scorecardresearch

എറണാകുളത്ത് നടുറോഡിൽ ഭാര്യയെ വെട്ടിയശേഷം ഭർത്താവ് ആത്മഹത്യ ചെയ്‌തു

എറണാകുളം ചേരാനെല്ലൂരിലാണ് സംഭവം

ചേരാനെല്ലൂർ: ഭാര്യയെ വെട്ടിയശേഷം ഭർത്താവ് ആത്മഹത്യ ചെയ്‌തു. എറണാകുളം ചേരാനെല്ലൂരിലാണ് സംഭവം. ഭാര്യ സന്ധ്യയെ ഗുരുതര പരുക്കുകളോടെ ആശുപത്രിയിൽ പ്രവേശിപ്പിച്ചു.

രാവിലെ എട്ടോടെയായിരുന്നു സംഭവം. മനോജും സന്ധ്യയും ഏറെ നാളായി അകന്നു കഴിയുകയായിരുന്നു. കോതമംഗലം സ്വദേശിയായ മനോജ് ഭാര്യയെ കൊല്ലുക എന്ന ഉദ്ദേശ്യത്തോടെ എറണാകുളത്ത് എത്തുകയായിരുന്നുവെന്നാണ് വിവരം. രാവിലെ കുട്ടിയെ സ്കൂളിൽ കൊണ്ടുവിട്ടശേഷം അമ്മയ്‌ക്കൊപ്പം വരികയായിരുന്ന സന്ധ്യയെ ഒളിച്ചിരുന്ന മനോജ് ആക്രമിക്കുകയായിരുന്നു. സന്ധ്യയെ വെട്ടിയശേഷം തടയാനെത്തിയ അമ്മയെയും വെട്ടി. അതിനുശേഷം അവിടെനിന്നും ഓടി രക്ഷപ്പെട്ടു.

വെട്ടേറ്റ സന്ധ്യ റോഡിൽ വീഴുന്നതിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. ഗുരുതരമായി പരുക്കേറ്റ സന്ധ്യയെയും അമ്മയെയും ആശുപത്രിയിൽ പ്രവേശിപ്പിച്ചിരിക്കുകയാണ്. സന്ധ്യയുടെ മുഖത്തും കൈയ്‌ക്കും പരുക്കേറ്റിട്ടുണ്ട്. സന്ധ്യ മരിച്ചെന്നു കരുതിയ മനോജ് പിന്നീട് ആത്മഹത്യ ചെയ്യുകയായിരുന്നു.


(വീഡിയോ കടപ്പാട്: മാതൃഭൂമി ന്യൂസ്)

Stay updated with the latest news headlines and all the latest Kerala news download Indian Express Malayalam App.

Web Title: Ernakulam husband attack wife after suicide