തിരുവനന്തപുരം: ചട്ടങ്ങൾ മറികടന്ന് നിയമനം നൽകിയെന്ന ആരോപണം ഉയർന്നതിന് പിന്നാലെ മന്ത്രി ജി.സുധാകരന്റെ ഭാര്യ ജൂബിലി നവപ്രഭ കേരള സർവ്വകലാശാലയിലെ പദവി രാജിവച്ചു. സ്വാ​ശ്ര​യ കോ​ഴ്സു​ക​ളു​ടെ ഡ​യ​റ​ക്ട​റാ​യി​രു​ന്നു ജൂ​ബി​ലി. ത​ന്നേ​യും സു​ധാ​ക​ര​നേ​യും അ​പ​മാ​നി​ക്കാ​ൻ ശ്ര​മം ന​ട​ക്കു​ന്നു​വെ​ന്ന് ചൂ​ണ്ടി​ക്കാ​ട്ടി​യാ​ണ് രാ​ജി. സു​ധാ​ക​ര​ന്‍റെ സ​ൽ​പ്പേ​രി​ന് ക​ള​ങ്ക​മേ​ൽ​പ്പി​ക്കാ​ൻ ചി​ല​ർ നീ​ക്കം ന​ട​ത്തു​ന്നു​വെ​ന്നും അ​വ​ർ പ​റ​ഞ്ഞു.

കേരള സർവ്വകലാശാലയുടെ സ്വാശ്രയ സ്ഥാപനങ്ങളുടെ തലപ്പത്ത് ഡോം ടെക് ഡയക്ടറായി ജൂബിലി നവപ്രഭയ്ക്ക് സ്ഥിരം നിയമനം നൽകിയത് ചട്ടങ്ങൾ മറികടന്നാണെന്ന് ആരോപണമുയർന്നിരുന്നു,​. ആരുടെയും ശുപാർശ പ്രകാരമല്ല തനിക്ക് നിയമനം ലഭിച്ചതെന്നും തന്റെ പദവി സ്ഥിരപ്പെടുത്താനോ ശമ്പളം വർദ്ധിപ്പിക്കുവാനോ ശ്രമിച്ചിട്ടില്ലെന്നും നവപ്രഭ വ്യക്തമാക്കി.

‘അ​ദ്ദേ​ഹം ക​ണ്ണി​ലെ കൃ​ഷ്ണ​മ​ണിപ്പോ​ലെ സൂക്ഷി​ക്കു​ന്ന​താ​ണ് സ​ൽ​പ്പേ​ര്. അ​ത് ന​ശി​പ്പി​ക്കാൻ ആ​രേ​യും അ​നു​വ​ദി​ക്കി​ല്ലെന്നും വിവാദം ഉയര്‍ന്ന സാഹചര്യത്തിൽ‍ രാജി വയ്ക്കുകയാണെന്നും നവപ്രഭ പറഞ്ഞു. ന​വ​പ്ര​ഭ​യെ ഡ​യ​റ​ക്ട​റേ​റ്റ് ഓ​ഫ് മാ​നേ​ജ്മെ​ന്‍റ് ടെ​ക്നോ​ള​ജി ആ​ന്‍​ഡ് എ​ഡ്യൂ​ക്കേ​ഷ​ന്‍ ഡ​യ​റ​ക്ട​റാ​യാ​ണ് നി​യ​മി​ച്ച​ത്. ഇ​തി​നെ​തി​രെ ഗു​രു​ത​ര ആ​രോ​പ​ണ​ങ്ങ​ൾ ഉ​യ​ർ​ന്നി​രു​ന്നു. ഇ​വ​ര്‍​ക്കു​വേ​ണ്ടി യോ​ഗ്യ​ത​യി​ല്‍ ഭേ​ദ​ഗ​തി വ​രു​ത്തി​യെ​ന്നും ആ​രോ​പ​ണ​ങ്ങ​ൾ ഉ​ണ്ടാ​യി​രു​ന്നു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.