Latest News

ഒരു കുടുംബത്തിലെ നാല് പേർ വാടക വീടിനുളളിൽ മരിച്ച നിലയിൽ

ഫോൺ എടുക്കാത്തിനെ തുടർന്ന് സുഹൃത്ത് വീട്ടിലെത്തിയപ്പോഴാണ് വിവരം പുറംലോകം അറിഞ്ഞത്

suicide ആത്മഹത്യ ie malayalam ഐഇ മലയാളം

കോട്ടയം: ഏറ്റുമാനൂരിന് സമീപം കടപ്ലാമറ്റം വയല കൊശപ്പള്ളിയിൽ ഒരു കുടുംബത്തിലെ നാലു പേരെ മരിച്ച നിലയിൽ കണ്ടെത്തി. ജുവലറിയിലെ സ്വർണപണിക്കാരനായ സിനോജിനെയും കുടുംബത്തെയുമാണ് മരിച്ച നിലയിൽ കണ്ടെത്തിത്.

വയലയിൽ​ വാടകയ്ക്ക് താമസിച്ചിരുന്ന വീട്ടിലാണ് സിനോജ് (42), ഭാര്യ നിഷ (35), മക്കളായ സുര്യ തേജസ് (12), ശിവതേജസ് (ഏഴ്) എന്നിവരെ മരിച്ച നിലയിൽ കണ്ടെത്തിയത്. സൂര്യതേജസിന്റെ മൃതദേഹം കുളിമുറിയിലും നിഷയുടെയും ഇളയ മകൻ ശിവതേജസിന്റെയും മൃതദേഹങ്ങൾ കട്ടിലിലുമാണ് കണ്ടത്. മൂവരെയും കൊലപ്പെടുത്തിയ ശേഷം സിനോജ് ആത്മഹത്യ ചെയ്തതായിരിക്കുമെന്നാണ് പൊലീസിന്റെ പ്രാഥമിക നിഗമനമെന്നാണ് റിപ്പോർട്ടുകൾ.

മൂത്തമകന്റെ മൃതദേഹം കുളിമുറിയിൽ തൂങ്ങി മരിച്ച നിലയിലാണ് കാണപ്പെട്ടത്. സിനോജിനെയും തൂങ്ങി മരിച്ച നിലയിലാണ് കണ്ടെത്തിയത്. നിഷയുടെയും ശിവതേജസിന്റെയും കഴുത്തിൽ മുറുകിയ പാടുണ്ടെന്നുമാണ് പ്രാഥമിക റിപ്പോർട്ട്.

സിനോജിന്റെ സുഹൃത്ത് രാവിലെ ഫോൺ​വിളിച്ച് ആരും എടുക്കാത്തതിനാൽ അന്വേഷിച്ചെത്തിയപ്പോഴാണ് സംഭവം പുറത്തറിഞ്ഞത്. വീട്ടിൽ സിനോജിന്റെ കുടുംബത്തിന് പുറമെ ഭിന്നശേഷിക്കാരനായ ബന്ധുവായ കുട്ടി താമസിച്ചിരുന്നു. ആ കുട്ടിയാണ് വാതിൽ തുറന്നത്.​ എന്നാൽ ഈ സംഭവങ്ങളൊന്നും ആ കുട്ടി അറിഞ്ഞിരുന്നില്ല.

പാലാ ഡിവൈഎസ്‌പി, ഫൊറൻസിക് വിദഗ്‌ധർ എന്നിവർ എത്തി പരിശോധന നടത്തി. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടു കൊടുക്കുമെന്ന് പൊലീസ് അറിയിച്ചു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Four member family found dead in rented house in kottayam

Next Story
അമ്മയാന ചരിഞ്ഞു: നാട്ടിലിറങ്ങിയ കുട്ടിയാന ഇനി അനാഥൻbaby elephant
The moderation of comments is automated and not cleared manually by malayalam.indianexpress.com