Latest News
സംസ്ഥാനത്ത് ഇന്ന് മുതല്‍ ലോക്ക്ഡൗണില്‍ കൂടുതല്‍ ഇളവുകള്‍
UEFA EURO 2020: ഫ്രാന്‍സ്, ജര്‍മനി, പോര്‍ച്ചുഗല്‍ പ്രി ക്വാര്‍ട്ടറില്‍
ഛായാഗ്രാഹകനും സംവിധായകനുമായ ശിവന്‍ അന്തരിച്ചു
Copa America 2021: രക്ഷകനായി കാസിമീറൊ; ബ്രസീലിന് മൂന്നാം ജയം
ഇന്ധനനിരക്ക് വര്‍ധിച്ചു; കേരളത്തില്‍ സെഞ്ച്വറി കടന്ന് പെട്രോള്‍ വില
54,069 പുതിയ കേസുകള്‍; 1321 കോവിഡ് മരണം

‘ഒറ്റക്കെട്ടല്ല’; ദിലീപിനെ തളളിപ്പറഞ്ഞ് ഗണേഷ് കുമാര്‍ രംഗത്ത്

അമ്മയുടെ യോഗം ഉടൻ ചേർന്ന് ദിലീപിനെതിരെ നടപടിയെടുക്കുമെന്നും ഗണേഷ്

തിരുവനന്തപുരം: നടിയെ ആക്രമിച്ച കേസിൽ നടൻ ദിലീപ് അറസ്റ്റിലായ സംഭവത്തില്‍ പ്രതികരണവുമായി നടനനും എംഎല്‍എയും ആയ ഗണേഷ് കുമാര്‍. ഒരിക്കലും പ്രതീക്ഷിക്കാത്തതാണ് ദിലീപിൽ നിന്നും സംഭവിച്ചതെന്ന് അദ്ദേഹം പ്രതികരിച്ചു. ദിലീപിനെ അറസ്റ്റ് ചെയ്ത കേരള പൊലീസിനെ അഭിനന്ദിക്കുന്നതായും അദ്ദേഹം കൂട്ടിച്ചേര്‍ത്തു.

ദിലീപിനെതിരെ ശക്തമായ നടപടിയെടുക്കണമെന്ന് ആവശ്യപ്പെട്ടിട്ടുണ്ട്. അമ്മയുടെ യോഗം ഉടൻ ചേർന്ന് ദിലീപിനെതിരെ നടപടിയെടുക്കുമെന്നും ഗണേഷ് പറഞ്ഞു.

ദിവസങ്ങള്‍ക്കു മുമ്പു നടന്ന വാര്‍ത്താ സമ്മേളനത്തില്‍ സംഘടനയെ ഏറെ പ്രതിരോധിക്കുകയും തങ്ങള്‍ ഒറ്റക്കെട്ടാണെന്നു രോഷം കൊള്ളുകയും ചെയ്ത ഗണേഷ് കുമാറാണ് ദിവസങ്ങള്‍ക്കുശേഷം ദിലീപിനെ തളളിപ്പറഞ്ഞ് രംഗത്തെത്തിയത്. ആവശ്യങ്ങള്‍ ഇല്ലാതെ കാര്യങ്ങള്‍ ചര്‍ച്ചയാക്കരുതെന്നും ആടിനെ പട്ടിയാക്കുന്ന നടപടിയാണ് മാധ്യമങ്ങളുടേതെന്നായിരുന്നു ഗണേഷ് കുമാര്‍ പറഞ്ഞത്. സംഘടന പൊളിക്കാന്‍ ആരും നോക്കേണ്ടെന്നും അമ്മ പൊളിയില്ലെന്നും അദ്ദേഹം അന്ന് പറഞ്ഞു.

അമ്മയുടെ ജനറല്‍ സെക്രട്ടറി മമ്മൂട്ടിയും വൈസ് പ്രസിഡന്റ് മോഹന്‍ലാലും വേദിയിലിരിക്കേയാണ് മാധ്യമപ്രവര്‍ത്തകരോട് ക്ഷോഭിച്ച് മുകേഷും ഗണേഷും എത്തിയത്. ഇത് വ്യാപകമായ രീതിയില്‍ വിമര്‍ശനത്തിനും കാരണമായിരുന്നു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Ganesh assures strict action against dileep in actresss assault case

Next Story
‘മൂന്ന് മിനുറ്റ് വീഡിയോയില്‍ നടിയുടെ ചിരിക്കുന്ന മുഖവും മോതിരവും വേണം’; ഒന്നരക്കോടിയുടെ ക്വട്ടേഷന് ദിലീപ് ആവശ്യപ്പെട്ടത്
The moderation of comments is automated and not cleared manually by malayalam.indianexpress.com