Latest News
കോവിഡ് മരണം 40 ലക്ഷം കടന്നു; കൂടുതല്‍ ഇന്ത്യ, അമേരിക്ക, ബ്രസീല്‍ രാജ്യങ്ങളില്‍
ഇന്ധനനിരക്ക് ഇന്നും കൂട്ടി; തിരുവനന്തപുരത്ത് പെട്രോള്‍ വില നൂറിലേക്ക്
കോപ്പയില്‍ ബ്രസീലിയന്‍ കോടുങ്കാറ്റ്; പെറുവിനെ തകര്‍ത്തു
കോവിഡിന്റെ ഡെല്‍റ്റ വകഭേദത്തിനുള്ള സ്പുട്നിക് വാക്സിന്‍ ഉടന്‍
രാജ്യത്ത് 62,480 പുതിയ കേസുകള്‍; 1,587 മരണം
കിവികളെ കീഴടക്കാന്‍ ഇന്ത്യ; ലോക ടെസ്റ്റ് ചാമ്പ്യന്‍ഷിപ്പ് ഫൈനലിന് ഇന്ന് തുടക്കം
സംവിധായകന്‍ സച്ചി ഓര്‍മയായിട്ട് ഒരു വര്‍ഷം

ഗുരുവായൂരിൽ ഇന്ന് മുതൽ നാലമ്പലത്തിലേക്ക് പ്രവേശനം

വെർച്വൽ ക്യൂ വഴി ബുക്ക് ചെയ്തുവരുന്ന 4000 പേർക്കാണ് ദർശനത്തിന് അനുമതി. നേരത്തേ ഇത് 1500 ആയിരുന്നു

Guruvayur temple, ഗുരുവായൂർ ക്ഷേത്രം, gurvayoor temple, nalambalam, temple, iemalayalam, ഐഇ മലയാളം

ഗുരുവായൂര്‍: കോവിഡ് വ്യാപനത്തെ തുടർന്നുള്ള നിയന്ത്രണങ്ങൾക്ക് ഇളവ് വരുത്തി ഇന്ന് മുതൽ ഗുരുവായൂർ ക്ഷേത്രത്തിൽ ഭക്തരെ ദർശനത്തിന് നാലമ്പലത്തിലേക്ക് പ്രവേശിപ്പിച്ചു തുടങ്ങി. മാർച്ചിൽ ലോക്ഡൗൺ തുടങ്ങിയതിന് ശേഷം ആദ്യമായാണ് ഭക്തരെ നാലമ്പലത്തിലേക്ക് പ്രവേശിപ്പിക്കുന്നത്. വെർച്വൽ ക്യൂ വഴി ബുക്ക് ചെയ്തുവരുന്ന 4000 പേർക്കാണ് ദർശനത്തിന് അനുമതി. നേരത്തേ ഇത് 1500 ആയിരുന്നു. പുലർച്ച 4.30 മുതൽ 5.30 വരെയും രാവിലെ 9.30 മുതൽ ഉച്ചക്ക്​ 1.30 വരെയും വൈകീട്ട് അഞ്ച് മുതൽ 6.30 വരെയും 7.30 മുതൽ 8.30 വരെയുമാണ് ദർശനം.

ഇതിന് പുറമെ നെയ്​വിളക്ക് ശീട്ടാക്കുന്നവർക്ക് ക്ഷേത്രം തുറന്നിരിക്കുന്ന ഏത് സമയത്തും വരിയിൽ നിൽക്കാതെ നേരിട്ട് നാലമ്പലത്തിൽ പ്രവേശിച്ച് ദർശനം നടത്താം. 1000 രൂപയുടെ വഴിപാടിന് ഒരാൾക്കും 4500 രൂപയുടെ വഴിപാടിന് അഞ്ച് പേർക്കുമാണ് പ്രത്യേക ദർശനം. ഗുരുവായൂർ നഗരസഭക്കകത്തെ സ്ഥിര താമസക്കാർ, ദേവസ്വം ജീവനക്കാർ, പെൻഷൻകാർ, അവരുടെ കുടുംബാംഗങ്ങൾ തുടങ്ങിയവർക്ക് പുലർച്ച 4.30 മുതൽ രാവിലെ 8.30 വരെയാണ് ദർശനം. തുലാഭാരം വഴിപാടിനും കൂടുതൽ സൗകര്യം ഉണ്ടാകും. ദീപസ്തംഭത്തിന് സമീപത്തുനിന്ന് ദർശനം നടത്താനുള്ള അനുമതി തുടരും. പ്രതിദിനം 60 വിവാഹങ്ങൾ എന്നത് 100 ആക്കിയിട്ടുണ്ട്.

നവംബർ 25നായിരുന്നു ഗുരുവായൂർ ഏകാദശി. കോവിഡ് നിയന്ത്രണങ്ങൾ പാലിച്ച് ദശമി, ഏകാദശി ദിവസങ്ങളിൽ 3000 പേർക്ക് മാത്രമാണ് ദർശന അനുമതി നൽകിയത്. ഇതിനായി ഓൺലൈൻ വഴിയായിരുന്നു ബുക്കിങ്.

കോവിഡ് പ്രതിരോധ നടപടികളുടെ ഭാഗമായി ശ്രീ പത്മനാഭ സ്വാമി ക്ഷേത്രത്തിൽ ഭക്തർക്ക് ദർശനത്തിനായി ഏർപ്പെടുത്തിയിരുന്ന നിയന്ത്രണങ്ങളിലും കൂടുതൽ ഇളവുകൾ പ്രഖ്യാപിച്ചിരുന്നു. ഇന്നുമുതൽ കോവിഡ് മാനദണ്ഡങ്ങൾ പാലിച്ച് നാലു നടകളിൽക്കൂടിയും ദർശനം നടത്താമെന്ന് ക്ഷേത്ര എക്സിക്യുട്ടീവ് ഓഫീസർ കഴിഞ്ഞദിവസം അറിയിച്ചിരുന്നു.

മുതിർന്ന ഭക്തർക്കുള്ള നിയന്ത്രണങ്ങളും ഒഴിവാക്കിയിട്ടുണ്ട്. ക്ഷേത്രത്തിൽ വിവാഹം, ചോറൂണ്, തുലാഭാരം ഉൾപ്പെടെയുള്ള വഴിപാടുകൾ നടത്തുന്നതിനുള്ള സംവിധാനമൊരുക്കിയിട്ടുണ്ട്. പുലർച്ചെ 3.45 മുതൽ 4.30 വരെ നിർമ്മാല്യദർശനവും 5.15 മുതൽ 6.15 വരെയും പൂജകൾക്കു ശേഷം 10 മുതൽ 12 വരെയും വൈകുന്നേരം 5 മുതൽ 6.10 വരെയും ദർശനം നടത്താം.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Entry to nalambalam from today in guruvayur

Next Story
ന്യൂനമർദം ചുഴലിക്കാറ്റായി, തെക്കൻ ജില്ലകളിൽ ജാഗ്രത
The moderation of comments is automated and not cleared manually by malayalam.indianexpress.com