Latest News

‘കര്‍ണാടക ഇഫക്ട്’; സംസ്ഥാനത്ത് ഇന്ധനവില സര്‍വ്വകാല റെക്കോര്‍ഡില്‍

തിരുവനന്തപുരത്ത് പെട്രോളിന് 80.1, ഡീസലിന് 73 രൂപയുമാണ് ഇന്നത്തെ വില

petrol, Petroleum ministry

സംസ്ഥാനത്ത് ഇന്ധനവില സർവകാല റെക്കോഡിൽ. തിരുവനന്തപുരത്ത് പെട്രോളിന് 80.1, ഡീസലിന് 73 രൂപയുമാണ് ഇന്നത്തെ വില. കോഴിക്കോട് പെട്രോളിന് 78 രൂപ 93 പൈസയും, കൊച്ചിയില്‍ 78 രൂപ 31 പൈസയുമാണ് പെട്രോള്‍ വില. കർണാടക തെരഞ്ഞെടുപ്പിന് ശേഷം ഇന്ധന വിലയിൽ ഗണ്യമായ വർധനവാണ് ഉണ്ടായിരിക്കുന്നത്.

19 ദിവസത്തെ നീണ്ട ഇടവേളയ്ക്കുശേഷമായിരുന്നു വോട്ടെടുപ്പ് കഴിഞ്ഞതിനു പിന്നാലെ വില കൂട്ടിയത്. വിലവര്‍ധനയ്ക്കെതിരെ രാജ്യമെങ്ങും പ്രതിഷേധം അലയടിച്ചതിനെ തുടര്‍ന്ന് പ്രത്യേക അറിയിപ്പൊന്നും കൂടാതെ പ്രതിദിന വിലവര്‍ധന കഴിഞ്ഞമാസം 24 ന് നിര്‍ത്തിവച്ചിരുന്നു. നിർണായകമായ കര്‍ണാടക തിരഞ്ഞെടുപ്പില്‍ ജനവികാരം എതിരാകാതിരിക്കാനാണു കേന്ദ്രസര്‍ക്കാര്‍ നടപടിയെന്നും പരക്കെ ആക്ഷേപം ഉയരുന്നുണ്ട്.
പെട്രോള്‍, ഡീസല്‍ എക്‌സൈസ് ഡ്യൂട്ടി കുറയ്ക്കാന്‍ ഈ വര്‍ഷമാദ്യം പെട്രോളിയം മന്ത്രാലയം ആവശ്യപ്പെട്ടിരുന്നെങ്കിലും ധനമന്ത്രി അരുണ്‍ ജെയ്റ്റ്‌ലി ഫെബ്രുവരിയില്‍ ബജറ്റ് അവതരിപ്പിച്ചപ്പോള്‍ പരിഗണിച്ചിരുന്നില്ല.

2014 നവംബര്‍ മുതല്‍ 9 തവണയാണ് കേന്ദ്രസര്‍ക്കാര്‍ എക്‌സൈസ് തീരുവ വര്‍ദ്ധിപ്പിച്ചത്. രാജ്യാന്തര ക്രൂഡ് ഓയില്‍ വില പലതവണ മാറിയപ്പോഴും ഇതിനിടെ ഒരിക്കല്‍ മാത്രമാണ് എക്‌സൈസ് തീരുവ കുറച്ചത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Fuel price hikes day by day after karnataka election

Next Story
കോഴിക്കോട് പനി മരണം; സുരക്ഷാ നിർദ്ദേശങ്ങളുമായി ആരോഗ്യവകുപ്പ്doctor, mbbs, ie malayalam
The moderation of comments is automated and not cleared manually by malayalam.indianexpress.com