തിരുവനന്തപുരം: എൻഡോസൾഫാൻ ദുരിത ബാധിതരുമായി സർക്കാർ നടത്തിയ ചർച്ച വിജയം. സമരം അവസാനിപ്പിക്കുന്നതായി സമര സമിതി പ്രവർത്തകർ അറിയിച്ചു. സമര സമിതിയുടെ ആവശ്യങ്ങളിൽ സർക്കാർ അനുകൂലമായ തീരുമാനം കൈക്കൊള്ളുമെന്ന്​ സർക്കാറി​​​ന്റെ ഉറപ്പിനെ തുടർന്നാണ്​ സമരം അവസാനിപ്പിക്കുന്നത്​.

സ​മ​രം പൂ​ർ​ണ വി​ജ​യ​മെ​ന്നാ​ണ് സ​മ​ര​സ​മി​തി മാ​ധ്യ​മ​ങ്ങ​ളെ അ​റി​യി​ച്ച​ത്. ദു​രി​ത​ബാ​ധി​ത​രു​ടെ പ​ട്ടി​ക​യി​ൽ കൂ​ടു​ത​ൽ പേ​രെ ഉ​ൾ​പ്പെ​ടു​ത്താ​ൻ ധാ​ര​ണ​യാ​യി. 2017ൽ ​ത​യാ​റാ​ക്കി​യ പ​ട്ടി​ക​യി​ലെ 18 വ​യ​സി​നു മു​ക​ളി​ലു​ള്ള​വ​ർ​ക്ക് ഉ​ട​ൻ ആ​നു​കൂ​ല്യം ല​ഭ്യ​മാ​ക്കാ​നാ​ണ് ധാ​ര​ണ. മ​റ്റു​ള്ള​വ​രു​ടെ കാ​ര്യം പ്ര​ത്യേ​ക സ​മി​തി പ​രി​ഗ​ണി​ക്കും. ക​ള​ക്ട​ർ അ​ട​ങ്ങു​ന്ന സ​മി​തി​യാ​യി​രി​ക്കും ഇ​ത് പ​രി​ഗ​ണി​ക്കു​ക. മെഡിക്കൽ ബോർഡ്​ ശുപാർശ ചെയ്​ത എല്ലാവരേയും നേരിട്ട്​ അർഹരുടെ പട്ടികയിൽ ഉൾപ്പെടുത്തും. ബോർഡി​​​ന്റെ ശുപാർശ ഇല്ലാത്തവർക്ക്​ വൈദ്യ പരിശോധന നടത്താനും വേണ്ട നടപടികൾ സ്വീകരിക്കാൻ കലക്​ടർക്ക്​ നിർദേശം നൽകാനും മുഖ്യമന്ത്രിയുമായി നടത്തിയ ചർച്ചയിൽ തീരുമാനമായി.

സർക്കാർ അവഗണനയിൽ പ്രതിഷേധിച്ച്​ രാവിലെ എൻഡോസൾഫാൻ ദുരിത ബാധിതർ മുഖ്യമന്ത്രിയുടെ ഔദ്യോഗിക വസതിയായ ക്ലിഫ്​ ഹൗസിലേക്ക്​ സങ്കട മാർച്ച്​ നടത്തിയിരുന്നു. നിരാഹാര സമരം നടക്കുന്ന സമര പന്തലിൽ നിന്ന്​ ആരംഭിച്ച​ മാർച്ചിൽ എൻഡോസൾഫാൻ ദുരിത ബാധിതരായ കുട്ടികളെയും എടുത്തുകൊണ്ടാണ്​ അമ്മമാർ പ​െങ്കടുത്തത്​. ഇതിനിടയിലാണ്​ മുഖ്യമന്ത്രിയുടെ ഓഫീസ്​ ചർച്ചക്ക്​ സന്നദ്ധമാണെന്ന്​ അറിയിച്ചത്​.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ