ക​ണ്ണൂ​ര്‍: ഈ മാസം ഒൻപതിനായിരുന്നു കണ്ണൂർ വിമാനത്താവളത്തിന്റെ ഉദ്ഘാടനം. ഒരു മാസം പിന്നിടും മുന്‍പ് തന്നെ കണ്ണൂർ വിമാനത്താവളത്തിലൂടെ സ്വർണം കടത്താന്‍ ശ്രമം. മുഹമ്മദ് ഷാൻ എന്നയാളിൽ നിന്നാണ് 2 കിലോ സ്വർണം ഡിആർഐ പിടിച്ചെടുത്തത്. ഇയാളെ കസ്റ്റഡിയിൽ എടുത്തു.

അബുദാബിയിൽ നിന്നും കണ്ണൂരിലേക്ക് വന്ന എയർ ഇന്ത്യ എക്സ്പ്രസ് വിമാനത്തിലാണ് ഷാന്‍ സ്വർണം കടത്തിയത്. രാത്രി 9 മണിയോടെയായിരുന്നു സ്വർണം കടത്താനുള്ള ശ്രമം പിടിക്കപ്പെട്ടത്. മൈക്രോ വേവ് അവനു സമാനമായ ഉണ്ണിയപ്പം ഉണ്ടാക്കുന്ന ഇലക്ട്രിക് അപ്പച്ചട്ടിയില്‍ ഒളിപ്പിച്ചാണ് ഇയാൾ സ്വർണം കടത്താൻ ശ്രമിച്ചത്. കസ്റ്റംസ് ഉദ്യോഗസ്ഥർ ഷാനിനെ ചോദ്യം ചെയ്യുകയാണ്.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ