്തിലാണ് ക്രൈംബ്രാഞ്ച് കേസടുത്തത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Gold smuggling case of enforcement directorate and fake evidence against cm pinarayi vijayan

The moderation of comments is automated and not cleared manually by malayalam.indianexpress.com
Best of Express