കൊച്ചി തീരത്ത് ചരക്കുകപ്പലിന് തീപിടിച്ചു; ഗുരുതരമായി പൊളളലേറ്റയാളെ ആശുപത്രിയിൽ പ്രവേശിപ്പിച്ചു

നാഫ്‌തയുമായി മുന്ദ്രയിൽ നിന്നും കൊളംബോയിലേക്ക് പോയ കപ്പലാണ് കൊച്ചി തീരത്തിനടുത്ത് അപകടത്തിൽ പെട്ടത്

ship, ie malayalam

കൊച്ചി: തീരത്തിന് 15 നോട്ടിക്കൽ മൈലോളം അകലെ ഉൾക്കടലിൽ ചരക്കു കപ്പലിന് തീപിടിച്ചു. ഒരാൾക്ക് അതീവ ഗുരുതരമായി പരുക്കേറ്റെന്നാണ് ദക്ഷിണ നാവിക സേനയിൽ നിന്ന് ലഭിക്കുന്ന വിവരം. രക്ഷാപ്രവർത്തനത്തിനായി ദക്ഷിണ നാവികസേന സംഘം ഇവിടെയെത്തി.

ഇന്ത്യൻ കപ്പലായ എംവി നളിനിക്കാണ് തീപിടിച്ചത്. കപ്പലിൽ 20 ലേറെ ജീവനക്കാർ ഉണ്ടായിരുന്നതായാണ് പ്രാഥമിക വിവരം.  പരുക്കേറ്റയാളുടെ ശരീരത്തിൽ 80 ശതമാനത്തിലേറെ പൊളളലേറ്റിട്ടുണ്ടെന്നാണ് വിവരം. ഇയാളെ രാത്രി 10 മണിയോടെ മെഡിക്കൽ ട്രസ്റ്റ് ആശുപത്രിയിൽ പ്രവേശിപ്പിച്ചു.

നാഫ്‌തയുമായി ഗുജറാത്തിലെ മുന്ദ്രയിൽ നിന്നും ശ്രീലങ്കയിലെ കൊളംബോയിലേക്ക് പോയ കപ്പലാണ് കൊച്ചി തീരത്തിനടുത്ത് അപകടത്തിൽ പെട്ടത്. എൻജിൻ റൂമിൽ പൊട്ടിത്തെറിയോടെയാണ് അപകടം ഉണ്ടായത്. ദക്ഷിണ നാവിക സേനയുടെ അഡ്വാൻ‌സ്‌ഡ് ലൈറ്റ് ഹെലികോപ്റ്റർ ഇവിടേക്ക് രക്ഷാപ്രവർത്തനത്തിനായി പുറപ്പെട്ടു.

സീ കിങ് ഹെലികോപ്റ്റർ ഉടനെ അപകടസ്ഥലത്തേക്ക് തിരിക്കുമെന്ന് ദക്ഷിണ നാവിക സേന വക്താവ് ശ്രീധർ വാര്യർ അറിയിച്ചു. അതേസമയം കോസ്റ്റ് ഗാർഡിന്റെ ചാർലി ബോട്ടും കപ്പൽ നങ്കൂരമിട്ടിരിക്കുന്ന ഭാഗത്തേക്ക് പുറപ്പെട്ടിട്ടുണ്ട്. ഇതിന് പുറമെ കൊച്ചിൻ പോർട്ട് ട്രസ്റ്റിന്റെ നൗകയും ഇങ്ങോട്ടേക്ക് പുറപ്പെട്ടു.  തീ നിയന്ത്രണ വിധേയമായതായാണ് വിവരം.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Fire in indian merchant ship mv nalini anchored south west of kochi one man suffered 80 burns

Next Story
നടിയെ ആക്രമിച്ച കേസ്: സിബിഐ അന്വേഷണം ആവശ്യപ്പെട്ട് ദിലീപ് ഹൈക്കോടതിയിൽDileep, ദിലീപ്, Actress Attacked, നടിയെ ആക്രമിച്ച കേസ്, ഹെെക്കോടതി, High Court, iemalayalam, ഐ ഇ മലയാളം, today news, news india, latest news, breaking news,kerala news, kerala news malayalam, കേരള വാർത്തകൾ, kerala news today, kerala news headlines, kerala news live, latest malayalam news today,malayalam news, മലയാളം വാർത്തകൾ, malayalam news live, മലയാളം വാർത്തകൾ ലൈവ്, malayalam flash news, ഇന്നത്തെ വാർത്ത, malayalam news online, വാർത്ത ചാനൽ, malayalam flash news, malayalam news online, malayalam news kerala, malayalam news live stream, malayalam news papers,
The moderation of comments is automated and not cleared manually by malayalam.indianexpress.com